കോട്ടാത്തലയിൽ കരിങ്കൽ ക്വാറിയിൽ സംഘർഷം; മുൻ പഞ്ചായത്തംഗം ഉൾ​െപ്പടെ മൂന്നുപേർക്ക് പരിക്ക്

കൊ​ട്ടാ​ര​ക്ക​ര: കോ​ട്ടാ​ത്ത​ല​യി​ൽ ക​രി​ങ്ക​ൽ ക്വാ​റി​യി​ൽ സം​ഘ​ർ​ഷം. മു​ൻ പ​ഞ്ചാ​യ​ത്തം​ഗം ഉ​ൾ​പ്പെ​ടെ മൂ​ന്നു​പേ​ർ​ക്ക് പ​രി​ക്ക്, ക്വാ​റി അ​ട​ച്ചു. കോ​ട്ടാ​ത്ത​ല പ​ടി​ഞ്ഞാ​റ് ക​ള​ങ്ങു​വി​ള ഭാ​ഗം ചാ​പ്ര​യി​ൽ ക്വാ​റി​യി​ലാ​ണ് സം​ഭ​വം. ക​ഴി​ഞ്ഞ ദി​വ​സം രാ​വി​ലെ ഒ​മ്പ​ത​ര മു​ത​ലാ​ണ് സം​ഘ​ർ​ഷ​ത്തി​ന് തു​ട​ക്കം. കൂ​ട്ട അ​ടി​യാ​യ​തോ​ടെ പൊ​ലീ​സ്​ ഇ​ട​പെ​ട്ടാ​ണ് പ്ര​ശ്ന​ങ്ങ​ൾ​ക്ക് അ​യ​വു​ണ്ടാ​ക്കി​യ​ത്.

അ​ഞ്ചു മാ​സ​മാ​യി അ​ട​ഞ്ഞു​കി​ട​ന്ന ക്വാ​റി നാ​ലു ദി​വ​സം മു​മ്പാ​ണ് പ്ര​വ​ർ​ത്ത​നം തു​ട​ങ്ങി​യ​ത്. നെ​ടു​വ​ത്തൂ​ർ പ​ഞ്ചാ​യ​ത്തി​ലെ കു​ഴ​യ്ക്കാ​ട് വാ​ർ​ഡി​ൽ താ​മ​സി​ക്കു​ന്ന ബി.​ജെ.​പി പ്ര​വ​ർ​ത്ത​ക​നാ​യ ഷൈ​ൻ കു​മാ​റി​ന്‍റെ വാ​ഹ​ന​ങ്ങ​ൾ​ക്ക് ക്വാ​റി​യി​ൽ​നി​ന്നും ക​രി​ങ്ക​ല്ല് കൊ​ടു​ക്കേ​ണ്ടെ​ന്ന് കോ​ട്ടാ​ത്ത​ല വാ​ർ​ഡ് മെം​ബ​ർ എ​സ്. ത്യാ​ഗ​രാ​ജ​ൻ ഇ​ട​പെ​ട്ട് പ​റ​ഞ്ഞു​വെ​ന്നാ​രോ​പി​ച്ചാ​ണ് സം​ഘ​ർ​ഷ​ങ്ങ​ൾ​ക്ക് തു​ട​ക്ക​മാ​യ​ത്. ക്വാ​റി ഉ​ട​മ ക​രി​ങ്ക​ല്ല് ന​ൽ​കാ​ൻ ത​യാ​റാ​യി​ട്ടും പ​ഞ്ചാ​യ​ത്തം​ഗം എ​തി​ർ​ത്ത​തോ​ടെ വാ​ക്കു​ത​ർ​ക്ക​മാ​യി. തു​ട​ർ​ന്ന് ഇ​രു വി​ഭാ​ഗ​ങ്ങ​ളും സം​ഘ​ടി​ച്ചു. ക​രി​ങ്ക​ല്ലെ​ടു​ക്കാ​ൻ എ​ത്തി​യ ലോ​റി ഡ്രൈ​വ​ർ​മാ​ർ​ക്ക് പു​റ​മെ, വി​വി​ധ രാ​ഷ്ട്രീ​യ പാ​ർ​ട്ടി പ്ര​വ​ർ​ത്ത​ക​രും സം​ഘ​ടി​ച്ച​ത് കൂ​ട്ട അ​ടി​യി​ലേ​ക്കെ​ത്തി. സം​ഘ​ർ​ഷ​ത്തി​ൽ മു​ൻ വാ​ർ​ഡ് മെം​ബ​റും സി.​പി.​ഐ ലോ​ക്ക​ൽ ക​മ്മി​റ്റി അം​ഗ​വു​മാ​യ ബി. ​ഷാ​ജി (45), ഡി.​വൈ.​എ​ഫ്.​ഐ തേ​വ​ല​പ്പു​റം മേ​ഖ​ല ക​മ്മി​റ്റി വൈ​സ്​ പ്ര​സി​ഡ​ന്‍റ്​ കോ​ട്ടാ​ത്ത​ല ത​ല​യ​ണി​വി​ള നി​ഷാ​ന്ത് ഭ​വ​നി​ൽ നി​ഷാ​ന്ത് (34), ഐ​വ​ർ​കാ​ല സ്വ​ദേ​ശി മ​ഹേ​ഷ് (34) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​രെ കൊ​ട്ടാ​ര​ക്ക​ര താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വാ​ർ​ഡ് മെം​ബ​ർ എ​സ്. ത്യാ​ഗ​രാ​ജ​നെ​യും പ്ര​ദേ​ശ​വാ​സി പ്ര​മോ​ദി​നെ​യും കൈ​യേ​റ്റം ചെ​യ്യാ​നും ശ്ര​മം ന​ട​ന്ന​താ​യി പ​രാ​തി​യു​ണ്ട്.

ശാ​സ്​​താം​കോ​ട്ട ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ൽ വ​ൻ പൊ​ലീ​സ്​ സം​ഘം സ്ഥ​ല​ത്തെ​ത്തി​യാ​ണ് സം​ഘ​ർ​ഷ​ത്തി​ന് അ​യ​വു​ണ്ടാ​ക്കി​യ​ത്. ക്വാ​റി​യി​ൽ സം​ഘ​ടി​ച്ചു​നി​ന്ന​വ​രെ പൊ​ലീ​സ് ഇ​ട​പെ​ട്ട്​​ നീ​ക്കി. സം​ഭ​വ​വു​മാ​യി ബ​ന്ധ​പ്പെ​ട്ട് ഇ​രു​വി​ഭാ​ഗ​ത്തി​ലു​മു​ള്ള 25 പേ​ർ​ക്കെ​തി​രെ പു​ത്തൂ​ർ പൊ​ലീ​സ്​ കേ​സെ​ടു​ത്തു. ക്വാ​റി​യു​ടെ പ്ര​വ​ർ​ത്ത​നം താ​ൽ​ക്കാ​ലി​ക​മാ​യി നി​ർ​ത്തി​വെ​പ്പി​ച്ചു.