ഉത്സവത്തിനെത്തിച്ച കെട്ടുകാളക്ക്​ തീപിടിച്ചു

കൊ​ല്ലം: കെ​ട്ടു​കാ​ള മ​ഹോ​ത്സ​വ​ത്തി​നാ​യി എ​ത്തി​ച്ച കെ​ട്ടു​കാ​ള​ക്ക്​ തീ​പി​ടി​ച്ചു. കൊ​ച്ചു​മ​രു​ത്ത​ടി ദേ​വീ​ക്ഷേ​ത്ര​ത്തി​ലെ കെ​ട്ടു​കാ​ള മ​ഹോ​ത്സ​വ​ത്തി​നാ​യി മ​രു​ത്ത​ടി വ​ട്ട​ക്കാ​യ​ലി​ൽ വെ​ള്ളി​യാ​ഴ്ച ഉ​ച്ച​ക്ക്​ 12 ഓ​ടെ​യാ​ണ് തീ​പി​ടി​ത്തം ഉ​ണ്ടാ​യ​ത്.

എ​ഴു​ന്ന​ള്ള​ത്തി​ന് അ​ക​മ്പ​ടി സേ​വി​ക്കാ​നെ​ത്തി​ച്ച കെ​ട്ടു​കാ​ള​ക്കാ​ണ്​ തീ​പി​ടി​ച്ച​ത്. ലേ​ക്ക് ഫോ​ർ​ഡ് സ്‌​കൂ​ളി​ന് സ​മീ​പം എ​ത്തി​യ​പ്പോ​ൾ കാ​ള​ക്ക്​ മു​ത്തു​ക്കു​ട കെ​ട്ടി​നി​ർ​ത്താ​ൻ​ സ്ഥാ​പി​ച്ച ക​മ്പി​ൽ കാ​യ​ലി​നു​കു​റു​കെ താ​ഴ്ന്നു​കി​ട​ന്ന 110 കെ.​വി വൈ​ദ്യു​തി ലൈ​ൻ ത​ട്ടി തീ​പി​ടി​ക്കു​ക​യു​മാ​യി​രു​ന്നു. ച​ങ്ങാ​ട​ത്തി​ൽ ഉ​ണ്ടാ​യി​രു​ന്ന​വ​ർ ക​ര​യി​ലേ​ക്ക് ഏ​റെ പ​ണി​പ്പെ​ട്ട് ച​ങ്ങാ​ടം അ​ടു​പ്പി​ച്ച് തീ ​അ​ണ​ക്കാ​ൻ ശ്ര​മി​ച്ചെ​ങ്കി​ലും വ​യ്​​ക്കോ​ലി​ലേ​ക്ക്​ തീ​പ​ട​ർ​ന്നി​രു​ന്നു. ഈ ​സ​മ​യം ച​ങ്ങാ​ട​ത്തി​ലു​ണ്ടാ​യി​രു​ന്ന നാ​ല്​ യു​വാ​ക്ക​ൾ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

ഉ​ട​ൻ ത​ന്നെ പ്ര​ദേ​ശ​വാ​സി​ക​ൾ ഫ​യ​ർ​ഫോ​ഴ്സി​നെ വി​വ​രം അ​റി​യി​ക്കു​ക​യും ചാ​മ​ക്ക​ട​യി​ൽ നി​ന്ന് സ്റ്റേ​ഷ​ൻ ഓ​ഫി​സ​ർ ഉ​ല്ലാ​സി​ന്റെ നേ​തൃ​ത്വ​ത്തി​ൽ ര​ണ്ട് യൂ​നി​റ്റ് എ​ത്തി ര​ക്ഷാ​പ്ര​വ​ർ​ത്ത​നം ന​ട​ത്തി. ഒ​ന്ന​ര മ​ണി​ക്കൂ​റോ​ളം നീ​ണ്ട പ​രി​ശ്ര​മ​ത്തി​ലാ​ണ് തീ ​പൂ​ർ​ണ​മാ​യും കെടുത്തിയ​ത്. 50 അ​ടി​യോ​ള​മാ​യി​രു​ന്നു കാ​ള​യു​ടെ ഉ​യ​രം. 12 ല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു.