കൊട്ടാരക്കര: ഭാര്യ നടത്തിയിരുന്ന ആയുർവേദ ക്ലിനിക്ക് കത്തിച്ച കേസിൽ ഭർത്താവിനെ കൊട്ടാരക്കര പൊലീസ് അറസ്റ്റ് ചെയ്തു. വാളകം അമ്പിയിൽ ജെ.പി. ഭവനിൽ ജോൺ ഡാനിയേൽ (67) നെയാണ് അറസ്റ്റ് ചെയ്തു.
പ്രതിയുടെ ഭാര്യ പൊന്നമ്മ ജോൺ വാളകത്ത് നടത്തുന്ന ആയുർവേദ ക്ലിനിക്ക് വെള്ളിയാഴ്ച രാത്രി 7.15നാണ് കത്തിച്ചത്. ക്ലിനിക്കിലെ കട്ടിലും കസേരയും ഉൾപ്പെടെ തീവെച്ച് നശിപ്പിക്കുകയായിരുന്നു. കുടുംബവഴക്കാണ് സംഭവത്തിനുപിന്നിലെന്ന് പൊലീസ് പറഞ്ഞു.