Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightKulathupuzhachevron_right...

എണ്ണപ്പനത്തോട്ടത്തില്‍ കന്നുകാലി മോഷണം; ഇറച്ചി കടത്ത്​ സംഘം സജീവമാകുന്നു

text_fields
bookmark_border
എണ്ണപ്പനത്തോട്ടത്തില്‍ കന്നുകാലി മോഷണം; ഇറച്ചി കടത്ത്​ സംഘം സജീവമാകുന്നു
cancel
camera_alt

പ​ശു​വി​നെ ക​ശാ​പ്പു ചെ​യ്ത്​ ഇ​റ​ച്ചി ക​ട​ത്തി​യ സം​ഭ​വ​ത്തി​ല്‍ പൊ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തു​ന്നു

കു​ള​ത്തൂ​പ്പു​ഴ: ഓ​യി​ല്‍ പാം ​ഇ​ന്ത്യ ലി​മി​റ്റ​ഡി​ന്‍റെ എ​ണ്ണ​പ്പ​ന തോ​ട്ട​ത്തി​ല്‍ നി​ന്ന്​ ക​ന്നു​കാ​ലി​ക​ളെ ക​ശാ​പ്പ് ചെ​യ്ത്​ ഇ​റ​ച്ചി ക​ട​ത്തു​ന്ന സം​ഘം വീ​ണ്ടും സ​ജീ​വ​മാ​കു​ന്നു.

കോ​വി​ഡ് വ്യാ​പ​ന​ത്തെ തു​ട​ര്‍ന്ന് ഓ​യി​ല്‍പാം എ​സ്റ്റേ​റ്റ് ഗേ​റ്റ്​ വ​ഴി ക​ട​ന്നു പോ​കു​ന്ന വാ​ഹ​ന​ങ്ങ​ളി​ല്‍ പ​രി​ശോ​ധ​ന​ക​ള്‍ ശ​ക്ത​മാ​ക്കി​യ​തി​നെ തു​ട​ര്‍ന്ന് നി​ല​ച്ചി​രു​ന്ന ഇ​റ​ച്ചി ക​ട​ത്താ​ണ് നി​യ​ന്ത്ര​ണ​ങ്ങ​ളി​ല്‍ അ​യ​വ് വ​ന്ന​തോ​ടെ വീ​ണ്ടും സ​ജീ​വ​മാ​യ​ത്. ക​ഴി​ഞ്ഞ ദി​വ​സം പ​തി​നൊ​ന്നാം മൈ​ല്‍ ക​മ്പം​കോ​ട് അ​ഭി​ലാ​ഷ് ഭ​വ​നി​ല്‍ സ​ജി​യു​ടെ ഉ​ട​മ​സ്ഥ​ത​യി​ലു​ള്ള ഗ​ര്‍ഭി​ണി പ​ശു​വി​നെ വെ​ടി​വെ​ച്ചു കൊ​ല​പ്പെ​ടു​ത്തി​യ​ശേ​ഷം ഇ​റ​ച്ചി​യാ​ക്കി ക​ട​ത്തി​യ​താ​ണ് ഏ​റ്റ​വും ഒ​ടു​വി​ല​ത്തേ​ത്.

ക​ഴി​ഞ്ഞ ദി​വ​സം അ​ര്‍ധ​രാ​ത്രി​യോ​ടെ എ​സ്റ്റേ​റ്റ് പ്ര​ദേ​ശ​ത്ത് വെ​ടി​യൊ​ച്ച കേ​ട്ട​താ​യി സ​മീ​പ​വാ​സി​ക​ള്‍ പ​റ​ഞ്ഞു. നേ​രം പു​ല​ര്‍ന്ന ശേ​ഷം എ​സ്റ്റേ​റ്റ് ജീ​വ​ന​ക്കാ​രും നാ​ട്ടു​കാ​രും ഓ​യി​ല്‍പാം തോ​ട്ട​ത്തി​നു​ള്ളി​ല്‍ ന​ട​ത്തി​യ തി​ര​ച്ചി​ലി​ല്‍ പ​ശു​വി​ന്‍റെ ത​ല​യും അ​വ​ശി​ഷ്ട​ങ്ങ​ളും ക​ണ്ടെ​ത്തി.

തു​ട​ര്‍ന്ന് സ​മീ​പ​വാ​സി​യാ​യ സ​ജി സ്ഥ​ല​ത്തെ​ത്തു​ക​യും ത‍ൻ​ന്‍റെ ഗ​ര്‍ഭി​ണി​യാ​യി​രു​ന്ന പ​ശു​വി​ന്‍റെ ത​ല​യും അ​വ​ശി​ഷ്ട​ങ്ങ​ളു​മാ​ണി​തെ​ന്ന് തി​രി​ച്ച​റി​യു​ക​യു​മാ​യി​രു​ന്നു. ഇ​തോ​ടെ​യാ​ണ് രാ​ത്രി ഇ​റ​ച്ചി ക​ട​ത്ത്​ സം​ഘ​ങ്ങ​ള്‍ വെ​ടി​വെ​ച്ചി​ട്ടു ക​ശാ​പ്പു ചെ​യ്തു ക​ട​ത്തി​യ​താ​ണെ​ന്ന സം​ശ​യം നാ​ട്ടു​കാ​ര്‍ക്കി​ട​യി​ല്‍ ബ​ല​പ്പെ​ട്ട​ത്.

എ​സ്റ്റേ​റ്റി​നു​ള്ളി​ല്‍ മേ​യാ​നാ​യി വി​ടു​ന്ന കാ​ലി​ക​ളെ രാ​ത്രി​യി​ല്‍ വാ​ഹ​ന​ത്തി​ല്‍ ക​ട​ത്തു​ന്ന സം​ഭ​വ​ങ്ങ​ള്‍ മു​മ്പും ഉ​ണ്ടാ​യി​ട്ടു​ണ്ട്. ഇ​റ​ച്ചി ക​ട​ത്ത്​ സം​ഘ​ങ്ങ​ള്‍ ക​ന്നു​കാ​ലി​ക​ളെ ക​ശാ​പ്പു ചെ​യ്തു ക​ട​ത്തു​ന്ന​താ​കാ​മെ​ന്ന നി​ഗ​മ​ന​ത്തി​ലാ​ണ് നാ​ട്ടു​കാ​ര്‍. സം​ഭ​വം സം​ബ​ന്ധി​ച്ച് ഏ​രൂ​ര്‍ പൊ​ലീ​സി​ല്‍ പ​രാ​തി ന​ല്‍കി​യ​തി​നെ തു​ട​ര്‍ന്ന് പൊ​ലീ​സ് സ്ഥ​ല​ത്തെ​ത്തി തെ​ളി​വു​ക​ള്‍ ശേ​ഖ​രി​ച്ച്​ കേ​സെ​ടു​ത്തു.

അ​തേ സ​മ​യം, എ​സ്റ്റേ​റ്റി​നു​ള്ളി​ല്‍ നി​ന്ന്​ പു​റ​ത്തേ​ക്ക് ക​ട​ന്നു​പോ​കു​ന്ന വ​ഴി​ക​ളി​ല്‍ ഓ​യി​ല്‍ പാം ​അ​ധി​കൃ​ത​ര്‍ ഗേ​റ്റ് സ്ഥാ​പി​ച്ചു കാ​വ​ലേ​ര്‍പ്പെ​ടു​ത്തി​യി​ട്ടു​ണ്ടെ​ന്നും അ​തി​നാ​ല്‍ ത​ന്നെ രാ​ത്രി ക​ട​ന്നു​പോ​യ വാ​ഹ​ന​ങ്ങ​ളെ പ​റ്റി അ​ന്വേ​ഷി​ച്ചാ​ല്‍ വേ​ട്ട​ക്കാ​രെ ക​ണ്ടെ​ത്താ​നാ​കു​മെ​ന്നും നാ​ട്ടു​കാ​ര്‍ പൊ​ലീ​സി​നോ​ട് പ​റ​ഞ്ഞു. സം​ഭ​വ​ത്തി​ല്‍ പൊ​ലീ​സ് അ​ന്വേ​ഷ​ണം ഊ​ര്‍ജി​ത​മാ​ക്കി​യി​ട്ടു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Cattle Theftmeat smuggling
News Summary - Cattle theft in ennappanathottam meat smuggling gang is active
Next Story