അഖിലയുടെ ഓർമയിൽ അഞ്ച്​ കുടുംബങ്ങൾക്ക് സ്വന്തം ഭൂമി

കൊ​ട്ടാ​ര​ക്ക​ര: പ്രി​യ​പ്പെ​ട്ട​വ​രു​ടെ ജ്വ​ലി​ക്കു​ന്ന ഓ​ർ​മ​ന​ക്ഷ​ത്ര​മാ​ണ്​ അ​ഖി​ല. അ​കാ​ല​ത്തി​ൽ പ​നി​യു​ടെ രൂ​പ​ത്തി​ലെ​ത്തി​യ മ​ര​ണം കു​ടും​ബ​ത്തി​നും സു​ഹൃ​ത്തു​ക്ക​ൾ​ക്കും തീ​രാ വേ​ദ​ന​ബാ​ക്കി​യാ​ക്കി 2022 ഡി​സം​ബ​ർ 30ന് ​ആ​ണ്​ അ​ഖി​ല​യെ കൊ​ണ്ടു​പോ​യ​ത്​. ആ ​വേ​ർ​പാ​ടി​ന്​​ ഒ​രു​വ​ർ​ഷം പി​ന്നി​ട്ട വേ​ള​യി​ൽ സ്​​നേ​ഹ​നി​ധി​ക്കാ​യി അ​തു​ല്യ​മാ​യൊ​രു സ്മാ​ര​ക​മൊ​രു​ക്കു​ക​യാ​ണ്​ കു​ടും​ബം.

അ​ഞ്ച്​ കു​ടും​ബ​ങ്ങ​ൾ​ക്ക്​ സ്വ​ന്തം ഭൂ​മി ഒ​രു​ക്കി​യാ​ണ്​ കൊ​ട്ടാ​ര​ക്ക​ര വാ​ള​കം ആ​ക്കാ​ട്ട് റെ​ജി വി​ലാ​സ​ത്തി​ൽ റെ​ജി - മി​നി ദ​മ്പ​തി​ക​ൾ ഇ​ള​യ മ​ക​ൾ അ​ഖി​ല​യു​ടെ (22) ഓ​ർ​മ അ​ന​ശ്വ​ര​മാ​ക്കു​ന്ന​ത്. വാ​ള​കം വി​ല്ലേ​ജി​ലെ അ​ണ്ടൂ​രി​ൽ 27 സെ​ന്‍റ്​ ഭൂ​മി​യാ​ണ്​ കൈ​മാ​റു​ന്ന​ത്.

ഇ​ട​യം കോ​ള​നി, ത​ല​ച്ചി​റ, അ​ണ്ടൂ​ർ, കു​ബ്രാം​കോ​ണം, ഉ​മ്മ​ന്നൂ​ർ കോ​ള​നി എ​ന്നി​വി​ട​ങ്ങ​ളി​ലെ കു​ടും​ബ​ങ്ങ​ൾ​ക്കാ​ണ് സ്ഥ​ലം ന​ൽ​കു​ന്ന​ത്. ചൊ​വ്വാ​ഴ്ച ഉ​ച്ച​ക്ക് ര​ണ്ടി​ന്​ പ​റ​ണ്ടോ​ട്ടു​കോ​ണം ഭാ​ഗ​ത്തു​ള്ള ഭൂ​മി​യു​ടെ ആ​ധാ​രം അ​ണ്ടൂ​ർ മൊ​ട്ട​ക്കാ​വ് ജ​ങ്ഷ​ന് സ​മീ​പം ന​ട​ക്കു​ന്ന ച​ട​ങ്ങി​ൽ മ​ന്ത്രി കെ.​എ​ൻ. ബാ​ല​ഗോ​പാ​ൽ കൈ​മാ​റും.

പ​ഠ​ന​ത്തോ​ടൊ​പ്പം ചി​ത്ര​ക​ല, പാ​ട്ട് എ​ന്നി​വ​യി​ൽ മി​ക​വ് തെ​ളി​യി​ച്ച മി​ടു​ക്കി​യാ​യി​രു​ന്നു അ​ഖി​ല. ചെ​ന്നൈ ബാ​ലാ​ജി മെ​ഡി​ക്ക​ൽ കോ​ള​ജി​ലെ കാ​ർ​ഡി​യ പെ​ർ​ഫ്യൂ​ഷ​ൻ കോ​ഴ്സ്​ അ​വ​സാ​ന വ​ർ​ഷ വി​ദ്യാ​ർ​ഥി​യാ​യി​രി​ക്കെ​യാ​ണ്​ വി​ട​പ​റ​ഞ്ഞ​ത്.