നാടൻ പച്ചക്കറികളും പൂക്കളും; ഓണവിപണി കീഴടക്കാൻ കുടുംബശ്രീ

കൊ​ല്ലം: ഓ​ണ​വി​പ​ണി​യി​ൽ നാ​ട​ൻ പ​ച്ച​ക്ക​റി​ക​ൾ​ക്കും പൂ​ക്ക​ളും നി​റ​ക്കാ​ൻ കു​ടും​ബ​ശ്രീ വ​നി​താ ക​ർ​ഷ​ക​ർ. ഓ​ണ​ക്കാ​ല​ത്തെ വി​പ​ണി ആ​വ​ശ്യ​ക​ത മു​ന്നി​ൽ​ക്ക​ണ്ട് ‘ഓ​ണ​ക്ക​നി’, ‘നി​റ​പ്പൊ​ലി​മ’ പ​ദ്ധ​തി​ക​ളു​ടെ ഭാ​ഗ​മാ​യി ജി​ല്ല​യി​ൽ 928 ഏ​ക്ക​റി​ൽ വി​പു​ല​മാ​യ കൃ​ഷി​യാ​ണ് കു​ടും​ബ​ശ്രീ ജോ​യ​ന്റ് ല​യ​ബി​ലി​റ്റി ഗ്രൂ​പ്(​ജെ.​എ​ൽ.​ജി) അം​ഗ​ങ്ങ​ളു​ടെ നേ​തൃ​ത്വ​ത്തി​ൽ പു​രോ​ഗ​മി​ക്കു​ന്ന​ത്. 11 ബ്ലോ​ക്കു​ക​ളി​ലാ​യി 3,651 ജെ.​എ​ൽ.​ജി ഗ്രൂ​പ്പു​ക​ളാ​ണ് ഇ​ത്ത​വ​ണ കൃ​ഷി​യി​റ​ക്കി​യ​ത്. കൃ​ഷി​യി​ട​ത്തി​ൽ​നി​ന്ന് നേ​രി​ട്ട് ഉ​പ​ഭോ​ക്താ​വി​ലേ​ക്കെ​ത്തി​ക്കു​ന്ന രീ​തി​യി​ൽ ഓ​ണ​ച്ച​ന്ത​ക​ൾ ഒ​രു​ക്കി നാ​ട​ൻ ഉ​ൽ​പ​ന്ന​ങ്ങ​ൾ​ക്ക് വി​പ​ണി ഉ​റ​പ്പാ​ക്കാ​നാ​ണ് ല​ക്ഷ്യ​മി​ടു​ന്ന​ത്.

നാ​ട​ൻ​വി​ഭ​വ​ങ്ങ​ളു​മാ​യി ഓ​ണ​ച്ച​ന്ത​ക​ളു​ടെ പ്ര​വ​ർ​ത്ത​ന​വും ഉ​ട​ൻ ആ​രം​ഭി​ക്കും. ജി​ല്ല​യി​ലെ 68 സി.​ഡി.​എ​സു​ക​ൾ ആ​ണ് കാ​ർ​ഷി​ക പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​ത്. വി​വി​ധ പ​ഞ്ചാ​യ​ത്തു​ക​ളി​ലെ ത​രി​ശു​ഭൂ​മി​ക​ൾ ക​ണ്ടെ​ത്തി കൃ​ഷി​യോ​ഗ്യ​മാ​ക്കി​യും കൃ​ഷി​ഭൂ​മി പാ​ട്ട​ത്തി​നെ​ടു​ത്തു​മാ​ണ് കൃ​ഷി വ്യാ​പി​പ്പി​ച്ച​ത്.

നാ​ട​ൻ പൂ​ക്ക​ളു​മാ​യി നി​റ​പ്പൊ​ലി​മ

ഓ​ണ​ക്കാ​ല​ത്ത് വ​ലി​യ വി​ല​ക്ക​യ​റ്റം നേ​രി​ടു​ന്ന പൂ​വി​പ​ണി​യി​ൽ നാ​ട​ൻ പൂ​ക്ക​ളു​ടെ ല​ഭ്യ​ത വ​ർ​ധി​പ്പി​ക്കാ​ൻ ‘നി​റ​പ്പൊ​ലി​മ’ പ​ദ്ധ​തി​യാ​ണ് കു​ടും​ബ​ശ്രീ അ​വ​ത​രി​പ്പി​ക്കു​ന്ന​ത്. 597 ജെ.​എ​ൽ.​ജി ഗ്രൂ​പ്പു​ക​ളു​ടെ നേ​തൃ​ത്വ​ത്തി​ൽ 102.65 ഏ​ക്ക​റി​ലാ​ണ് പൂ​ക്കൃ​ഷി ന​ട​ക്കു​ന്ന​ത്. ചെ​ണ്ടു​മ​ല്ലി, വാ​ടാ​മ​ല്ലി, ജ​മ​ന്തി, മു​ല്ല​പ്പൂ ഇ​ന​ങ്ങ​ളാ​ണ് പ്ര​ധാ​ന​മാ​യും കൃ​ഷി ചെ​യ്യു​ന്ന​ത്. കു​റ​ഞ്ഞ ചെ​ല​വി​ൽ പു​തി​യ പൂ​ക്ക​ൾ ല​ഭ്യ​മാ​ക്കു​ന്ന​തി​നൊ​പ്പം പ്രാ​ദേ​ശി​ക വ​നി​താ ക​ർ​ഷ​ക​ർ​ക്ക് വ​രു​മാ​ന​വും ഉ​റ​പ്പാ​ക്കാ​നാ​കും. കൊ​ല്ല​ത്തെ ഓ​ണാ​ഘോ​ഷ​ങ്ങ​ൾ​ക്ക് നാ​ട​ൻ​പൂ​ക്ക​ളു​ടെ നി​റ​പ്പ​കി​ട്ടേ​കാ​നും പ​ദ്ധ​തി ല​ക്ഷ്യ​മി​ടു​ന്നു.

360 ഏ​ക്ക​റി​ൽ കി​ഴ​ങ്ങു​വ​ർ​ഗ​ങ്ങ​ൾ; 311 ഏ​ക്ക​റി​ൽ ഏ​ത്ത​വാ​ഴ

ഓ​ണ​സ​ദ്യ​യി​ലെ പ്ര​ധാ​ന വി​ഭ​വ​ങ്ങ​ൾ​ക്ക് ആ​വ​ശ്യ​മാ​യ നാ​ട​ൻ കി​ഴ​ങ്ങു​വ​ർ​ഗ​ങ്ങ​ളു​ടെ ല​ഭ്യ​ത ഉ​റ​പ്പാ​ക്കു​ന്ന​തി​നാ​യി 1,095 ജെ.​എ​ൽ.​ജി ഗ്രൂ​പ്പു​ക​ൾ 360 ഏ​ക്ക​റി​ൽ ചേ​ന, ചേ​മ്പ്, മ​ര​ച്ചീ​നി എ​ന്നി​വ കൃ​ഷി ചെ​യ്യു​ന്നു. ഓ​ണ​സ​ദ്യ​ക്കും ഉ​പ്പേ​രി നി​ർ​മാ​ണ​ത്തി​നും ആ​വ​ശ്യ​മാ​യ ഏ​ത്ത​ക്കാ​യു​ടെ ല​ഭ്യ​ത ഉ​റ​പ്പാ​ക്കു​ന്ന​തി​നാ​യി 985 ഗ്രൂ​പ്പു​ക​ളു​ടെ നേ​തൃ​ത്വ​ത്തി​ൽ 311 ഏ​ക്ക​റി​ൽ ഏ​ത്ത​വാ​ഴ കൃ​ഷി​യും പു​രോ​ഗ​മി​ക്കു​ന്നു. ഇ​തി​നു പു​റ​മെ പ​ട​വ​ലം, പാ​വ​ൽ, വെ​ണ്ട, വ​ഴു​ത​ന, പ​യ​ർ എ​ന്നി​ങ്ങ​നെ വി​വി​ധ​യി​നം പ​ച്ച​ക്ക​റി​ക​ളും കൃ​ഷി ചെ​യ്യു​ന്നു​ണ്ട്.

974 ജെ.​എ​ൽ.​ജി യൂ​നി​റ്റു​ക​ൾ 155 ഏ​ക്ക​റി​ലാ​ണ് വി​വി​ധ പ​ച്ച​ക്ക​റി​ക​ൾ കൃ​ഷി ചെ​യ്യു​ന്ന​ത്. വി​ഷ​ര​ഹി​ത​മാ​യി ഉ​ൽ​പ്പാ​ദി​പ്പി​ക്കു​ന്ന ഈ ​കാ​ർ​ഷി​ക ഉ​ൽ​പ​ന്ന​ങ്ങ​ൾ ഓ​ണ​ച്ച​ന്ത​ക​ളി​ലൂ​ടെ നേ​രി​ട്ട് ഉ​പ​ഭോ​ക്താ​ക്ക​ളി​ലെ​ത്തി​ക്കാ​നാ​ണ് പ​ദ്ധ​തി. കൃ​ഷി​വി​സ്തൃ​തി​യു​ടെ കാ​ര്യ​ത്തി​ൽ ശാ​സ്താം​കോ​ട്ട ബ്ലോ​ക്കാ​ണ് ജി​ല്ല​യി​ൽ ഒ​ന്നാ​മ​ത്. 523 ഗ്രൂ​പ്പു​ക​ൾ 129 ഏ​ക്ക​റി​ൽ കൃ​ഷി ചെ​യ്യു​ന്നു. 463 ഗ്രൂ​പ്പു​ക​ൾ 128 ഏ​ക്ക​റി​ൽ കൃ​ഷി ന​ട​ത്തു​ന്ന കൊ​ട്ടാ​ര​ക്ക​ര​യാ​ണ് തൊ​ട്ടു​പി​ന്നി​ൽ. മ​റ്റ് ബ്ലോ​ക്കു​ക​ളി​ലെ കൃ​ഷി​വി​സ്തൃ​തി: അ​ഞ്ച​ൽ - 105 ഏ​ക്ക​ർ, ച​ട​യ​മം​ഗ​ലം - 104, ഇ​ത്തി​ക്ക​ര - 102, പ​ത്ത​നാ​പു​രം - 86, ചി​റ്റു​മ​ല - 82, വെ​ട്ടി​ക്ക​വ​ല - 79, ഓ​ച്ചി​റ - 55, ച​വ​റ - 32, മു​ഖ​ത്ത​ല - 26 ഏ​ക്ക​ർ.

ക​ർ​ഷ​ക​രി​ൽ​നി​ന്ന് നേ​രി​ട്ട് ഓ​ണ​ച്ച​ന്ത​ക​ളി​ലേ​ക്ക്

കു​ടും​ബ​ശ്രീ അ​യ​ൽ​ക്കൂ​ട്ട​ങ്ങ​ളും ജെ.​എ​ൽ.​ജി ക​ർ​ഷ​ക ഗ്രൂ​പ്പു​ക​ളും ഉ​ൽ​പാ​ദി​പ്പി​ക്കു​ന്ന പ​ച്ച​ക്ക​റി​ക​ൾ, പൂ​ക്ക​ൾ, മ​റ്റ് കാ​ർ​ഷി​ക ഉ​ൽ​പ​ന്ന​ങ്ങ​ൾ എ​ന്നി​വ നേ​രി​ട്ട് ശേ​ഖ​രി​ച്ചാ​ണ് ഓ​ണ​ച്ച​ന്ത​ക​ളി​ലൂ​ടെ വി​പ​ണ​നം ന​ട​ത്തു​ക. ഓ​ണ​ച്ച​ന്ത​ക​ൾ പ്ര​വ​ർ​ത്തി​ക്കു​ന്ന ഓ​രോ ദി​വ​സ​വും വി​വി​ധ​യി​നം പ​ച്ച​ക്ക​റി​ക​ളു​ടെ​യും പൂ​ക്ക​ളു​ടെ​യും ത​ട​സ്സ​മി​ല്ലാ​ത്ത ല​ഭ്യ​ത ഉ​റ​പ്പാ​ക്കു​ന്ന​തി​നാ​യി സി.​ഡി.​എ​സ് ത​ല​ത്തി​ൽ പ്ര​ത്യേ​ക ഏ​കോ​പ​ന സം​വി​ധാ​ന​വും ഒ​രു​ക്കി​യി​ട്ടു​ണ്ട്. വി​വി​ധ ജെ.​എ​ൽ.​ജി യൂ​നി​റ്റു​ക​ളി​ലെ വി​ള​വെ​ടു​പ്പ്, ശേ​ഖ​ര​ണം, സം​ഭ​ര​ണം, വി​ത​ര​ണം എ​ന്നി​വ മു​ൻ​കൂ​ട്ടി ആ​സൂ​ത്ര​ണം ചെ​യ്താ​ണ് വി​പ​ണ​ന സം​വി​ധാ​നം ക്ര​മീ​ക​രി​ക്കു​ന്ന​ത്.

കൃ​ഷി​യി​ട​ത്തി​ലെ വി​ള​വെ​ടു​പ്പ് മു​ത​ൽ ഉ​ൽ​പ​ന്ന​ങ്ങ​ൾ വി​പ​ണി​യി​ലെ​ത്തു​ന്ന​തു​വ​രെ​യു​ള്ള ഘ​ട്ട​ങ്ങ​ളി​ൽ ഗു​ണ​നി​ല​വാ​ര​വും കാ​ര്യ​ക്ഷ​മ​ത​യും ഉ​റ​പ്പാ​ക്കാ​ൻ സി.​ഡി.​എ​സ് ത​ല​ത്തി​ൽ പ്ര​വ​ർ​ത്തി​ക്കു​ന്ന അ​ഗ്രി സി.​ആ​ർ.​പി​മാ​രു​ടെ സേ​വ​നം പ്ര​യോ​ജ​ന​പ്പെ​ടു​ത്തും. വി​ള​വെ​ടു​പ്പ് സ​മ​യ​ക്ര​മം, ഉ​ൽ​പ​ന്ന​ങ്ങ​ളു​ടെ ശേ​ഖ​ര​ണം, ഗ്രേ​ഡി​ങ്, പാ​ക്കി​ങ്, ഗ​താ​ഗ​തം, വി​പ​ണ​നം തു​ട​ങ്ങി​യ ഘ​ട്ട​ങ്ങ​ളി​ൽ ക​ർ​ഷ​ക​ർ​ക്ക് ആ​വ​ശ്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ അ​ഗ്രി സി.​ആ​ർ.​പി​മാ​ർ ന​ൽ​കും. ഉ​ൽ​പ​ന്ന​ങ്ങ​ൾ കേ​ടു​പാ​ടു​ക​ൾ കൂ​ടാ​തെ കൃ​ത്യ​സ​മ​യ​ത്ത് ഓ​ണ​ച്ച​ന്ത​ക​ളി​ലെ​ത്തി​ക്കു​ന്ന​തി​നും ഇ​തി​ലൂ​ടെ സാ​ധി​ക്കും.