കൊട്ടാരക്കര ശ്രീധരൻനായരുടെ പ്രതിമ ചന്തമുക്കിൽ സ്ഥാപിക്കും

കൊ​ട്ടാ​ര​ക്ക​ര: ച​ന്ത​മു​ക്കി​ലെ പാ​ർ​ക്കി​ങ്​ ഗ്രൗ​ണ്ടി​ൽ പ്ര​ത്യേ​ക​മാ​യി ഒ​രു​ക്കു​ന്ന സ്ഥ​ല​ത്ത് കൊ​ട്ടാ​ര​ക്ക​ര ശ്രീ​ധ​ര​ൻ​നാ​യ​രു​ടെ പ്ര​തി​മ പു​നഃ​സ്ഥാ​പി​ക്കു​മെ​ന്ന് ന​ഗ​ര​സ​ഭ ചെ​യ​ർ​മാ​ൻ എ​സ്.​ആ​ർ. ര​മേ​ശ്.

കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ ഫൗ​ണ്ടേ​ഷ​ൻ സം​ഘ​ടി​പ്പി​ച്ച അ​നു​സ്​​മ​ര​ണ യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു ​അ​ദ്ദേ​ഹം.

കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ അ​നു​ക​രി​ക്കാ​നാ​വാ​ത്ത അ​ഭി​ന​യ പ്ര​തി​ഭ​യാ​യി​രു​ന്നു​വെ​ന്ന്​ ന​ട​നും കെ.​എ​സ്.​എ​ഫ്.​ഡി.​സി വൈ​സ്​ ചെ​യ​ർ​മാ​നു​മാ​യ പ്രേം​കു​മാ​ർ പ​റ​ഞ്ഞു. അ​നു​സ്​​മ​ര​ണ സ​മ്മേ​ള​ന​ത്തി​ൽ ഫൗ​ണ്ടേ​ഷ​ൻ ചെ​യ​ർ​മാ​ൻ ഡോ.​പി.​എ​ൻ. ഗം​ഗാ​ധ​ര​ൻ നാ​യ​ർ അ​ധ്യ​ക്ഷ​ത വ​ഹി​ച്ചു. സി​നി​മാ നി​ർ​മാ​താ​വും സാം​സ്​​കാ​രി​ക ക്ഷേ​മ​നി​ധി ബോ​ർ​ഡ് ഡ​യ​റ​ക്ട​റു​മാ​യ അ​ഡ്വ. അ​നി​ൽ​കു​മാ​ർ അ​മ്പ​ല​ക്ക​ര പു​ര​സ്​​കാ​ര വി​ത​ര​ണം ന​ട​ത്തി. ക​ന​ക​ല​ത, അ​ഡ്വ. ആ​ർ. കൃ​ഷ്ണ​കു​മാ​ർ, ജി. ​ക​ലാ​ധ​ര​ൻ, അ​ഡ്വ. ഉ​ണ്ണി​ക്കൃ​ഷ്ണ മേ​നോ​ൻ, ക​ണ്ണാ​ട്ട് ര​വി, അ​ഡ്വ. ഡി.​എ​സ്. സു​നി​ൽ, ല​ത പ​യ്യാ​ളി​ൽ, മു​ട്ട​റ ഉ​ദ​യ​ഭാ​നു, അ​ഞ്ച​ൽ സു​രേ​ന്ദ്ര​ൻ, എ​ൻ. സൈ​നു​ലാ​ബ്​​ദീ​ൻ എ​ന്നി​വ​ർ സം​സാ​രി​ച്ചു.

അതുല്യ അഭിനേതാവിന്‍റെ പ്ര​തി​മ​ക്ക്​ വീ​ണ്ടും ‘സ്ഥ​ലം​മാ​റ്റം’

കൊ​ട്ടാ​ര​ക്ക​ര: ന​ട​ൻ കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​രു​ടെ പ്ര​തി​മ​ക്ക്​ വീ​ണ്ടും ‘സ്ഥ​ലം​മാ​റ്റം’ വ​രു​ന്നു. സ്ഥാ​പി​ക്കു​ന്ന സ്ഥ​ല​ത്തെ​ച്ചൊ​ല്ലി വി​വാ​ദ​ത്തി​ലാ​യ പ്ര​തി​മ ച​ന്ത​മു​ക്കി​ലേ​ക്ക് മാ​റ്റാ​നാ​ണ്​ പു​തി​യ തീ​രു​മാ​നം.

ആ​ദ്യം ഗ​ണ​പ​തി ക്ഷേ​ത്ര​ത്തി​ന് മു​ന്നി​ലെ മ​ണി​ക​ണ്ഠ​ൻ ആ​ൽ​ത്ത​റ​ക്ക് സ​മീ​പ​ത്താ​യി​രു​ന്നു ശ്രീ​ധ​ര​ൻ നാ​യ​രു​ടെ പ്ര​തി​മ മൂ​ടി​ക്കെ​ട്ടി സ്ഥാ​പി​ച്ചി​രു​ന്ന​ത്.

ഉ​ദ്ഘാ​ട​നം ന​ട​ത്താ​നും തീ​രു​മാ​ന​മാ​യ​പ്പോ​ൾ ദേ​വ​സ്വം ബോ​ർ​ഡും ഹി​ന്ദു സം​ഘ​ട​ന​ക​ളും അ​വി​ടെ സ്ഥാ​പി​ക്കു​ന്ന​തി​നെ​തി​രെ രം​ഗ​ത്തു​വ​ന്നു. പ്ര​തി​മ മാ​റ്റാ​ത്ത സ്ഥി​തി​വ​ന്ന​പ്പോ​ൾ ഇ​രു​കൂ​ട്ട​രും കോ​ട​തി​യെ സ​മീ​പി​ച്ചു. പ്ര​തി​മ ര​ണ്ടാ​ഴ്ച​ക്കു​ള്ളി​ൽ മാ​റ്റ​ണ​മെ​ന്ന്​ കോ​ട​തി ആ​വ​ശ്യ​പ്പെ​ട്ടു. ര​ണ്ടാ​ഴ്ച ക​ഴി​ഞ്ഞി​ട്ടും പ്ര​തി​മ മാ​റ്റാ​ൻ ന​ഗ​ര​സ​ഭ ത​യാ​റാ​യി​ല്ല. പ്ര​തി​ഷേ​ധം ശ​ക്ത​മാ​യ​തോ​ടെ വീ​ണ്ടും മാ​റ്റു​ക​യാ​യി​രു​ന്നു. ശ്രീ​ധ​ര​ൻ നാ​യ​രു​ടെ പേ​രി​ലു​ള്ള താ​ലൂ​ക്ക് ലൈ​ബ്ര​റി അ​ങ്ക​ണ​ത്തി​ലേ​ക്കാ​ണ്​ മാ​റ്റി​യ​ത്.

ലൈ​ബ്ര​റി പ​രി​സ​ര​ത്ത്​ പ്ര​തി​മ സ്ഥാ​പി​ക്കു​മെ​ന്ന്​ ന​ഗ​ര​സ​ഭ അ​ധി​കൃ​ത​ർ ഉ​റ​പ്പു​പ​റ​യാ​ൻ തു​ട​ങ്ങി​യി​ട്ടും നാ​ളു​ക​ൾ ഏ​റെ​യാ​യി.

എ​ന്നാ​ൽ, ഫൗ​ണ്ടേ​ഷ​ൻ സം​ഘ​ടി​പ്പി​ച്ച അ​നു​സ്​​മ​ര​ണ​ത്തി​ൽ പ്ര​തി​മ ച​ന്ത​മു​ക്കി​ലേ​ക്ക് മാ​റ്റാ​ൻ തീ​രു​മാ​നി​ക്കു​ക​യാ​യി​രു​ന്നു. ന​ഗ​ര​സ​ഭ ചെ​യ​ർ​മാ​ൻ ഇ​തി​ന് സ​മ്മ​തം ന​ൽ​കി​യെ​ന്നാ​ണ് സം​ഘാ​ട​ക​ർ പ​റ​യു​ന്ന​ത്. ഇ​തോ​ടെ മൂ​ന്നാ​മ​ത്തെ സ്ഥ​ല​ത്തേ​ക്കു​ള്ള യാ​ത്ര​ക്കാ​യു​ള്ള ‘കാ​ത്തി​രി​പ്പി​ലാ​ണ്​’ പ്ര​തി​മ.