യുവാവിനെ ആക്രമിച്ച് ഒളിവിലായിരുന്നയാൾ അറസ്റ്റിൽ
text_fields
കൊട്ടിയം: ബൈക്ക് തട്ടിയതിനെ ചോദ്യംചെയ്ത യുവാവിനെ ഗുരുതരമായി ആക്രമിച്ചിട്ട് ഒളിവിൽ പോയ മുൻ കൊലപാതകക്കേസിലെ പ്രതി അറസ്റ്റിലായി. തഴുത്തല പേരയം കാക്കട്ടുവയലിൽ ചരുവിള പുത്തൻവീട്ടിൽ എ. അജ്മൽ (20) ആണ് പൊലീസ് പിടിയിലായത്. പേരയം സ്വദേശി ബൈജുവിനെയാണ് ഇയാൾ ആക്രമിച്ചത്.
കഴിഞ്ഞ 10ന് രാവിലെ മൈലാപ്പൂർ ചന്തമുക്കിന് സമീപമുള്ള യുവസംഗമം ക്ലബിന് മുന്നിലായിരുന്നു അക്രമം.
കൊട്ടിയം ഇൻസ്പെക്ടർ എം.സി. ജിംസ്റ്റലിെൻറ നേതൃത്വത്തിൽ സബ് ഇൻസ്പെക്ടർമാരായ പി.ഡി. അനീഷ് മോൻ, എസ്. ഷിഹാസ്, എ.എസ്.ഐ സുനിൽകുമാർ, എസ്.സി.പി.ഒ ബീന, സി.പി.ഒമാരായ പ്രശാന്ത്, ജാസീം, ദിലീപ് റോയി എന്നിവരടങ്ങിയ സംഘമാണ് പിടികൂടിയത്.
