കൊട്ടാരക്കര ചന്തമുക്കിലെ ട്രാഫിക് റോഡ് വീണ്ടും തകർന്നു

കൊട്ടാരക്കര: കൊട്ടാരക്കര ചന്തമുക്കിലെ ട്രാഫിക് റോഡ് വീണ്ടും തകർന്നു. രണ്ട് മാസം മുമ്പാണ് റോഡിൽ ഇന്റർലോക്ക് ചെയ്തത്. ഓയൂർ-കൊട്ടാരക്കര, കൊട്ടാരക്കര-പുത്തൂർ റോഡ് എന്നിവ കടന്നുപോകുന്ന പാതയാണിത്. പുത്തൂർ ഭാഗത്തുനിന്ന് വരുന്ന സ്വകാര്യ-കെ.എസ്.ആർ.ടി.സി ബസുകൾ ഇതുവഴിയാണ് കടന്നുപോകുന്നത്.

വളവ് ഭാഗത്തായി കുഴികൾ രൂപപ്പെട്ടിരിക്കുന്നതിനാൽ വാഹനാപകടങ്ങൾ പതിവാകുന്നു. നഗരസഭയുടെ നേതൃത്വത്തിലാണ് റോഡിലെ കുഴികൾ മുമ്പ് അടച്ചിരുന്നത്. പിന്നീട് മഴയിൽ അവ ഭാഗികമായി ഒലിച്ചുപോവുകയായിരുന്നു. ഗതാഗത തിരക്ക് വർധിച്ച ഇവിടെ അടിയന്തരമായി കുഴികളിൽ ടാറിങ് നടത്തണമെന്നാണ് നാട്ടുകാരുടെ ആവശ്യം.