കൊല്ലത്തുകാർ മെഡൽ വാരിയെടുത്തു; അവകാശം മറ്റ്​ ജില്ലക്കാർക്ക്

കൊ​ല്ലം: കാ​ത്തു​സൂ​ക്ഷി​ച്ചി​ല്ലെ​ങ്കി​ൽ പ്ര​തി​ഭ​ക​ളെ മ​റ്റു​ള്ള​വ​ർ കൊ​ത്തി​ക്കൊ​ണ്ടു​പോ​കു​മെ​ന്ന​ത്​ കാ​യി​ക​ലോ​ക​ത്ത്​ പു​തി​യ കാ​ര്യ​മ​ല്ല. അ​ത്ത​ര​ത്തി​ൽ കൊ​ല്ലം കാ​ത്തു​സൂ​ക്ഷി​ക്കാ​തെ​പോ​യ പ്ര​തി​ഭ​ക​ളെ മ​റ്റ്​ ജി​ല്ല​ക്കാ​ർ ഇ​രു​കൈ​യും നീ​ട്ടി സ്വീ​ക​രി​ച്ച​പ്പോ​ൾ സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ ജി​ല്ല​ക്ക്​ ന​ഷ്ട​മാ​യ​ത്​ സ്വ​ർ​ണ​മു​ൾ​പ്പെ​ടെ അ​ഞ്ചി​ല​ധി​കം മെ​ഡ​ലു​ക​ൾ.

സ​ബ്​ ജൂ​നി​യ​ർ കാ​ല​ഘ​ട്ട​ത്തി​ൽ കൊ​ല്ലം സാ​യി​യു​ടെ മു​ൻ​നി​ര താ​ര​മാ​യി തി​ള​ങ്ങി​യ ക​ണ്ണ​ന​ല്ലൂ​ർ​കാ​രി ന​യ​ന ജോ​സ്​ മു​ത​ൽ ഒ​ളി​മ്പ്യ​ൻ മു​ഹ​മ്മ​ദ്​ അ​ന​സി​ന്‍റെ പി​ൻ​ഗാ​മി​ക​ളാ​യി നി​ല​മേ​ൽ ഗ്രാ​മ​ത്തി​ൽ​നി​ന്ന്​ ഉ​യ​ർ​ന്നു​വ​രു​ന്ന എ​സ്. മു​ഹ​മ്മ​ദ്​ സ്വാ​ലി​ഹ്, ഇ​ർ​ഫാ​ൻ മു​ഹ​മ്മ​ദ്, എ​ൻ. ആ​ദി​ൽ എ​ന്നി​വ​ർ​വ​രെ നേ​ടി​യ ഒ​രു​പി​ടി മെ​ഡ​ലു​ക​ളാ​ണ്​ കൊ​ല്ല​ത്തു​കാ​ർ മ​റ്റ്​ ജി​ല്ല​ക​ൾ​ക്കാ​യി തി​രു​വ​ന​ന്ത​പു​ര​ത്തെ ട്രാ​ക്കി​ൽ ഓ​ടി​യെ​ടു​ത്ത​ത്.

കോ​ഴി​ക്കോ​ട്​ ഉ​ഷ സ്​​കൂ​ളി​ൽ പ​രി​ശീ​ല​നം ന​ട​ത്തു​ന്ന ന​യ​ന ജോ​സ്, പൂ​വ​മ്പാ​യി എ.​എം.​എ​ച്ച്.​എ​സി​നാ​യി സീ​നി​യ​ർ പെ​ൺ​കു​ട്ടി​ക​ളു​ടെ 400 മീ​റ്റ​ർ ഹ​ർ​ഡി​ൽ​സി​ൽ സ്വ​ർ​ണ​വും 100 മീ​റ്റ​ർ ഹ​ർ​ഡി​ൽ​സി​ൽ വെ​ള്ളി​യും സ്വ​ന്ത​മാ​ക്കി ത​ക​ർ​പ്പ​ൻ പ്ര​ക​ട​ന​മാ​ണ്​ കാ​ഴ്ച​വെ​ച്ച​ത്. ജൂ​നി​യ​ർ ആ​ൺ​കു​ട്ടി​ക​ളു​ടെ 800 മീ​റ്റ​ർ, 1500 മീ​റ്റ​ർ ഇ​ന​ങ്ങ​ളി​ൽ വെ​ള്ളി നേ​ടി​യ നി​ല​മേ​ൽ​കാ​ര​ൻ എ​സ്. മു​ഹ​മ്മ​ദ്​ സ്വാ​ലി​ഹ്​ കോ​ട്ട​യം പാ​ല സെ​ന്‍റ്​ തോ​മ​സ്​ എ​ച്ച്.​എ​സ്.​എ​സി​ന്​ വേ​ണ്ടി​യാ​ണ്​ ക​ള​ത്തി​ലി​റ​ങ്ങി​യ​ത്. 4x400 മീറ്റർ റി​ലേ​യി​ൽ കോ​ട്ട​യം ടീം ​സ്വ​ർ​ണം നേ​ടി​യ​പ്പോ​ഴും പ്ര​ധാ​ന ക​രു​ത്താ​യി സ്വാ​ലി​ഹ്​ ഉ​ണ്ടാ​യി​രു​ന്നു. ജൂ​നി​യ​ർ 400 മീ​റ്റ​ർ ഹ​ർ​ഡി​ൽ​സി​ൽ തി​രു​വ​ന​ന്ത​പു​രം സാ​യി​യു​ടെ താ​ര​മാ​യാ​ണ്​ ഇ​ർ​ഫാ​ൻ മു​ഹ​മ്മ​ദ്​ വെ​ങ്ക​ലം ഓ​ടി​യെ​ടു​ത്ത​ത്. ജൂ​നി​യ​ർ 4x400 മീറ്റർ റി​ലേ​യി​ൽ വെ​ള്ളി നേ​ടി​യ കോ​ഴി​ക്കോ​ട്​ ടീ​മി​ലെ അം​ഗ​മാ​യി എ​ൻ. ആ​ദി​ലും നി​ല​മേ​ലി​ന്‍റെ അ​ഭി​മാ​ന​മാ​യി. ഈ ​ക​ണ​ക്കി​ൽ റി​ലേ മെ​ഡ​ൽ കൂ​ട്ടാ​തെ​ത​ന്നെ അ​ഞ്ച്​ ​മെ​ഡ​ലു​ക​ളാ​ണ്​ ​'കൊ​ല്ല​ത്തി​ന്‍റെ കു​ട്ടി​ക​ൾ' സ്വ​ന്ത​മാ​ക്കി​യ​ത്. മി​ക​ച്ച പ​രി​ശീ​ല​ന​വും പി​ന്തു​ണ​യും ന​ൽ​കാ​ൻ ജി​ല്ല​യി​ലെ അ​ധി​കൃ​ത​ർ മ​റ​ന്ന​പ്പോ​ൾ ആ ​മെ​ഡ​ലു​ക​ളു​ടെ അ​വ​കാ​ശം മ​റ്റ്​ ജി​ല്ല​ക​ൾ​ക്കാ​യി.

സ്​​പോ​ർ​ട്​​സ്​ അ​തോ​റി​റ്റി ഓ​ഫ്​ ഇ​ന്ത്യ​യു​ടെ പ്ര​ധാ​ന കേ​ന്ദ്രം ന​ഗ​ര​ഹൃ​ദ​യ​ത്തി​ൽ പ്ര​വ​ർ​ത്തി​ക്കു​മ്പോ​ഴും പേ​രി​ന്​ ഒ​രു സി​ന്ത​റ്റി​ക്​ ട്രാ​ക്ക്​ പോ​ലുമില്ലാ​ത്ത കൊ​ല്ല​ത്തി​ന്​​ ന​യ​ന ജോ​സി​നെ​പോ​ലു​ള്ള പ്ര​തി​ഭ​ക​ൾ മ​റ്റ്​ ജി​ല്ല​ക​ളി​ലേ​ക്ക്​ ചേ​ക്കേ​റു​ന്ന​ത്​ ക​ണ്ടു​നി​ൽ​ക്കാ​നേ ക​ഴി​യൂ. കാ​യി​കാ​ധ്യാ​പ​ക​ൻ അ​ൻ​സ​റി​ന്‍റെ ശി​ക്ഷ​ണ​ത്തി​ൽ വ​ർ​ഷ​ങ്ങ​ളോ​ളം ജി​ല്ല​യി​ൽ തു​ട​ർ​ന്ന​തി​നു​ശേ​ഷ​മാ​ണ്​ ന​ല്ലൊ​രു ഭാ​വി തേ​ടി നി​ല​മേ​ൽ​കാ​രാ​യ മെ​ഡ​ൽ​ ജേ​താ​ക്ക​ൾ മ​റ്റ്​ ജി​ല്ല​ക​ളി​ലേ​ക്ക്​ തി​രി​ഞ്ഞ​ത്. കൊ​ല്ല​ത്തുനി​ന്നാ​ൽ ഒ​ടാ​റി​ട്ട റോ​ഡി​ൽ ഓ​ടി​പ്പ​ഠി​ക്കാ​നേ അ​വ​ർ​ക്ക്​ സാ​ധി​ക്കൂ.

പു​ന​ലൂ​ർ, അ​ഞ്ച​ൽ, നി​ല​മേ​ൽ എ​ന്നി​വി​ട​ങ്ങ​ളി​ൽ മി​ക​ച്ച പ​രി​ശീ​ല​ന​വും സൗ​ക​ര്യ​ങ്ങ​ളും ല​ഭി​ക്കാ​ത്ത​തി​നാ​ൽ എ​ങ്ങു​മെ​ത്താ​തെ പോ​കു​ന്ന അ​ത്​​ല​റ്റി​ക്സ്​ പ്ര​തി​ഭ​ക​ൾ ധാ​രാ​ള​മാ​ണ്. സ്​​റ്റേ​ഡി​യ​ത്തി​നാ​യി ഇ​വി​ടത്തു​കാ​ർ കാ​ത്തി​രി​ക്കാ​ൻ തു​ട​ങ്ങി​യി​ട്ട്​ കാ​ല​മേ​റെ​യാ​യി.

എ​ന്നാ​ൽ, കൈ​ത്താ​ങ്ങാ​കാം എ​ന്ന വാ​ഗ്ദാ​ന​മ​ല്ലാ​തെ കൈ​കൊ​ടു​ക്കാ​ൻ രാ​ഷ്ട്രീ​യ നേ​തൃ​ത്വ​ത്തി​നോ കാ​യി​ക മേ​ധാ​വി​ക​ൾ​ക്കോ താ​ൽ​പ​ര്യ​മി​ല്ല. സ​ഹാ​യം വ​രു​ന്ന​തു​വ​രെ കാ​ത്ത്​ പ്ര​തി​ഭ​ക​ളെ ന​ശി​പ്പി​ക്കാ​തെ, അ​വ​ർ​ക്ക്​ മി​ക​ച്ച അ​വ​സ​രം കി​ട്ടു​ന്നി​ട​ത്തേ​ക്ക്​ പ​റ​ഞ്ഞു​വി​ടു​ക​യേ വ​ഴി​യു​ള്ളൂ​വെ​ന്ന്​ ജി​ല്ല​യി​ലെ കാ​യി​കാ​ധ്യാ​പ​ക​ർ പ​റ​യു​ന്നു. ഈ ​സ്ഥി​തി തു​ട​ർ​ന്നാ​ൽ, കൊ​ല്ല​ത്തി​ന്‍റെ മെ​ഡ​ൽ ന​ഷ്ട​ക്ക​ണ​ക്ക്​ വ​രും​വ​ർ​ഷ​ങ്ങ​ളി​ൽ കൂ​ടു​മെ​ന്നും അ​വ​ർ മു​ന്ന​റി​യി​പ്പ്​ ന​ൽ​കു​ന്നു.