കാത്തിരുന്ന്​, കാത്തിരുന്ന് കൊ​ല്ല​ത്ത്​ കലോത്സവമെത്തുന്നു

കൊ​ല്ലം: കാ​ഞ്ഞ​ങ്ങാ​ട്​ കേരള സ്കൂ​ൾ ക​ലോ​ത്സ​വം കൊ​ടി​യി​റ​ങ്ങി​യ​പ്പോ​ൾ അ​ടു​ത്ത​ത്​ കൊ​ല്ല​ത്തെ​ന്നാ​യി​രു​ന്നു പ്ര​ഖ്യാ​പ​നം. 2021 ജ​നു​വ​രി​യി​ൽ ക​ല​യു​​ടെ കൗ​മാ​രോ​ത്സ​വ​ത്തി​നു​ള്ള കൊ​ല്ല​ത്തി​ന്‍റെ കാ​ത്തി​രി​പ്പ്​ പ​ക്ഷേ, നീ​ണ്ടു​പോ​യി... അ​ഞ്ച്​ കൊ​ല്ലം. 2024 ജ​നു​വ​രി​യി​ൽ കേരള സ്കൂ​ൾ ക​ലോ​ത്സ​വം കൊ​ല്ല​ത്ത്​ അ​ര​ങ്ങു​ത​ക​ർ​ക്കും. ശ​രി​ക്കും പ​റ​ഞ്ഞാ​ൽ 2008ന്​ ​ശേ​ഷം ഒ​ന്ന​ര പ​തി​റ്റാ​ണ്ടി​ന്‍റെ കാ​ത്തി​രി​പ്പി​ന്​ വി​രാ​മ​മി​ട്ടാ​ണ് ക​ലോ​ത്സ​വം കൊ​ല്ല​ത്തി​ന്‍റെ മ​ണ്ണി​ലേ​ക്കെ​​ത്തു​ന്ന​ത്.

കോ​വി​ഡി​ന്‍റെ പ്ര​ഹ​ര​മാ​യി​രു​ന്നു 2021ലെ 61-ാ​മ​ത്​ സ്കൂ​ൾ ക​ലോ​ത്സ​വം എ​ന്ന കൊ​ല്ല​ത്തി​ന്‍റെ സ്വ​പ്​​ന​ത്തി​ന്​ ക​രി​നി​ഴ​ലാ​യ​ത്. തു​ട​ർ​ച്ച​യാ​യ ര​ണ്ട്​ ജ​നു​വ​രി​ക​ൾ ക​ലോ​ത്സ​വാ​ഘോ​ഷം ഇ​ല്ലാ​തെ ക​ട​ന്നു​പോ​യി. അ​പ്പോ​ഴും കാ​ഞ്ഞ​ങ്ങാ​ട്​ നി​ന്നും ഏ​റ്റു​വാ​ങ്ങി​യ ക​ലോ​ത്സ​വ പ​താ​ക കൊ​ല്ല​ത്തി​ന്‍റെ ക​ര​ങ്ങ​ളി​ൽ സു​ര​ക്ഷി​ത​മാ​യി​രി​ക്കു​ക​യാ​യി​രു​ന്നു. നാ​ട്​ പ​ഴ​യ താ​ള​ത്തി​ലേ​ക്ക്​ തി​രി​ച്ചെ​ത്തി​യ​തോ​ടെ 2023 ജ​നു​വ​രി​യി​ലെ ക​ലോ​ത്സ​വ​ത്തി​ന്‍റെ മേ​ളം വ​ന്നെ​ത്തു​മെ​ന്നാ​യി പി​ന്നെ പ്ര​തീ​ക്ഷ. എ​ന്നാ​ൽ, ഏ​താ​നും മാ​സ​ങ്ങ​ൾ​ക്ക്​ മു​മ്പ്​ കേ​ര​ള സ​ർ​വ​ക​ലാ​ശാ​ല യൂ​നി​യ​ൻ ക​ലോ​ത്സ​വ​ത്തി​ന്​ ആ​തി​ഥ്യ​മ​രു​ളി എ​ന്ന​ത്​ ‘അ​യോ​ഗ്യ​ത’​യാ​യി. കൊ​ല്ല​ത്തി​ന്​ അ​വ​കാ​ശ​പ്പെ​ട്ട ക​ലോ​ത്സ​വം അ​വ​സാ​ന നി​മി​ഷം കോ​ഴി​ക്കോ​ടേ​ക്ക്​ പ​റി​ച്ചു​മാ​റ്റി. ആ ​നി​രാ​ശ​ക്ക്​ പ​രി​ഹാ​ര​മാ​യാ​ണ്​ 62ാമ​ത്​ സം​സ്ഥാ​ന ക​ലോ​ത്സ​വം അ​ഷ്ട​മു​ടി​യു​ടെ തീ​ര​ത്തേ​ക്കെ​ത്തു​ന്ന​ത്.

2008ൽ ​കൊ​ല്ലം ഗ​വ. മോ​ഡ​ൽ സ്കൂ​ളി​ലാ​യി​രു​ന്നു ​​​പ്ര​ധാ​ന വേ​ദി. ഹ​യ​ർ സെ​ക്ക​ൻ​ഡ​റി, വൊ​ക്കേ​ഷ​ന​ൽ ഏ​കീ​ക​ര​ണ​മി​ല്ലാ​തെ ഹൈ​സ്കൂ​ൾ​ത​ലം വ​രെ​യാ​യി ന​ട​ന്ന അ​വ​സാ​ന​ത്തെ യുവജനോ​ത്സ​വം ആ​യി​രു​ന്നു അ​ത്.

കോ​ഴി​ക്കോ​ട്​ ക​പ്പ്​ കൊ​ണ്ടു​പോ​യ​പ്പോ​ൾ, ര​ണ്ടാ​മ​തെ​ത്തി കൊ​ല്ലം അ​ന്ന്​ ക​രു​ത്തു​കാ​ട്ടി​യി​രു​ന്നു. 1988ലാ​ണ്​ ആ​ദ്യ​മാ​യി യുവജനോ​ത്സ​വത്തി​ന്​ കൊ​ല്ലം വേ​ദി​യാ​യ​ത്. പി​ന്നെ 1999ലും ​കൗ​​മാ​രോ​ത്സ​വം ഇ​വി​ടെ കൊ​ണ്ടാ​ടി.

ഇ​ത്ത​വ​ണ​ത്തെ വേ​ദി​ക​ൾ സം​ബ​ന്ധി​ച്ച അ​ന്തി​മ തീ​രു​മാ​നം കൈ​​ക്കൊ​ള്ളു​ന്ന​തി​നു​ള്ള ന​ട​പ​ടി​ക​ൾ അ​ടു​ത്ത​യാ​ഴ്ച​യോ​ടെ ആ​രം​ഭി​ക്കും.

അ​ടു​ത്ത​യാ​ഴ്ച സം​സ്ഥാ​ന വി​ദ്യാ​ഭ്യാ​സ വ​കു​പ്പി​ന്‍റെ ഉ​ന്ന​തോ​ദ്യോ​ഗ​സ്ഥ​ർ ജി​ല്ല​യി​ൽ സ​ന്ദ​ർ​ശ​ന​ത്തി​നെ​ത്തും. ന​ഗ​ര​ത്തി​ൽ എ​വി​ടെ​യെ​ല്ലാം വേ​ദി​യൊ​രു​ക്കാം, ഭ​ക്ഷ​ണ​ത്തി​നും താ​മ​സ​ത്തി​നു​മു​ള്ള ക്ര​മീ​ക​ര​ണ​ങ്ങ​ൾ എ​വി​ടെ​യെ​ല്ലാം ഒ​രു​ക്കാം തു​ട​ങ്ങി​യ കാ​ര്യ​ങ്ങ​ളി​ൽ വി​ശ​ദ​മാ​യ അ​വ​ലോ​ക​ന​മു​ണ്ടാ​കും. വേ​ദി​യാ​ക്കാ​ൻ സാ​ധ്യ​ത​യു​ള്ള സ്ഥ​ല​ങ്ങ​ളി​ൽ എ​ല്ലാം സം​ഘം സ​ന്ദ​ർ​ശി​ക്കും. എം.​എ​ൽ.​എ, മേ​യ​ർ, ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റ്​ എ​ന്നി​വ​ർ ഉ​ൾ​പ്പെ​ടെ ജ​ന​പ്ര​തി​നി​ധി​ക​ളും പ​​ങ്കെ​ടു​ക്കു​ന്ന അ​വ​ലോ​ക​ന​യോ​ഗം ന​ട​ക്കും. തു​ട​ർ​ന്നാ​യി​രി​ക്കും വേ​ദി​ക​ൾ സം​ബ​ന്ധി​ച്ച്​ അ​ന്തി​മ​ചി​ത്രം തെ​ളി​യു​ന്ന​ത്.