കൊല്ലം ജി​ല്ല​യി​ല്‍ 45 ക്യാ​മ്പു​ക​ളി​ലാ​യി 1703 കു​ടും​ബ​ങ്ങ​ള്‍; ദുരിതപെയ്ത്തില്‍ നഷ്​ടം 15.92 കോടി

കൊ​ല്ലം: മ​ഴ​ക്കെ​ടു​തി ശ​മ​ന​മി​ല്ലാ​തെ തു​ട​രു​ന്ന ജി​ല്ല​യി​ല്‍ ഒ​രാ​ഴ്ച​ക്കി​ട​യി​ലു​ണ്ടാ​യ ന​ഷ്​​ടം 15.92 കോ​ടി ക​ട​ന്ന​താ​യി ഔ​ദ്യോ​ഗി​ക ക​ണ​ക്ക്. ചൊ​വ്വാ​ഴ്‌​ച​യും ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ ശ​ക്ത​മാ​യ മ​ഴ​യാ​ണ് ല​ഭി​ച്ച​ത്.കൊ​ട്ടാ​ര​ക്ക​ര​യി​ലാ​ണ് അ​തി​തീ​വ്ര മ​ഴ ല​ഭി​ച്ച​ത്. 25.5 മി​ല്ലി മീ​റ്റ​ര്‍. ജി​ല്ല​യു​ടെ കി​ഴ​ക്ക​ന്‍മേ​ഖ​ല​യി​ലും ക​ന​ത്ത​മ​ഴ ല​ഭി​ച്ചു. ആ​ര്യ​ങ്കാ​വ്, കൊ​ല്ലം, കു​ന്ന​ത്തൂ​ര്‍ പ്ര​ദേ​ശ​ങ്ങ​ളി​ല്‍ മ​ഴ​യു​ടെ തീ​വ്ര​ത കു​റ​വാ​യി​രു​ന്നെ​ങ്കി​ലും ഇ​ട​ക്കി​ടെ പെ​യ്ത മ​ഴ ജ​ന​ത്തെ ദു​രി​ത​ത്തി​ലാ​ക്കി.

ക​ല്ല​ട, പ​ള്ളി​ക്ക​ല്‍ ആ​റു​ക​ള്‍ ചൊ​വ്വാ​ഴ്ച​യും അ​പ​ക​ട​നി​ല​ക്ക് മു​ക​ളി​ല്‍ ക​ര​ക​വി​ഞ്ഞ് ഒ​ഴു​കു​ക​യാ​ണ്. കൊ​ല്ലം ന​ഗ​ര​ത്തി​ല്‍ അ​ഷ്​​ട​മു​ടി​ക്കാ​യ​ലി​െൻറ തീ​ര​ങ്ങ​ളി​ലും മ​ൺ​റോ​തു​രു​ത്തി​ലു​മു​ള്‍പ്പെ​ടെ നി​ര​വ​ധി സ്ഥ​ല​ങ്ങ​ളി​ല്‍ വെ​ള്ളം ക​യ​റി. തെ​ന്മ​ല പ​ര​പ്പാ​ര്‍ ഡാ​മി​ലെ ജ​ല​നി​ര​പ്പ് 114.24 മീ​റ്റ​റാ​യി. ഡാ​മി​െൻറ മൂ​ന്ന് ഷ​ട്ട​റു​ക​ള്‍ 0.80 വീ​തം ഉ​യ​ര്‍ത്തി.

ജി​ല്ല​യി​ല്‍ ആ​കെ 45 ക്യാ​മ്പു​ക​ള്‍ ​​പ്ര​വ​ർ​ത്തി​ക്കു​ന്നു. 1703 കു​ടും​ബ​ങ്ങ​ളി​ലെ 4451 പേ​രെ​യാ​ണ് ഇ​വി​ട​ങ്ങ​ളി​ലേ​ക്ക് മാ​റ്റി​പ്പാ​ര്‍പ്പി​ച്ച​ത്. ക​രു​നാ​ഗ​പ്പ​ള്ളി​യി​ലാ​ണ് കൂ​ടു​ത​ല്‍ ക്യാ​മ്പു​ക​ള്‍. 11 ക്യാ​മ്പു​ക​ളി​ലാ​യി 390 കു​ടും​ബ​ങ്ങ​ളാ​ണ് ഇ​വി​ടെ​യു​ള്ള​ത്. കു​ന്ന​ത്തൂ​രും കൊ​ല്ല​ത്തും 10 വീ​ത​വും കൊ​ട്ടാ​ര​ക്ക​ര അ​ഞ്ച്, പ​ത്ത​നാ​പു​രം ഏ​ഴ്, പു​ന​ലൂ​ര്‍ ര​ണ്ട് ക്യാ​മ്പു​ക​ളും തു​റ​ന്നി​ട്ടു​ണ്ട്. മ​ഴ​ക്കെ​ടു​തി​യി​ല്‍ ര​ണ്ട് വീ​ടു​ക​ള്‍ പൂ​ര്‍ണ​മാ​യും 65 വീ​ടു​ക​ള്‍ ഭാ​ഗി​ക​മാ​യും ത​ക​ര്‍ന്നി​ട്ടു​ണ്ട്.

അ​വ​ലോ​ക​ന​വും തു​ട​ര്‍ന​ട​പ​ടി​ക​ളും വി​ല​യി​രു​ത്തി മ​ന്ത്രി​മാ​ര്‍

കൊ​ല്ലം: ജി​ല്ല​യി​ല്‍ മ​ഴ​ക്കെ​ടു​തി നേ​രി​ടു​ന്ന സ്ഥ​ല​ങ്ങ​ളു​ടെ ത​ൽ​സ്ഥി​തി​യും ദു​രി​താ​ശ്വാ​സ ന​ട​പ​ടി​ക​ളും ച​ര്‍ച്ച ചെ​യ്ത് മ​ന്ത്രി​മാ​രാ​യ കെ.​എ​ന്‍. ബാ​ല​ഗോ​പാ​ല്‍, ജെ. ​ചി​ഞ്ചു​റാ​ണി എ​ന്നി​വ​രു​ടെ നേ​തൃ​ത്വ​ത്തി​ല്‍ ഓ​ണ്‍ലൈ​നാ​യി യോ​ഗം ചേ​ര്‍ന്നു.

നാ​ശ​ന​ഷ്​​ട​ത്തി​െൻറ തോ​ത് ക​ണ​ക്കാ​ക്കി ന​ഷ്​​ട​പ​രി​ഹാ​ര ന​ട​പ​ടി​ക​ളി​ലേ​ക്ക് ക​ട​ക്കാ​നാ​കു​മെ​ന്ന് ധ​ന​കാ​ര്യ മ​ന്ത്രി വ്യ​ക്ത​മാ​ക്കി. ക്യാ​മ്പു​ക​ളി​ലെ സ്ഥി​തി​യും തൃ​പ്തി​ക​ര​മാ​ണ്. കോ​വി​ഡ് മാ​ന​ദ​ണ്ഡ​പാ​ല​നം ഉ​റ​പ്പാ​ക്കി​യാ​ണ് പ്ര​വ​ര്‍ത്ത​ന​ങ്ങ​ള്‍. അ​ട​യ​ന്ത​ര സാ​ഹ​ച​ര്യം ഒ​ഴി​യും​വ​രെ ഉ​ദ്യോ​ഗ​സ്ഥ​ര്‍ സേ​വ​ന സ​ന്ന​ദ്ധ​രാ​യി തു​ട​ര​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ക്യാ​മ്പു​ക​ളി​ലെ സൗ​ക​ര്യ​ങ്ങ​ള്‍ മെ​ച്ച​പ്പെ​ട്ട നി​ല​യി​ല്‍ നി​ല​നി​ർ​ത്ത​ണ​മെ​ന്ന് മ​ന്ത്രി ജെ. ​ചി​ഞ്ചു​റാ​ണി നി​ർ​ദേ​ശി​ച്ചു. ചു​മ​ത​ല​യു​ള്ള ഉ​ദ്യോ​ഗ​സ്ഥ​ര്‍ക്ക് അ​ടി​യ​ന്ത​ര ആ​വ​ശ്യ​ത്തി​നു​ള്ള ഫ​ണ്ട് ല​ഭ്യ​മാ​ക്ക​ണം.

വൈ​ദ്യു​തി വി​ത​ര​ണം ത​ട​സ്സ​മി​ല്ലാ​തെ തു​ട​ര​ണം. കി​ഴ​ക്ക​ന്‍ മേ​ഖ​ല​യി​ല്‍ പ്ര​ത്യേ​കം ശ്ര​ദ്ധ കേ​ന്ദ്രീ​ക​രി​ച്ച് ദു​രി​താ​ശ്വാ​സ പ്ര​വ​ര്‍ത്ത​ന​ങ്ങ​ള്‍ ക്രോ​ഡീ​ക​രി​ക്ക​ണം. മൃ​ഗ​സം​ര​ക്ഷ​ണ മേ​ഖ​ല​യി​ലെ നാ​ശ​ന​ഷ്​​ടം ക​ണ​ക്കാ​ക്കി ന​ഷ്​​ട​പ​രി​ഹാ​ര ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രി അ​റി​യി​ച്ചു.

ജ​ന​പ്ര​തി​നി​ധി​ക​ള്‍ മ​ഴ​ക്കെ​ടു​തി​യു​മാ​യി ബ​ന്ധ​പ്പെ​ട്ട് ഉ​ന്ന​യി​ച്ച് ആ​വ​ശ്യ​ങ്ങ​ള്‍ യു​ദ്ധ​കാ​ലാ​ടി​സ്ഥാ​ന​ത്തി​ല്‍ പ​രി​ഹ​രി​ക്കു​മെ​ന്ന് ക​ല​ക്ട​ര്‍ അ​ഫ്‌​സാ​ന പ​ര്‍വീ​ണ്‍ വ്യ​ക്ത​മാ​ക്കി. മേ​ജ​ര്‍-​മൈ​ന​ര്‍ ഇ​റി​ഗേ​ഷ​ന്‍ വ​കു​പ്പു​ക​ളു​ടെ നി​ര്‍മാ​ണ പ്ര​വൃ​ത്തി​ക​ള്‍ ത്വ​രി​ത​പ്പെ​ടു​ത്താ​ന്‍ ഉ​ട​ന്‍ യോ​ഗം വി​ളി​ക്കു​മെ​ന്നും അ​റി​യി​ച്ചു.

എം.​പി​മാ​രാ​യ എ.​എം. ആ​രി​ഫ്, കൊ​ടി​ക്കു​ന്നി​ല്‍ സു​രേ​ഷ്, കെ. ​സോ​മ​പ്ര​സാ​ദ്, എം.​എ​ല്‍.​എ​മാ​രാ​യ കോ​വൂ​ര്‍ കു​ഞ്ഞു​മോ​ന്‍, കെ.​ബി. ഗ​ണേ​ഷ് കു​മാ​ര്‍, പി.​സി. വി​ഷ്ണു​നാ​ഥ്, സി​റ്റി പൊ​ലീ​സ് ക​മീ​ഷ​ണ​ര്‍ ടി. ​നാ​രാ​യ​ണ​ന്‍, സ​ബ് ക​ല​ക്ട​ര്‍ ചേ​ത​ന്‍ കു​മാ​ര്‍ മീ​ണ, എ.​ഡി.​എം എ​ന്‍. സാ​ജി​താ ബീ​ഗം, പു​ന​ലൂ​ര്‍ ആ​ര്‍.​ഡി.​ഒ ബി. ​ശ​ശി​കു​മാ​ര്‍ എ​ന്നി​വ​ര്‍ പ​ങ്കെ​ടു​ത്തു.

ദുരിതബാധിതര്‍ക്ക് എല്ലാ സഹായവും നൽകും –മന്ത്രി കെ.എന്‍. ബാലഗോപാല്‍

കൊ​ല്ലം: മ​ഴ​ക്കെ​ടു​തി​യി​ല്‍ ദു​രി​ത​മ​നു​ഭ​വി​ക്കു​ന്ന​ര്‍ക്ക് പൂ​ര്‍ണ പി​ന്തു​ണ സ​ര്‍ക്കാ​ര്‍ ന​ല്‍കു​മെ​ന്ന് മ​ന്ത്രി കെ.​എ​ന്‍. ബാ​ല​ഗോ​പാ​ല്‍. മ​ണ്‍റോ​തു​രു​ത്തി​ലെ ദു​രി​താ​ശ്വാ​സ​ക്യാ​മ്പു​ക​ള്‍ സ​ന്ദ​ര്‍ശി​ക്കു​ക​യാ​യി​രു​ന്നു അ​ദ്ദേ​ഹം. മേ​ഖ​ല​യി​ലെ ജീ​വി​ത​സാ​ഹ​ച​ര്യം മെ​ച്ച​പ്പെ​ടു​ത്തു​ന്ന​തി​ന് ദീ​ര്‍ഘ​കാ​ല പ​രി​പാ​ടി​ക​ള്‍ പ​രി​ഗ​ണ​ന​യി​ലു​ണ്ട്. മു​മ്പി​ല്ലാ​ത്ത​പോ​ലെ ഇ​വി​ടെ മ​ഴ​ക്കാ​ല​ത്ത് കൂ​ടു​ത​ലാ​യി വെ​ള്ളം ക​യ​റു​ന്നു.

വേ​ലി​യേ​റ്റ സ​മ​യ​ത്ത് കൂ​ടു​ത​ല്‍ സ​മ​യം വെ​ള്ളം നി​ല്‍ക്കു​ന്നു​മു​ണ്ട്. ഇ​ത് ജ​ന​ജീ​വി​ത​ത്തെ കാ​ര്യ​മാ​യി ബാ​ധി​ക്കു​ന്ന സാ​ഹ​ച​ര്യ​ത്തി​ല്‍ ശാ​ശ്വ​ത​മാ​യ പ​രി​ഹാ​രം കാ​ണ​ണം. ടൂ​റി​സം വി​ക​സ​നം ഉ​ള്‍പ്പെ​ടെ​യു​ള്ള സാ​ധ്യ​ത​ക​ള്‍ പ്ര​യോ​ജ​ന​പ്പെ​ടു​ത്തി ജീ​വി​ത നി​ല​വാ​രം ഉ​യ​ര്‍ത്തു​ന്ന​തി​നു​ള്ള വി​വി​ധ പ​ദ്ധ​തി​ക​ള്‍ സ​ജീ​വ പ​രി​ഗ​ണ​ന​യി​ലു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ആ​വ​ശ്യ​മാ​യ മു​ന്‍ക​രു​ത​ലു​ക​ള്‍ സ്വീ​ക​രി​ച്ചി​രു​ന്ന​തി​നാ​ല്‍ കാ​ല​വ​ര്‍ഷ​ക്കെ​ടു​തി​യു​ടെ ബു​ദ്ധി​മു​ട്ടു​ക​ള്‍ ല​ഘൂ​ക​രി​ക്കാ​ന്‍ ക​ഴി​ഞ്ഞി​ട്ടു​ണ്ട്. ചെ​റു​തോ​ടു​ക​ളും അ​രു​വി​ക​ളും അ​ട​ഞ്ഞ് വെ​ള്ളം ഒ​ഴു​കി​പ്പോ​കാ​ത്ത​താ​ണ് വെ​ള്ള​ക്കെ​ട്ടി​ന് ഇ​ട​യാ​ക്കു​ന്ന​ത്. ഇ​തി​ന് പ​രി​ഹാ​രം കാ​ണാ​നു​ള്ള പ്ര​വ​ര്‍ത്ത​ന​ങ്ങ​ളാ​ണ് ന​ട​ത്തു​ക.

കി​ഴ​ക്കേ​ക​ല്ല​ട​യി​ലെ സ​ര്‍ക്കാ​ര്‍ എം.​ജി.​എ​ല്‍.​പി സ്‌​കൂ​ള്‍, മ​ണ്‍റോ​തു​രു​ത്ത് ബ​ഥേ​ല്‍ എ​ല്‍.​പി.​എ​സ്, വി.​എ​സ്.​യു.​പി സ്‌​കൂ​ള്‍, ക​ല്ലു​വി​ള ഭാ​ര്‍ഗ​വി ഓ​ഡി​റ്റോ​റി​യം എ​ന്നി​വി​ട​ങ്ങ​ളി​ലെ ദു​രി​താ​ശ്വാ​സ ക്യാ​മ്പു​ക​ള്‍ മ​ന്ത്രി സ​ന്ദ​ര്‍ശി​ച്ചു. കോ​വൂ​ര്‍ കു​ഞ്ഞു​മോ​ന്‍ എം.​എ​ല്‍.​എ, ത​ദ്ദേ​ശ​ഭ​ര​ണ സ്ഥാ​പ​ന പ്ര​തി​നി​ധി​ക​ള്‍, ഉ​ദ്യോ​ഗ​സ്ഥ​ര്‍ എ​ന്നി​വ​രും ഒ​പ്പ​മു​ണ്ടാ​യി​രു​ന്നു.

മ​ണ്‍റോ​തു​രു​ത്തി​ന്​ പ്ര​ത്യേ​ക പാ​ക്കേ​ജ് പ​രി​ഗ​ണ​ന​യി​ൽ –മ​ന്ത്രി ജെ. ​ചി​ഞ്ചു​റാ​ണി

കൊ​ല്ലം: മ​ണ്‍റോ​തു​രു​ത്തി​െൻറ ദു​രി​ത​ത്തി​ന് ശാ​ശ്വ​ത പ​രി​ഹാ​രം കാ​ണു​ന്ന​തി​ന് സ​ര്‍ക്കാ​ര്‍ത​ല​ത്തി​ല്‍ പ്ര​ത്യേ​ക പാ​ക്കേ​ജ് പ​രി​ഗ​ണി​ക്കു​മെ​ന്ന് മ​ന്ത്രി ജെ. ​ചി​ഞ്ചു​റാ​ണി. മ​ണ്‍റോ​തു​രു​ത്തി​ലെ വി​വി​ധ ദു​രി​താ​ശ്വാ​സ​ക്യാ​മ്പു​ക​ള്‍ സ​ന്ദ​ര്‍ശി​ക്കു​ക​യാ​യി​രു​ന്നു മ​ന്ത്രി.

പൂ​ര്‍ണ​മാ​യും വീ​ട് ന​ഷ്​​ട​പ്പെ​ട്ട​വ​ര്‍ക്ക് സാ​മ്പ​ത്തി​ക സ​ഹാ​യം ആ​ലോ​ചി​ക്കു​ന്നു. ക​ന്നു​കാ​ലി തൊ​ഴു​ത്തു​ക​ള്‍ ന​ഷ്​​ട​പ്പെ​ട്ട​വ​ര്‍ അ​പേ​ക്ഷ ന​ല്‍കു​ന്ന​തി​ന് അ​നു​സ​രി​ച്ച് ആ​വ​ശ്യ​മാ​യ സ​ഹാ​യം ല​ഭ്യ​മാ​ക്കും. കാ​ലി​ത്തീ​റ്റ​യും എ​ത്തി​ച്ചു​ന​ല്‍കു​മെ​ന്ന് അ​വ​ർ പ​റ​ഞ്ഞു.