കൊട്ടാരക്കരയിൽ അനധികൃത പാർക്കിങ്; ഗതാഗത തടസ്സം

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര​യി​ൽ അ​ന​ധി​കൃ​ത പാ​ർ​ക്കി​ങ് മൂ​ലം ഗ​താ​ഗ​ത ത​ട​സ്സം രൂ​ക്ഷം. കെ.​എ​സ്.​ആ​ർ.​ടി.​സി, സ്വ​കാ​ര്യ ബ​സ്റ്റാ​ൻ​ഡു​ക​ളി​ലേ​ക്ക് ബ​സു​ക​ൾ പ്ര​വേ​ശി​ക്കു​ന്ന ഭാ​ഗ​ത്ത് കാ​റും ബൈ​ക്കു​ക​ളും അ​ന​ധി​കൃ​ത​മാ​യി പാ​ർ​ക്ക് ചെ​യ്യു​ന്ന​തു​മൂ​ലം മ​റ്റ് വാ​ഹ​ന​ങ്ങ​ൾ​ക്ക് പോ​കാ​ൻ സാ​ധി​ക്കു​ന്നി​ല്ല.

കെ.​എ​സ്.​ആ​ർ.​ടി.​സി ബ​സ്​ സ്റ്റാ​ൻ​ഡി​ന് സ​മീ​പ​ത്താ​യി ഓ​ട്ടോ സ്റ്റാ​ൻ​ഡ് പ്ര​വ​ർ​ത്തി​ക്കു​ന്നു​ണ്ട്. ഓ​ട്ടോ​യി​ൽ ക​യ​റു​ന്ന​തി​നാ​യി നി​ര​വ​ധി യാ​ത്രി​ക​ർ ഇ​വി​ടേ​ക്ക് വ​രു​ന്നു​ണ്ട്. റോ​ഡ് കൈ​യേ​റി മ​റ്റ് വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തു​മൂ​ലം ബ​സ്​-​ഓ​ട്ടോ സ്റ്റാ​ൻ​ഡു​കാ​ർ​ക്ക് ബു​ദ്ധി​മു​ട്ടാ​യി​രി​ക്കു​ക​യാ​ണ്.

വാ​ഹ​ന​ങ്ങ​ൾ റോ​ഡി​ൽ പാ​ർ​ക്ക് ചെ​യ്താ​ൽ മ​ണി​ക്കൂ​റു​ക​ൾ​ക്ക് ശേ​ഷ​മേ മാ​റ്റു​ക​യു​ള്ളൂ. ഇ​തു​മൂ​ലം ഗ​താ​ഗ​തക്കുരു​ക്ക് രൂ​ക്ഷ​മാ​വും. തി​രു​വ​ന​ന്ത​പു​രം ഭാ​ഗ​ത്തെ എം.​സി റോ​ഡ് വ​ശ​ത്താ​യി രാ​വി​ലെ മു​ത​ൽ രാ​ത്രി വ​രെ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്നു. ഇ​തു​മൂ​ലം നി​ര​വ​ധി വാ​ഹ​നാ​പ​ക​ട​ങ്ങ​ളാ​ണ് ഉ​ണ്ടാ​വു​ന്ന​ത്. പു​ല​മ​ൺ ഭാ​ഗ​ത്തെ അ​ന​ധി​കൃ​ത പാ​ർ​ക്കി​ങ് മൂ​ലം മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ടു​ന്ന​തും പ​തി​വാ​ണ്.

അ​ടി​യ​ന്ത​രാ​വ​ശ്യ​ങ്ങ​ൾ​ക്ക് സ്വ​കാ​ര്യ-​താ​ലൂ​ക്ക് ആ​ശു​പ​ത്രി​ക​ളി​ലേ​ക്ക് വാ​ഹ​ന​ങ്ങ​ളി​ൽ വ​രു​ന്ന രോ​ഗി​ക​ൾ​ക്ക് ഗ​താ​ഗ​ത​ത​ട​സ്സം മൂ​ലം ബു​ദ്ധി​മു​ട്ട് നേ​രി​ടു​ന്നു. താ​ലൂ​ക്ക് വി​ക​സ​ന സ​മി​തി​യി​ൽ മോ​ട്ടോ​ർ വാ​ഹ​ന​വ​കു​പ്പ് അ​ന​ധി​കൃ​ത പാ​ർ​ക്കി​ങ്ങി​നെ​തി​രെ ന​ട​പ​ടി സ്വീ​ക​രി​ക്കു​മെ​ന്ന് അ​റി​യി​ച്ചെ​ങ്കി​ലും ഉ​ണ്ടാ​യി​ല്ല.