തോട്ടിൽ വീണ പശുവിനെ ഫയർഫോഴ്സ് രക്ഷപ്പെടുത്തി

കൊട്ടിയം: മയ്യനാട് പുല്ലിച്ചിറ കോവുച്ചിറയിൽ തോട്ടിൽ വീണ പശുവിനെ ഫയർഫോഴ്സ് സംഘവും സിവിൽ ഡിഫൻസ് ഫോഴ്സ് അംഗങ്ങളും ചേർന്ന് രക്ഷപ്പെടുത്തി.

കോവുച്ചിറ വയലിൽ വീട്ടിൽ സുഷമയുടെ പശുവാണ് തിങ്കളാഴ്ച രാവിലെ അടുത്തുള്ള തോട്ടിൽ വീണത്. കടപ്പാക്കടയിൽ നിന്നെത്തിയ ഫയർഫോഴ്സ് പശുവിനെ രക്ഷപ്പെടുത്തി. എ.എസ്​.ടി.ഒ മാരായ ദിലീപ്, ഡൊമിനിക് എഡ്മണ്ട്, ഫയർ ഓഫിസർമാരായ ശരത്, അജു, മനുകുമാർ ദീപക് ഷഹാദ്, രാധാകൃഷ്ണൻ നായർ, സിവിൽ ഡിഫെൻസ് വാർഡൻ ഷിബു റാവുത്തർ എന്നിവർ രക്ഷാപ്രവർത്തനത്തിന്​ നേതൃത്വം നൽകി.