കോവിഡ്​ രോഗികളെ വീടുകളിൽനിന്ന്​ മാറ്റണമെന്ന്​ ആദ്യം​; വിമർശമുയർന്ന​പ്പോൾ തിരുത്തി

കൊല്ലം: ​വീടുകളിൽ ചികിത്സയിലും നിരീക്ഷണത്തിലും തുടരുന്ന കോവിഡ്​ രോഗികളെ തദ്ദേശ സ്ഥാപനങ്ങളുടെയും ആരോഗ്യ വകുപ്പി​െൻറയും നേതൃത്വത്തിലുള്ള കേന്ദ്രങ്ങളിലേക്ക്​ മാറ്റണമെന്ന്​ നിർദ്ദേശിച്ച്, ഡി.എം.ഒ വെളളിയാഴ്ച ഇറക്കിയ ഉത്തരവ് വൈകീട്ടോടെ പിൻവലിച്ചു.

മാസങ്ങളായി ജില്ലയിൽ തുടരുന്ന ഗൃഹചികിത്സ​ പെ​െട്ടന്ന്​ നിർത്തലാക്കാനുള്ള 'വിചിത്ര' ഉത്തരവ്​ കലക്​ടറുടെ നിർദേശപ്രകാരമാ​ണെന്നായിരുന്നു വിശദീകരണം. എന്നാൽ, ഇക്കാര്യം കലക്​ടർ ബി. അബ്​ദുൽ നാസർ നിഷേധിച്ചു.

ഉത്തരവ്​ ശ്രദ്ധയിൽപെട്ട സംസ്ഥാന ആരോഗ്യ വകുപ്പ്​ ഡയറക്​ടർ നിർദേശിച്ചതോടെയാണ് ഡി.എം.ഒ ഡോ. ആർ. ശ്രീലത ഉത്തരവ്​ പിൻവലിച്ചത്. ഒരാഴ്​ചയായി വിവിധ അവലോകന യോഗങ്ങളിൽ, രോഗികൾ വീടുകളിൽ തുടരുന്നതാണ്​ വ്യാപനത്തിന്​ കാരണമെന്നും അവരെ ചികിത്സ കേ​ന്ദ്രങ്ങളിലേക്ക്​ അയക്കാൻ നടപടി ഉണ്ടാകുന്നില്ലെന്നും കലക്​ടർ കുറ്റപ്പെടുത്തിയിരുന്നുവത്രേ. ഇക്കാര്യത്തിൽ ഡി.എം.ഒ യുടെ ഭാഗത്ത് അലംഭാവം ഉണ്ടെന്ന ആക്ഷേപവും ഉയർത്തിയിരുന്നു. ​െവള്ളിയാഴ്​ച രാവിലെ നടന്ന യോഗത്തിലും ഇത്തരം പരാമർശം ആവർത്തിക്കുകയും ഇനി നടപടിയിലേക്ക് നീങ്ങുമെന്ന മുന്നറിയിപ്പ്​ ഉണ്ടാവുകയും ചെയ്തു. ഇതോടെ, ഇത്തരത്തിലുള്ള ഉത്തരവിറക്കാൻ നിർബന്ധിതയാവുകയായിരുന്നുവെന്നുമാണ് ഡി.എം.ഒ യുടെ ഭാഗത്തു നിന്നുള്ള വിശദീകരണം.

വീട​ുകളിൽ സൗകര്യമുള്ളവർക്ക്​ മാത്രമാണ്​ ഗൃഹചികിത്സ അനുവദിക്കുന്നതെന്നും എല്ലാവരെയും ചികിത്സ കേന്ദ്രങ്ങളിലേക്ക്​ മാറ്റുന്നത്​ അശാസ്​ത്രീയമാണെന്നും ഉള്ള നിർദേശം നിലവിലുള്ള കാര്യവും അവർ ചൂണ്ടിക്കാട്ടുന്നു . തനിക്കെതിരെ നടപടി ഉണ്ടാകും എന്നുള്ള മുന്നറിയിപ്പ്​ വന്നതോടെ, ഉത്തരവിറക്കുകയായിരുന്നുവത്രേ.