പാറക്കുളത്തിൽ യുവാവിനെ മരിച്ച നിലയിൽ കണ്ടെത്തിയ സംഭവം കൊലപാതകം; പ്രതികൾ പിടിയിൽ

കൊട്ടാരക്കര: യുവാവിനെ പാറക്കുളത്തിൽ മരിച്ച നിലയിൽ കണ്ടെത്തിയ സംഭവം കൊലപാതകമാ​െണന്ന് തെളിഞ്ഞു. പ്രതികൾ പൊലീസ് കസ്​റ്റഡിയിലായി. പൂവറ്റൂർ കിഴക്ക് പുത്തൂർമുക്കിൽ മനുഭവനിൽ മനുരാജ് (33) ​െൻറ മരണവുമായി ബന്ധപ്പെട്ട്​ പട്ടാഴി തേക്കെത്തേരി നരിക്കോട് പുത്തൻ വീട്ടിൽ പൗലോസ് (71), കലയപുരം പാറവിള വിഷ്ണു ഭവനിൽ മോഹനൻ (44) എന്നിവരെയാണ് കൊട്ടാരക്കര ഡിവൈ.എസ്.പി സ്​റ്റുവർട്ട് കീലറുടെ നേതൃത്വത്തിലുള്ള അന്വേഷണസംഘം അറസ്​റ്റ്​ ചെയ്തത്.

മനുരാജിനെ ഭാ​ര്യ അശ്വതിയുടെ വീട്ടിന് സമീപമുള്ള പാറക്കുളത്തിൽ കഴിഞ്ഞ ജൂൺ മൂന്നിനാണ്​ മരിച്ച നിലയിൽ കണ്ടെത്തിയത്​. മനുരാജിനെ ജൂൺ രണ്ട് മുതൽ കാണാതായതായി ഭാര്യ പരാതിപ്പെട്ടിരുന്നു. തൊട്ടടുത്ത ദിവസം പാറക്കുളത്തിൽ മനുരാജി​െൻറ ശരീരം പൊങ്ങുകയായിരുന്നു. സ്പെഷൽ ബ്രാഞ്ച് പൊലീസ് മരണത്തിൽ സംശയമുണ്ടെന്ന് കൊല്ലം റൂറൽ ജില്ല പൊലീസ് മേധാവിക്ക് റിപ്പോർട്ട് നൽകിയിരുന്നു. തുടർന്ന് അന്വേഷണം കൊട്ടാരക്കര ഡിവൈ.എസ്.പിക്ക് കൈമാറി.

ഇതിനിടയിൽ പോറ്റ്​​േമാർട്ടം റിപ്പോർട്ടിൽ മരണകാരണം തലക്കേറ്റ അടിമൂലമാണെന്ന് വ്യക്​തമായി. മനുരാജും പ്രതികളായ പൗലോസും മോഹനനും ഒരുമിച്ച് കൂലിപ്പണികളും മറ്റും ചെയ്ത​ുവരികയായിരുന്നു. ജൂൺ രണ്ടിന് മനുരാജ്​ ജോലി കഴിഞ്ഞശേഷം പൗലോസി​െൻറ വീട്ടിൽ ഒരുമിച്ചിരുന്നു മദ്യപിച്ചു. തുടർന്ന്​ അടക്കാമരം കച്ചവടം ചെയ്തതുമായി ബന്ധപ്പെട്ട്​ മനുരാജും പൗലോസും തമ്മിൽ തർക്കമുണ്ടായി. അടക്കാമരക്കമ്പ് കൊണ്ട് മനുരാജി​െൻറ തലക്കടിച്ച് കൊലപ്പെടുത്തുകയായിരുന്നു. ഇതിന​ു​ശേഷം പൗലോസും മോഹനനും ചേർന്ന്​ മൃതദേഹം രാത്രിതന്നെ പാറക്കുളത്തിൽ കൊണ്ടിട്ടു. സംഭവം കഴിഞ്ഞ് കുറച്ച​ുദിവസങ്ങൾക്കകം പൗലോസി​െൻറ വീട് കത്തിനശിക്കുകയും ചെയ്​തു. ഇത്​ തെളിവ് നശിപ്പിക്കാൻ വേണ്ടിയ​ായിരുന്നുവത്രെ. ഇതി​െൻറ അടിസ്​ഥാനത്തിൽ ഫോറൻസിക് വിദ​ഗ്​​ധർ സ്ഥലത്തെത്തി പരിശോധന നടത്തിയിട്ടുണ്ട്​.