കൊല്ലൂർവിള പള്ളിമുക്ക് മത്സ്യ മാർക്കറ്റ് പൊളിച്ചു; കച്ചവടക്കാർ പെരുവഴിയിൽ

ഇ​ര​വി​പു​രം: പു​തു​ക്കി​പ്പ​ണി​യു​ന്ന​തി​നാ​യി കൊ​ല്ലൂ​ർ​വി​ള പ​ള്ളി​മു​ക്ക് മാ​ർ​ക്ക​റ്റ് കെ​ട്ടി​ട​ങ്ങ​ളും ഷോ​പ്പി​ങ്​ കോം​പ്ല​ക്സും പൊ​ളി​ച്ചു​മാ​റ്റി​യ​തി​നെ തു​ട​ർ​ന്ന്​ ക​ച്ച​വ​ട​ക്കാ​രും മ​ത്സ്യം വാ​ങ്ങാ​നെ​ത്തു​ന്ന​വ​രും ദു​രി​ത​ത്തി​ൽ. കോ​ർ​പ​റേ​ഷ​ൻ പ​രി​ധി​യി​ലെ പ്ര​ധാ​ന മാ​ർ​ക്ക​റ്റു​ക​ളി​ലൊ​ന്നാ​ണി​ത്. മ​ത്സ്യ​ക​ച്ച​വ​ട​ക്കാ​ർ​ക്ക് താ​ൽ​ക്കാ​ലി​ക സൗ​ക​ര്യം ഒ​രു​ക്കാ​ത്ത​തി​നാ​ൽ പൊ​രി​വെ​യി​ല​ത്തി​രു​ന്നാ​ണ് ക​ച്ച​വ​ടം.

പു​തി​യ മാ​ർ​ക്ക​റ്റി​ന്റെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചാ​ൽ നി​ല​വി​ലെ സ്ഥ​ല​ത്തി​രു​ന്ന് ക​ച്ച​വ​ടം ചെ​യ്യാ​ൻ പ​റ്റാ​ത്ത അ​വ​സ്ഥ​യു​ണ്ടാ​കും. ഇ​രു​ന്ന്​ മ​ത്സ്യം വി​ൽ​പ​ന​ക്ക്​ ക​ഴി​യാ​താ​യ​തോ​ടെ 50 ഓ​ളം മ​ത്സ്യ​ക​ച്ച​വ​ട​ക്കാ​രാ​ണ് പെ​രു​വ​ഴി​യി​ൽ ആ​യി​രി​ക്കു​ന്ന​ത്. ഷോ​പ്പി​ങ്​ കോം​പ്ല​ക്സും കെ​ട്ടി​ട​ങ്ങ​ളും പൊ​ളി​ച്ചു​നീ​ക്കാ​ൻ ക​രാ​റെ​ടു​ത്ത​വ​ർ മാ​ർ​ക്ക​റ്റ് വ​ള​പ്പി​ൽ ല​ക്ഷ​ങ്ങ​ൾ മു​ട​ക്കി നി​ർ​മി​ച്ചി​രു​ന്ന മാ​ലി​ന്യ സം​സ്ക​ര​ണ പ്ലാ​ൻ​റ്, ചു​റ്റും മ​തി​ലി​ൽ വെ​ച്ചി​രു​ന്ന ക​മ്പി​ക​ൾ എ​ന്നി​വ എ​ടു​ത്തു​കൊ​ണ്ടു​പോ​യി.

മാ​ർ​ക്ക​റ്റി​ൽ കെ​ട്ടി​ടം പൊ​ളി​ച്ചു​മാ​റ്റു​ന്ന​തി​ന് മേ​ൽ​നോ​ട്ടം വ​ഹി​ക്കാ​ൻ കോ​ർ​പ​റേ​ഷ​നി​ൽ ഉ​ദ്യോ​ഗ​സ്ഥ​രി​ല്ലാ​ത്ത​തി​നാ​ൽ ക​രാ​റു​കാ​ർ തോ​ന്നി​യ​പ​ടി​യാ​ണ് പൊ​ളി​ച്ചു​മാ​റ്റ​ലും മ​ണ്ണ് നീ​ക്ക​ലും ന​ട​ത്തു​ന്ന​ത്. പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് മു​മ്പ് മ​ത്സ്യ​ക​ച്ച​വ​ട​ക്കാ​ർ​ക്ക് ഇ​രു​ന്ന്​ ക​ച്ച​വ​ടം ചെ​യ്യാ​ൻ ആ​വ​ശ്യ​മാ​യ സം​വി​ധാ​നം മ​റ്റെ​വി​ടെ​യെ​ങ്കി​ലും ഉ​ണ്ടാ​ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.