കൊട്ടിയത്ത്​ വസ്ത്രശാലയിൽനിന്ന്​ രണ്ട്​ ലക്ഷം കവർന്നു

കൊ​ട്ടി​യം: വ​സ്ത്ര​വി​ൽ​പ​ന​ശാ​ല​യി​ൽ വ​ൻ മോ​ഷ​ണം; ര​ണ്ടു​ല​ക്ഷം രൂ​പ മോ​ഷ്ടാ​വ് ക​വ​ർ​ന്നു. കൊ​ട്ടി​യം ജ​ങ്​​ഷ​നി​ലു​ള്ള പ്ര​മു​ഖ വ​സ്ത്ര​ശാ​ല​യി​ലാ​ണ്​ വെ​ള്ളി​യാ​ഴ്ച അ​ർ​ധ​രാ​ത്രി​യി​ൽ ക​വ​ർ​ച്ച ന​ട​ന്ന​ത്. മോ​ഷ​ണ​ത്തി​ന്‍റെ ദൃ​ശ്യ​ങ്ങ​ൾ ക​ട​ക്കു​ള്ളി​ലെ നി​രീ​ക്ഷ​ണ കാ​മ​റ​യി​ൽ​നി​ന്ന്​ പൊ​ലീ​സി​ന് ല​ഭി​ച്ചു. മു​ക​ളി​ല​ത്തെ നി​ല​യി​ലു​ള്ള ഷീ​റ്റ് പൊ​ളി​ച്ച് അ​ക​ത്തു​ക​ട​ന്നാ​യി​രു​ന്നു മോ​ഷ​ണം. കൗ​ണ്ട​ർ കു​ത്തി​ത്തു​റ​ന്നാ​ണ് പ​ണം അ​പ​ഹ​രി​ച്ച​ത്. കൗ​ണ്ട​റി​ൽ​നി​ന്ന്​ പ​ണ​മെ​ടു​ത്ത് തു​ണി​യി​ൽ കെ​ട്ടി പോ​കു​ന്ന ദൃ​ശ്യ​ങ്ങ​ളാ​ണ് പൊ​ലീ​സി​ന്​ ല​ഭി​ച്ച​ത്.

ക​ട​യു​ടെ മു​ന്നി​ൽ സു​ര​ക്ഷ ജീ​വ​ന​ക്കാ​ര​നു​ണ്ടാ​യി​രു​ന്നെ​ങ്കി​ലും പു​റ​കു​വ​ശ​ത്ത് മു​ക​ളി​ൽ കൂ​ടി ക​യ​റി​യ​തി​നാ​ലും മ​ഴ​യു​ണ്ടാ​യി​രു​ന്ന​തി​നാ​ലും മോ​ഷ്ടാ​വ് ക​ട​ക്കു​ള്ളി​ൽ ക​ട​ന്ന​ത് സു​ര​ക്ഷ ജീ​വ​ന​ക്കാ​ര​ൻ അ​റി​ഞ്ഞി​രു​ന്നി​ല്ല.

വ​സ്ത്ര​വി​ൽ​പ​ന​ശാ​ല പ്ര​വ​ർ​ത്തി​ക്കു​ന്ന ബ​ഹു​നി​ല കെ​ട്ടി​ട​ത്തി​ലെ അ​ഗ്നി​ര​ക്ഷാ സം​വി​ധാ​ന​ത്തി​നു​ള്ള പൈ​പ്പ് വ​ഴി​യാ​കാം മോ​ഷ്ടാ​വ് ര​ക്ഷ​പ്പെ​ട്ട​തെ​ന്ന് ക​രു​തു​ന്നു. ശ​നി​യാ​ഴ്ച രാ​വി​ലെ ക​ട തു​റ​ന്ന​പ്പോ​ഴാ​ണ് മോ​ഷ​ണ​വി​വ​രം അ​റി​യു​ന്ന​ത്.

കൊ​ട്ടി​യം പൊ​ലീ​സ് സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചു. പ​രി​സ​ര​ത്തെ ക​ട​ക​ളി​ൽ റോ​ഡി​ലേ​ക്കി​രി​ക്കു​ന്ന നി​രീ​ക്ഷ​ണ കാ​മ​റ​ക​ൾ കൊ​ട്ടി​യം എ​സ്.​ഐ സു​ജി​ത്തി​ന്‍റെ നേ​തൃ​ത്വ​ത്തി​ൽ പ​രി​ശോ​ധി​ച്ചു​വ​രി​ക​യാ​ണ്.

സു​ര​ക്ഷ ജീ​വ​ന​ക്കാ​ര​നി​ൽ​നി​ന്ന്​ പൊ​ലീ​സ് വി​വ​രം ശേ​ഖ​രി​ച്ചു. കൗ​ണ്ട​ർ കു​ത്തി​ത്തു​റ​ക്കാ​ൻ ഉ​പ​യോ​ഗി​ച്ച​തെ​ന്ന്​ ക​രു​തു​ന്ന ഉ​പ​ക​ര​ണം പൊ​ലീ​സി​ന് ല​ഭി​ച്ച​താ​യും വി​വ​ര​മു​ണ്ട്. മോ​ഷ്ടാ​വി​നെ പി​ടി​കൂ​ടു​ന്ന​തി​ന്​ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.