കൊട്ടാരക്കര-നെടുവത്തൂർ ശുദ്ധജല പദ്ധതി അവതാളത്തിൽ

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര നെ​ടു​വ​ത്തൂ​ർ ശു​ദ്ധ​ജ​ല പ​ദ്ധ​തി താ​ള​പ്പി​ഴ​യി​ൽ. ട്രീ​റ്റ്മെ​ന്റ് പ്ലാ​ന്റി​ന് ഭൂ​മി വാ​ങ്ങു​ന്ന ന​ട​പ​ടി അ​ന​ന്ത​മാ​യി നീ​ളു​ന്ന​തി​നി​ടെ സം​ഭ​ര​ണ ടാ​ങ്കു​ക​ൾ സ്ഥാ​പി​ക്കു​ന്ന​തി​ലും അ​നി​ശ്ചി​ത​ത്വം തു​ട​രു​ന്നു. വി​വി​ധ വ​കു​പ്പു​ക​ൾ ത​മ്മി​ൽ ഏ​കോ​പ​ന​മി​ല്ലാ​ത്ത സ്ഥി​തി​യാ​ണ്.

ക​ല്ല​ട​യാ​റ്റി​ൽ​നി​ന്ന്​ ജ​ലം പൈ​പ്പ് വ​ഴി ഉ​ഗ്ര​ൻ​കു​ന്നി​ലെ ശു​ചീ​ക​ര​ണ ടാ​ങ്കി​ൽ എ​ത്തി​ച്ച് ശു​ചീ​ക​രി​ച്ച്, പി​ന്നീ​ട് നെ​ടു​വ​ത്തൂ​ർ, ഈ​യം​കു​ന്ന്, കൊ​ട്ടാ​ര​ക്ക​ര, കാ​ടാം​കു​ളം, അ​മ്പ​ല​പ്പു​റം ഭാ​ഗ​ത്തെ സം​ഭ​ര​ണി​ക​ളി​ൽ എ​ത്തി​ച്ച്​ പൈ​പ്പു​ക​ൾ വ​ഴി വീ​ടു​ക​ളി​ലെ​ത്തി​ക്കു​ന്ന​താ​ണ്​ പ​ദ്ധ​തി.

മ​ന്ത്രി കെ.​എ​ൻ. ബാ​ല​ഗോ​പാ​ൽ 30 കോ​ടി രൂ​പ അ​നു​വ​ദി​ച്ച് ഒ​രു​വ​ർ​ഷം ക​ഴി​ഞ്ഞി​ട്ടും സ്ഥ​ല​മെ​ടു​പ്പ്​ ന​ട​പ​ടി​ക​ൾ പൂ​ർ​ത്തി​യാ​യി​ട്ടി​ല്ല. ജ​ല​സം​ഭ​ര​ണി സ്ഥാ​പി​ക്കാ​ൻ നെ​ടു​വ​ത്തൂ​ർ പ​ഞ്ചാ​യ​ത്ത് 25 സെ​ന്റ് സ്ഥ​ലം വാ​ങ്ങി.

കൊ​ട്ടാ​ര​ക്ക​ര​യി​ലെ ട്രീ​റ്റ്മെ​ന്റ് പ്ലാ​ന്റി​ന് 1.20 ഏ​ക്ക​ർ സ്ഥ​ലം വേ​ണം. ക​രാ​ർ ന​ട​പ​ടി​ക​ൾ പൂ​ർ​ത്തി​യാ​ക്കി ഭൂ​മി വാ​ങ്ങാ​ൻ തീ​രു​മാ​ന​മാ​യെ​ങ്കി​ലും മ​രം മു​റി വി​വാ​ദ​ത്തി​ൽ ന​ട​പ​ടി​ക​ൾ വൈ​കു​ക​യാ​ണ്. വാ​ങ്ങാ​ൻ തീ​രു​മാ​നി​ച്ച വ​സ്തു​വി​ൽ​നി​ന്ന് ഉ​ട​മ മ​ര​ങ്ങ​ൾ മു​റി​ച്ചു ക​ട​ത്തി​യെ​ന്നാ​ണ്​ പ​രാ​തി.

ക​ല്ല​ട​യാ​റ്റി​ൽ​നി​ന്ന്​ ജ​ലം സം​ഭ​രി​ക്കാ​നു​ള്ള സ​ജ്ജീ​ക​ര​ണ​ങ്ങ​ൾ​പോ​ലും ആ​രം​ഭി​ച്ചി​ട്ടി​ല്ല. വേ​ന​ലി​ൽ എ​ല്ലാ വ​ർ​ഷ​വും ടാ​ങ്ക​ർ ലോ​റി​ക​ളി​ൽ ശു​ദ്ധ​ജ​ലം എ​ത്തി​ച്ചാ​ണ്​ വ​ര​ൾ​ച്ച അ​ധി​കൃ​ത​ർ നേ​രി​ടു​ന്ന​ത്. ഓ​രോ മാ​സ​വും 25-35 ല​ക്ഷം രൂ​പ​യാ​ണ് ഇ​തി​ന്​ ചെ​ല​വ്. ഇ​നി​യും ഇ​തു തു​ട​രേ​ണ്ട സാ​ഹ​ച​ര്യ​മാ​ണ്.