പ്രകൃതിക്ക്​ മരണമണി; കൊട്ടാരക്കര താലൂക്കിൽ മണ്ണെടുപ്പ് വ്യാപകം

കൊ​ട്ടാ​ര​ക്ക​ര : താ​ലൂ​ക്കി​ൽ മ​ണ്ണെ​ടു​പ്പ് വ്യാ​പ​ക​മാ​യി​ട്ടും ന​ട​പ​ടി എ​ടു​ക്കാ​തെ അ​ധി​കൃ​ത​ർ. ഒ​രു മാ​സം മു​മ്പ് ത​ഹ​സി​ൽ​ദാ​ർ ഉ​ൾ​പ്പെ​ടെ നാ​ല് പേ​രെ അ​ന​ധി​കൃ​ത​മാ​യി മ​ണ്ണെ​ടു​പ്പി​ന് കൈ​ക്കൂ​ലി വാ​ങ്ങി​യ​തി​ന്

സ​സ്പെ​ൻ്റ് ചെ​യ്തി​രു​ന്നു. എ​ന്നാ​ൽ വെ​ളി​യം, മൈ​ലം, വെ​ളി​ന​ല്ലൂ​ർ, പ​വി​ത്രേ​ശ്വ​രം, പൂ​യ​പ്പ​ള്ളി, എ​ഴു​കോ​ൺ എ​ന്നീ പ​ഞ്ചാ​യ​ത്തു​ക​ളി​ൽ അ​ന​ധി​കൃ​ത മ​ണ്ണെ​ടു​പ്പ് ത​കൃ​തി​യാ​ണ്. വെ​ളി​ന​ല്ലൂ​ർ പ​ഞ്ചാ​യ​ത്തി​ലെ അ​ട​യ​റ​യി​ൽ വ​യ​ലി​ന്‍റെ ക​ര​ക്ക് മ​ണ്ണി​റ​ക്കി നി​ക​ത്തു​ക​യാ​ണ്. വെ​ളി​ന​ല്ലൂ​ർ വി​ല്ലേ​ജ്, കൃ​ഷി ഓ​ഫീ​സു​ക​ളു​ടെ അ​ടു​ത്താ​യാ​ണ് വ​യ​ൽ നി​ക​ത്ത​ൽ ന​ട​ക്കു​ന്ന​ത്. പ​രാ​തി ല​ഭി​ച്ചി​ട്ടും ന​ട​പ​ടി ഉണ്ടാ​യി​ട്ടി​ല്ല.

കൂ​റ്റ​ൻ മ​ല​ക​ൾ​ക്ക്​ നാ​ശം

ഒ​രു വ​ർ​ഷ​ത്തി​നി​ടെ കൊ​ട്ടാ​ര​ക്ക​ര താ​ലൂ​ക്ക് പ​രി​ധി​യി​ൽ വ​ലി​യ തോ​തി​ലാ​ണ് വ​യ​ൽ നി​ക​ത്ത​ലും മ​ണ്ണെ​ടു​പ്പും ന​ട​ക്കു​ന്ന​ത്. മ​ണ്ണെ​ടു​ത്ത​തി​ന് ശേ​ഷം കൂ​റ്റ​ൻ മ​ല​ക​ൾ മ​ഴ​യി​ൽ ഇ​ടി​ഞ്ഞ് വീ​ണി​രു​ന്നു. കൊ​ട്ടാ​ര​ക്ക​ര - തി​രു​വ​ന​ന്ത​പു​രം റോ​ഡി​ന്‍റെ വ​ശ​ത്താ​ണ് ഈ ​സം​ഭ​വം ഉ​ണ്ടാ​യി​രി​ക്കു​ന്ന​ത്. താ​ലൂ​ക്കി​ലെ വി​വി​ധ പ്ര​ദേ​ശ​ങ്ങ​ളി​ലെ റോ​ഡ് വ​ശ​ത്തെ മ​ണ്ണെ​ടു​ത്ത് ഉ​പേ​ക്ഷി​ക്ക​പ്പെ​ട്ട കു​ന്നു​ക​ൾ അ​പ​ക​ട ഭീ​ഷ​ണി​യി​ലാ​ണ്. ഈ ​കു​ന്നു​ക​ളു​ടെ മു​ക​ളി​ൽ കൃ​ഷി​യും നി​ര​വ​ധി വീ​ടു​ക​ളും ഉ​ണ്ട്. ശ​ക്ത​മാ​യ മ​ഴ​യി​ൽ കു​ന്ന് ഇ​ടി​യു​ന്ന​തി​ന് ഒ​പ്പം വീ​ടും നി​ലം പ​തി​ക്കാ​ൻ സാ​ധ്യ​ത​യേ​റെ​യാ​ണ്. വ​ൻ ദു​ര​ന്ത​മാ​ണ് കൊ​ട്ടാ​ര​ക്ക​ര താ​ലൂ​ക്ക് പ​രി​ധി​യി​ൽ കു​ന്നി​ടി​ക്ക​ൽ മൂ​ലം ഉ​ണ്ടാ​കാ​ൻ പോ​കു​ന്ന​ത്. നി​മി​ഷ നേ​രം കൊ​ണ്ട് എ​സ്ക​വേ​റ്റ​ർ ഉ​പ​യോ​ഗി​ച്ച് പൊ​ലീ​സി​ന് പി​ടി​കൊ​ടു​ക്കാ​തെ മ​ണ്ണെ​ടു​പ്പ് ന​ട​ക്കു​ന്ന​ത്. പൊ​ലീ​സ് പി​ടി​ച്ചാ​ൽ ത​ന്നെ ചെ​റി​യ​വ​കു​പ്പ് ചു​മ​ത്തി മ​ണ്ണ് മാ​ഫി​യ​യെ വി​ട്ട​യ​ക്കു​ക​യാ​ണ് ചെ​യ്യു​ന്ന​ത്.