സൗരോർജ വേലി തകര്‍ത്ത്​ കാട്ടാനക്കൂട്ടം

കു​ള​ത്തൂ​പ്പു​ഴ: ല​ക്ഷ​ങ്ങ​ള്‍ മു​ട​ക്കി ഏ​താ​നും ആ​ഴ്ച​ക​ള്‍ക്ക് മു​മ്പ് നി​ർ​മി​ച്ച സൗ​രോ​ര്‍ജ വേ​ലി​യും പ്ര​യോ​ജ​ന​പ്പെ​ടു​ന്നി​ല്ല. നാ​ട്ടു​കാ​ര്‍ നോ​ക്കി​നി​ല്‍ക്കെ വ​ന​ത്തി​ല്‍നി​ന്ന്​ ക​ട​ന്നെ​ത്തി​യ കാ​ട്ടാ​ന​ക​ള്‍ വ​ന​പാ​ത​ക്ക് സ​മാ​ന്ത​ര​മാ​യി സ്ഥാ​പി​ച്ച ഇ​രു​മ്പു​വേ​ലി​യും സൗ​രോ​ർ​ജ വേ​ലി​യും ത​ക​ർ​ത്തു. ക​ഴി​ഞ്ഞ ദി​വ​സം ഉ​ച്ച​ക്ക് മൂ​ന്ന​ര​യോ​ടെ കു​ള​ത്തൂ​പ്പു​ഴ വി​ല്ലു​മ​ല പാ​ത​യി​ലാ​യി​രു​ന്നു സം​ഭ​വം.

തൊ​ട്ട​ടു​ത്ത തേ​ക്ക്​ പ്ലാ​ന്‍റേ​ഷ​നി​ല്‍ നി​ന്നു​മെ​ത്തി​യ കാ​ട്ടാ​ന​ക്കൂ​ട്ടം സാ​വ​ധാ​നം അ​മ്പ​തേ​ക്ക​ര്‍ പാ​ത മ​റി​ക​ട​ന്ന് വ​നം വ​കു​പ്പ് സെ​ന്‍ട്ര​ല്‍ ന​ഴ്സ​റി​യു​ടെ പ​രീ​ക്ഷ​ണ തോ​ട്ട​ത്തി​ലേ​ക്ക് ക​യ​റു​ക​യാ​യി​രു​ന്നു. ഇ​രു​മ്പു​വേ​ലി ത​ക​ര്‍ത്ത് അ​ക​ത്തേ​ക്ക് ക​യ​റി​യ കാ​ട്ടാ​ന​ക​ളി​ലൊ​ന്ന് സൗ​രോ​ര്‍ജ​വേ​ലി ക​മ്പി​യി​ല്‍ തൊ​ട്ടു​നോ​ക്കി വൈ​ദ്യു​തി​യി​ല്ലെ​ന്ന്​ ഉ​റ​പ്പാ​ക്കി​യാ​ണ് വേ​ലി ച​വി​ട്ടി ചാ​യ്ച്ച് മ​റ്റു ആ​ന​ക​ള്‍ക്ക് ക​ട​ന്നു​പോ​കാ​ന്‍ വ​ഴി​യൊ​രു​ക്കി​യ​ത്. ഈ ​സ​മ​യം പാ​ത​യി​ലൂ​ടെ എ​ത്തി​യ ഓ​ട്ടോ​റി​ക്ഷ യാ​ത്രി​ക​രും ബൈ​ക്ക് യാ​ത്രി​ക​രു​മാ​ണ് വി​വ​രം വ​നം​വ​കു​പ്പ് ഉ​ദ്യോ​ഗ​സ്ഥ​രെ അ​റി​യി​ച്ച​ത്. വ​ര്‍ഷ​ങ്ങ​ള്‍ക്ക് മു​മ്പ് ന​ഴ്സ​റി പ​രീ​ക്ഷ​ണ തോ​ട്ട​ത്തി​ന്​ ചു​റ്റും സ്ഥാ​പി​ച്ച സൗ​രോ​ർ​ജ​വേ​ലി പ്ര​വ​ര്‍ത്ത​ന ക്ഷ​മ​മ​ല്ലാ​തെ വ​ന്ന​തോ​ടെ കാ​ട്ടു​മൃ​ഗ​ങ്ങ​ള്‍ ജ​ന​വാ​സ​മേ​ഖ​ല​യി​ലേ​ക്ക് ക​ട​ന്നെ​ത്തു​ന്ന​ത് പ​തി​വാ​കു​ക​യും നാ​ട്ടു​കാ​രു​ടെ പ​രാ​തി ശ​ക്ത​മാ​വു​ക​യും ചെ​യ്ത​തി​ന്‍റെ അ​ടി​സ്ഥാ​ന​ത്തി​ലാ​ണ് ഏ​താ​നും ആ​ഴ്ച​ക​ള്‍ക്ക് മു​മ്പ് വ​നം വ​കു​പ്പ് പു​തി​യ സൗ​രോ​ര്‍ജ​വേ​ലി സ്ഥാ​പി​ച്ച​ത്. പ്ര​ദേ​ശ​വാ​സി​ക​ളു​ടെ കാ​ഴ്ച​യി​ല്‍ ല​ക്ഷ​ങ്ങ​ള്‍ മു​ട​ക്കി​യ പു​തി​യ സൗ​രോ​ര്‍ജ​വേ​ലി​യും അ​തൊ​രു​ക്കു​ന്ന സു​ര​ക്ഷി​ത​ത്വ​വും മു​ന്‍നി​ര്‍ത്തി​യാ​ണ് ആ​ദി​വാ​സി കോ​ള​നി​ക​ളി​ല​ക്ക​ട​ക്ക​മു​ള്ള വി​ദ്യാ​ര്‍ഥി​ക​ള്‍ ഉ​ൾ​പ്പെ​ടെ നൂ​റു​ക​ണ​ക്കി​നു പേ​ര്‍ വ​ന​പാ​ത​യി​ലൂ​ടെ രാ​വും പ​ക​ലും സ​ഞ്ച​രി​ക്കു​ന്ന​ത്.

എ​ന്നാ​ല്‍, പു​തി​യ വേ​ലി പേ​രി​ന് മാ​ത്ര​മാ​ണു​ള്ള​തെ​ന്നും യാ​തൊ​രു വി​ധ​ത്തി​ലു​മു​ള്ള സു​ര​ക്ഷ​യും ഇ​തു​കൊ​ണ്ട്​ ല​ഭി​ക്കു​ന്നി​ല്ലെ​ന്നു​ള്ള​തും ക​ഴി​ഞ്ഞ ദി​വ​സ​ത്തെ സം​ഭ​വ​ത്തോ​ടെ നാ​ട്ടു​കാ​ര്‍ക്ക് ബോ​ധ്യ​പ്പെ​ട്ടു. സൗ​രോ​ര്‍ജ​വേ​ലി കൊ​ണ്ട് ഉ​ദ്ദേ​ശി​ക്കു​ന്ന പ്ര​യോ​ജ​നം ല​ഭി​ക്കു​ന്നി​ല്ലെ​ങ്കി​ല്‍ ല​ക്ഷ​ക്ക​ണ​ക്കി​ന്​ രൂ​പ മു​ട​ക്കു​ന്ന​ത് ചെ​ല​വെ​ഴു​താ​ന്‍ വേ​ണ്ടി മാ​ത്ര​മോ എ​ന്ന ചോ​ദ്യം നാ​ട്ടു​കാ​ര്‍ക്കി​ട​യി​ല്‍ ഉ​യ​രു​ന്നു​മു​ണ്ട്.