അതിദരിദ്രർ ഇല്ലാത്ത സംസ്ഥാനമായി കേരളം അതിവേഗം മാറുന്നു - മന്ത്രി കെ. രാധാകൃഷ്ണൻ

കൊ​ല്ലം: അ​തി​ദ​രി​ദ്ര​ർ ഇ​ല്ലാ​ത്ത സം​സ്ഥാ​ന​മാ​യി കേ​ര​ള​ത്തെ മാ​റ്റു​ന്ന​തി​നു​ള്ള പ​ദ്ധ​തി​ക​ൾ സ​ർ​ക്കാ​ർ അ​തി​വേ​ഗം ന​ട​പ്പാ​ക്കി​വ​രു​ക​യാ​ണെ​ന്ന് മ​ന്ത്രി കെ. ​രാ​ധാ​കൃ​ഷ്ണ​ൻ.

സാ​മൂ​ഹി​ക ഐ​ക്യ​ദാ​ർ​ഢ്യ പ​ക്ഷാ​ച​ര​ണ സ​മാ​പ​ന സ​മ്മേ​ള​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി . 64006 കു​ടും​ബ​ങ്ങ​ളാ​ണ് അ​തി​ദ​രി​ദ്ര​രാ​യി സം​സ്ഥാ​ന​ത്തു​ള്ള​ത്. അ​ടു​ത്ത​വ​ർ​ഷം ന​വം​ബ​ർ മാ​സ​ത്തോ​ടു​കൂ​ടി ത​ന്നെ ഇ​തി​ലെ 97 ശ​ത​മാ​ന​ത്തോ​ളം പേ​രു​ടെ​യും അ​തി​ദാ​രി​ദ്ര്യ അ​വ​സ്ഥ​ക്ക്​ പ​രി​ഹാ​രം കാ​ണും.

ശേ​ഷി​ക്കു​ന്ന​വ​രു​ടെ പ്ര​ശ്ന​ങ്ങ​ളും ഉ​ട​ൻ പ​രി​ഹ​രി​ക്കു​മെ​ന്നും പ​റ​ഞ്ഞു. സ​മ്പ​ത്തി​ന്റെ​യും അ​ധി​കാ​ര​ത്തി​ന്റെ​യും വി​കേ​ന്ദ്രീ​ക​ര​ണ​ത്തി​ലൂ​ടെ മാ​ത്ര​മേ പ​ട്ടി​ക വി​ഭാ​ഗ​ങ്ങ​ളു​ടെ സാ​മൂ​ഹി​ക​പു​രോ​ഗ​തി സാ​ധ്യ​മാ​കൂ. മാ​റു​ന്ന കാ​ല​ത്തി​ന​നു​സ​രി​ച്ചു​ള്ള വെ​ല്ലു​വി​ളി​ക​ളെ നേ​രി​ടു​ന്ന​തി​ന് അ​വ​രെ പ്രാ​പ്ത​രാ​ക്കു​ന്ന ത​ര​ത്തി​ലു​ള്ള പ​ദ്ധ​തി​ക​ൾ വി​ഭാ​വ​നം ചെ​യ്തു ന​ട​പ്പി​ലാ​ക്കു​മെ​ന്നും മ​ന്ത്രി പ​റ​ഞ്ഞു.

മ​ന്ത്രി ജെ. ​ചി​ഞ്ചു​റാ​ണി അ​ധ്യ​ക്ഷ​ത​വ​ഹി​ച്ചു. എം. ​നൗ​ഷാ​ദ് എം.​എ​ൽ.​എ , എ​ൻ.​കെ. പ്രേ​മ​ച​ന്ദ്ര​ൻ എം.​പി, കൊ​ടി​ക്കു​ന്നി​ൽ സു​രേ​ഷ് എം.​പി, പി.​എ​സ്. സു​പാ​ൽ എം.​എ​ൽ.​എ , മേ​യ​ർ പ്ര​സ​ന്ന ഏ​ണ​സ്റ്റ്, കൗ​ൺ​സി​ല​ർ എ.​കെ. സ​വാ​ദ്, പ​ട്ടി​ക​ജാ​തി വി​ക​സ​ന വ​കു​പ്പ് ഡ​യ​റ​ക്ട​ർ കെ. ​ഗോ​പാ​ല​കൃ​ഷ്ണ​ൻ, പ​ട്ടി​ക​വ​ർ​ഗ വി​ക​സ​ന വ​കു​പ്പ് ഡ​യ​റ​ക്ട​ർ മേ​ഘ​ശ്രീ എ​ന്നി​വ​ർ സം​സാ​രി​ച്ചു.