ലോക്​ഡൗണിനിടയിലും വാഹനത്തിൽ കൊണ്ടുനടന്ന്​ വിൽപ്പന; 15 ലിറ്റർ ചാരായവുമായി ഒരാൾ പിടിയിൽ

കൊട്ടാരക്കര (കൊല്ലം): ലോക്​ഡൗണിനിടയിലും വാഹനത്തിൽ കൊണ്ടുനടന്ന്​ വിൽക്കുകയായിരുന്ന 15 ലിറ്റർ ചാരായവുമായി ഒരാളെ കൊട്ടാരക്കര എക്സൈസ് പിടികൂടി. കോട്ടാത്തല സുരേന്ദ്രലായം വീട്ടിൽ പ്രകാശിനെയാണ്​ (45) പിടികൂടിയത്. ഇയാളിൽനിന്ന് വാറ്റുപകരണങ്ങളും വാഹനവും പിടിച്ചെടുത്തു.

കൊട്ടാരക്കര എക്സൈസ് റെയിഞ്ച് ഓഫിസിലെ പ്രിവൻറിവ് ഓഫിസർ ഷിലു എ, ഗ്രേഡ് പ്രിവൻറിവ് ഓഫിസർമാരായ സന്തോഷ് കുമാർ, രമേശൻ, സി.ഇ.ഒമാരായ വിവേക്, രാകേഷ് എന്നിവർ ചേർന്നാണ് പ്രതിയെ പിടികൂടിയത്.