മുട്ടറ ഇക്കോ ടൂറിസം: മരുതിമലയിലെ നിർമാണങ്ങൾ പാതിവഴിയിൽ

കൊ​ട്ടാ​ര​ക്ക​ര: മു​ട്ട​റ ഇ​ക്കോ ടൂ​റി​സം പ​ദ്ധ​തി​യി​യുടെ ഭാഗമായ മ​രു​തി​മ​ല​യിലെ നി​ർ​മാ​ണപ്രവൃത്തികൾ പാ​തി​വ​ഴി​യി​ൽ. 2007ലാ​ണ് മ​രു​തി​മ​ല ഇ​ക്കോ ടൂ​റി​സം പ​ദ്ധ​തി ആ​രം​ഭി​ച്ച​ത്. 2020ലാ​ണ് ആ​ദ്യ ഘ​ട്ട​ത്തി​ന്‍റെ ഉ​ദ്ഘാ​ട​നം ന​ട​ന്ന​ത്. പ​ന്നീ​ട് ഇ​ക്കോ ടൂ​റി​സം പ​ദ്ധ​തി​യു​ടെ ര​ണ്ടാം ഭാ​ഗം നി​ർ​മി​ക്കു​ന്ന​തി​ന്​ 50 ല​ക്ഷം രൂ​പ മ​ന്ത്രി കെ.​എ​ൻ. ബാ​ല​ഗോ​പാ​ൽ നീ​ക്കി​െ​വ​ച്ചു. എ​ന്നാ​ൽ, ഇ​തു​വ​രെ ര​ണ്ടാം ഘ​ട്ട​ത്തി​ന്‍റെ പ്ര​വ​ർ​ത്ത​ന​ങ്ങ​ൾ ഉ​ണ്ടാ​യി​ട്ടി​ല്ല. ആ​ദ്യ​ഘ​ട്ട​ത്തി​ൽ മ​ല​യു​ടെ മു​ക​ളി​ലെ​ത്താ​ൻ വ​ഴി​വെ​ട്ട​ൽ, കെ​ട്ടി​ട​നി​ർ​മാ​ണം, വേ​ലി​കെ​ട്ട​ൽ എ​ന്നി​വ ന​ട​ന്നു. 36 ല​ക്ഷം രൂ​പ​യാ​ണ് ആ​ദ്യ ഘ​ട്ട​ത്തി​ന്‍റെ നി​ർ​മാ​ണ​ത്തി​ന് മു​ൻ എം.​എ​ൽ.​എ അ​യി​ഷാ പോ​റ്റി വ​ഴി അ​നു​വ​ദി​ച്ച​ത്. മ​ല​മു​ക​ളി​ൽ ന​ട്ട ആ​യി​ര​ത്തോ​ളം വൃ​ക്ഷ​ത്തൈ​ക​ൾ അ​ധി​കൃ​ത​രു​ടെ അ​വ​ഗ​ണ​ന​യി​ൽ ന​ശി​ച്ചു.

ഇ​വി​ടെ ഉ​ണ്ടാ​യി​രു​ന്ന നൂ​റോ​ളം കു​ര​ങ്ങു​ക​ൾ സ​ന്ദ​ർ​ശ​ക​രു​ടെ സാ​ന്നി​ധ്യം മൂ​ലം മ​ല​യി​റ​ങ്ങി. വ​ർ​ഷ​ങ്ങ​ൾ​ക്ക് മു​മ്പ് മ​രു​തി​മ​ല​യു​ടെ താ​ഴ്ഭാ​ഗ​ത്ത് 50 കു​ര​ങ്ങു​ക​ളെ വി​ഷം ന​ൽ​കി കൊ​ന്നി​രു​ന്നു. തു​ട​ർ​ന്നാ​ണ് മ​രു​തി​മ​ല ശ്ര​ദ്ധി​ക്ക​പ്പെ​ട്ട​തും ഇ​ക്കോ ടൂ​റി​സം പ​ദ്ധ​തി​യാ​യി ഉ​യ​ർ​ത്തി​യ​തും. പ​ദ്ധ​തി​ക്കാ​യി നി​ർ​മി​ച്ച കെ​ട്ടി​ട​ങ്ങ​ളും ക​യ​റി നി​ൽ​ക്കാ​നു​ള്ള ഷെ​ഡും സാ​മൂ​ഹി​ക​വി​രു​ദ്ധ​ർ ന​ശി​പ്പി​ച്ചു. തു​ട​ർ​ന്ന് വെ​ളി​യം പ​ഞ്ചാ​യ​ത്ത് അ​ധി​കൃ​ത​ർ 28 ല​ക്ഷം മു​ട​ക്കി ഇ​വ​യു​ടെ അ​റ്റ​കു​റ്റ​പ്പ​ണി ചെ​യ്യു​ക​യാ​യി​രു​ന്നു.

മ​ല​മു​ക​ളി​ൽ ഒ​ന്ന​ര ഏ​ക്ക​ർ സ്വ​കാ​ര്യ വ്യ​ക്തി​ക​ളു​ടെ കൈ​യി​ലാ​ണെ​ന്ന​ത്​ മൂ​ന്നു​വ​ർ​ഷം മു​മ്പാ​ണ് അ​ധി​കൃ​ത​ർ അ​റി​യു​ന്ന​ത്. മു​ൻ കൊ​ട്ടാ​ര​ക്ക​ര ത​ഹ​സി​ൽ​ദാ​ർ മ​രു​തി​മ​ല​യു​ടെ മു​ക​ളി​ൽ സ്വ​കാ​ര്യ​വ്യ​ക്തി​യു​ടെ ഭൂ​മി​യു​ള്ള​താ​യി അ​റി​യി​ക്കു​ക​യാ​യി​രു​ന്നു. എ​ന്നാ​ൽ, വെ​ളി​യം പ​ഞ്ചാ​യ​ത്ത് അ​ധി​കൃ​ത​ർ ത​ഹ​സി​ൽ​ദാ​റി​നെ​തി​രെ തി​രി​യു​ക​യും വി​ഷ​യ​ത്തി​ൽ ക​ല​ക്ട​ർ​ക്ക്​ പ​രാ​തി ന​ൽ​കു​ക​യു​മാ​യി​രു​ന്നു.

ക​ല​ക്ട​റു​ടെ നി​ർ​ദേ​ശ​പ്ര​കാ​രം ത​ഹ​സി​ൽ​ദാ​ർ ഒ​ന്ന​ര​മാ​സം കൊ​ണ്ട് മ​രു​തി​മ​ല​യി​ലെ സ​ർ​ക്കാ​ർ ഭൂ​മി അ​ള​ന്ന് തി​ട്ട​പ്പെ​ടു​ത്തി റി​പ്പോ​ർ​ട്ട് ​ ന​ൽ​കി. റി​പ്പോ​ർ​ട്ടി​ൽ മ​ല​മു​ക​ളി​ൽ സ്വ​കാ​ര്യ​വ്യ​ക്തി​യു​ടെ ഭൂ​മി​യു​ള്ള​താ​യി വ്യ​ക്ത​മാ​ക്കി​യ​തോ​ടെ മ​രു​തി​മ​ല ഇ​ക്കോ ടൂ​റി​സം പ​ദ്ധ​തി പാ​തി​വ​ഴി​യി​ൽ നി​ർ​ത്തു​ക​യാ​യി​രു​ന്നു.