പോരാട്ടക്കളം റെഡി

കൊ​ല്ലം: നി​യ​മ​സ​ഭ തെ​ര​ഞ്ഞെ​ടു​പ്പ്​ പ്ര​ഖ്യാ​പി​ച്ച​തോ​ടെ ജി​ല്ല​യി​ലും പോ​രാ​ട്ട​ക്ക​ളം റെ​ഡി​യാ​യി. സ്ഥാ​നാ​ർ​ഥി​ പ്ര​ഖ്യാ​പ​ന​വും റോ​ഡ്​ ഷോ​ക​ളു​മാ​യി എ​ൽ.​ഡി.​എ​ഫ്​ ഒ​രു​മു​ഴം മു​മ്പെ എ​റി​ഞ്ഞ്​ ക​ളം​നി​റ​ഞ്ഞ​പ്പോ​ൾ, ഔ​ദ്യോ​ഗി​ക പ്ര​ഖ്യാ​പ​ന​മെ​ത്തി​യി​ല്ലെ​ങ്കി​ലും യു.​ഡി.​എ​ഫ്, എ​ൻ.​ഡി.​എ മു​ന്ന​ണി​ക​ളി​ൽ സീ​റ്റു​റ​പ്പി​ച്ച സ്ഥാ​നാ​ർ​ഥി​ക​ളും സ​ജീ​വ​മാ​യ​തോ​ടെ ചൂ​ടു​പി​ടി​ക്കു​ക​യാ​ണ്​ കൊ​ല്ല​ത്തി​ന്‍റെ രാ​ഷ്ട്രീ​യ​മ​ണ്ഡ​ലം. എ​ൽ.​ഡി.​എ​ഫ്​ ഒ​മ്പ​ത്​ സീ​റ്റു​ക​ൾ നി​ല​നി​ർ​ത്താ​നും ര​ണ്ടെ​ണ്ണം തി​രി​ച്ചു​പി​ടി​ക്കാ​നും പോ​രു​മു​റു​ക്കു​​മ്പോ​ൾ യു.​ഡി.​എ​ഫി​ന്​ നി​ല​നി​ർ​ത്താ​നു​ള്ള​ത്​ ര​ണ്ടും പി​ടി​ച്ചെ​ടു​ക്കാ​നു​ള്ള​ത്​ ഒ​മ്പ​തു​മാ​ണ്. എ​ൻ.​ഡി.​എ ആ​ക​ട്ടെ ക​ഴി​ഞ്ഞ ര​ണ്ട്​ ത​വ​ണ​യാ​യി ര​ണ്ടാം​സ്ഥാ​നം നേ​ടു​ന്ന മ​ണ്ഡ​ല​ത്തി​ൽ ഒ​ന്നാ​മ​തെ​ത്താ​നും മ​റ്റ്​ മ​ണ്ഡ​ല​ങ്ങ​ളി​ൽ മി​ക​ച്ച മു​ന്നേ​റ്റം ന​ട​ത്താ​നു​​മാ​ണ്​ ല​ക്ഷ്യ​മി​ടു​ന്ന​ത്.

ഉ​റ​​പ്പി​ച്ച്​ എ​ൽ.​ഡി.​എ​ഫ്​

സ്ഥാ​നാ​ർ​ഥി പ്ര​ഖ്യാ​പ​ന​ത്തി​ൽ നേ​ര​​ത്തെ ഗോ​ള​ടി​ച്ച എ​ൽ.​ഡി.​എ​ഫി​നാ​യി​ 10 മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ൾ പ്ര​ച​ര​ണ​രം​ഗ​ത്തി​റ​ങ്ങി​ മ​ത്സ​ര​ച്ചൂ​ടി​ന്​ തീ​പ​ക​ർ​ന്നു​ക​ഴി​ഞ്ഞു. കൊ​ല്ല​ത്ത്​ മു​ൻ ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റ്, കാ​ഷ്യു കോ​ർ​പ​റേ​ഷ​ൻ മു​ൻ ചെ​യ​ർ​മാ​ൻ എ​ന്നീ പ​ദ​വി​ക​ളി​ലെ പ​രി​ച​യ​സ​മ്പ​ത്തു​മാ​യി സി.​പി.​എം ആ​ക്ടി​ങ്​ ജി​ല്ല സെ​ക്ര​ട്ട​റി കൂ​ടി​യാ​യ എ​സ്. ജ​യ​മോ​ഹ​ൻ, ഇ​ര​വി​പു​ര​ത്ത്​ തു​ട​ർ​ച്ച​യാ​യ മൂ​ന്നാം​അ​ങ്ക​ത്തി​ന്​ എം. ​നൗ​ഷാ​ദ്​ എം.​എ​ൽ.​എ, കൊ​ട്ടാ​ര​ക്ക​ര​യി​ൽ മ​ന്ത്രി കെ.​എ​ൻ. ബാ​ല​ഗോ​പാ​ൽ, കു​ണ്ട​റ​യി​ൽ മു​ൻ ജി​ല്ല പ​ഞ്ചാ​യ​ത്ത്​ സ്ഥി​രം​സ​മി​തി അ​ധ്യ​ക്ഷ​നും മു​ൻ ക​യ​ർ​​ഫെ​ഡ്​ ചെ​യ​ർ​മാ​നും സി.​പി.​എം ജി​ല്ല സെ​ക്ര​ട്ടേ​റി​യ​റ്റം​ഗ​വു​മാ​യ എ​സ്.​എ​ൽ. സ​ജി​കു​മാ​റു​മാ​ണ്​ സി.​പി.​എം സ്ഥാ​നാ​ർ​ഥി​ക​ൾ. സി.​പി.​ഐ ജി​ല്ല നേ​തൃ​ത്വം നേ​ര​ത്തെ പ്ര​ഖ്യാ​പി​ച്ച​തു​പോ​ലെ ച​ട​യ​മം​ഗ​ല​ത്ത്​ സി.​പി.​ഐ ദേ​ശീ​യ കൗ​ൺ​സി​ൽ അം​ഗ​മാ​യ മ​ന്ത്രി ജെ. ​ചി​ഞ്ചു​റാ​ണി​യും പു​ന​ലൂ​രി​ൽ സി.​പി.​ഐ ജി​ല്ല എ​ക്സി​ക്യൂ​ട്ടി​വ് ക​മ്മി​റ്റി അം​ഗം സി. ​അ​ജ​യ​പ്ര​സാ​ദും ചാ​ത്ത​ന്നൂ​രി​ൽ സം​സ്ഥാ​ന എ​ക്സി​ക്യൂ​ട്ടി​വം​ഗം ആ​ർ. രാ​ജേ​ന്ദ്ര​നും ക​രു​നാ​ഗ​പ്പ​ള്ളി​യി​ൽ സി.​പി.​ഐ സം​സ്ഥാ​ന കൗ​ൺ​സി​ലം​ഗം എം.​എ​സ്. താ​ര​യു​മാ​ണ്​ മ​ത്സ​ര​രം​ഗ​ത്ത്. ച​വ​റ​യി​ൽ സി.​പി.​എം സ്വ​ത​ന്ത്ര​നാ​യി ഡോ. ​സു​ജി​ത്​ വി​ജ​യ​ൻ​പി​ള്ള എം.​എ​ൽ.​എ തു​ട​ർ​ച്ച​യാ​യി ര​ണ്ടാം​ത​വ​ണ മ​ത്സ​രി​ക്കും. കേ​ര​ള കോ​ൺ​ഗ്ര​സ്​ ബി ​സ്ഥാ​നാ​ർ​ഥി​യാ​യി മ​ന്ത്രി കെ.​ബി. ഗ​ണേ​ഷ്​ കു​മാ​ർ പ​ത്ത​നാ​പു​ര​ത്ത്​ വീ​ണ്ടും ജ​ന​വി​ധി നേ​ടും. പ്ര​ഖ്യാ​പ​നം ന​ട​ത്താ​തെ ‘അ​നി​ശ്ചി​ത​ത്വം’ തു​ട​ർ​ന്ന കു​ന്ന​ത്തൂ​രി​ൽ ക​ഴി​ഞ്ഞ 25 വ​ർ​ഷ​ത്തെ ച​രി​ത്ര​ത്തി​ന്‍റെ തു​ട​ർ​ച്ച​യാ​യി എ​ൽ.​ഡി.​എ​ഫി​ന്​ വേ​ണ്ടി ആ​ർ.​എ​സ്.​പി ലെ​നി​നി​സ്റ്റി​ന്‍റെ കോ​വൂ​ർ കു​ഞ്ഞു​മോ​ൻ ത​ന്നെ വീ​ണ്ടും ജ​ന​വി​ധി തേ​ടു​മെ​ന്നും ഉ​റ​പ്പാ​യി.

ഉ​ട​നെ ഉ​റ​പ്പി​ക്കാ​ൻ യു.​ഡി.​എ​ഫ്​

മു​ന്ന​ണി പ്ര​ഖ്യാ​പ​നം വ​ന്നി​ട്ടി​ല്ലെ​ങ്കി​ലും യു.​ഡി.​എ​ഫ്​ സ്ഥാ​നാ​ർ​ഥി​ക​ൾ അ​നൗ​ദ്യോ​ഗി​ക​മാ​യി ആ​ഴ്ച​ക​ൾ​ക്ക്​ മു​​മ്പ്​ ത​ന്നെ വോ​ട്ടു​പി​ടി​ക്കാ​ൻ തു​ട​ങ്ങി​യ മ​ണ്ഡ​ല​ങ്ങ​ൾ ജി​ല്ല​യി​ൽ നി​ര​വ​ധി​യാ​ണ്. ഏ​റെ വി​വാ​ദ​ങ്ങ​ൾ​ക്കൊ​ടു​വി​ൽ സ്ഥാ​നാ​ർ​ഥി​ക​ളെ ​പ്ര​ഖ്യാ​പി​ക്കാ​ൻ നി​ർ​ബ​ന്ധി​ത​രാ​യ ആ​ർ.​എ​സ്.​പി​യാ​ണ്​ ഘ​ട​ക​ക​ക്ഷി​ക​ളി​ൽ മ​ത്സ​ര​രം​ഗ​ത്തു​ള്ള​വ​രെ നേ​ര​ത്തെ പ​രി​ച​യ​പ്പെ​ടു​ത്തി​യ​ത്. ച​വ​റ​യി​ൽ മു​ൻ മ​ന്ത്രി ഷി​ബു ബേ​ബി​ജോ​ണും ഇ​ര​വി​പു​ര​ത്ത്​ ആ​ർ.​വൈ.​എ​ഫ്​ നേ​താ​വ്​ വി​ഷ്ണു​മോ​ഹ​നും കു​ന്ന​ത്തൂ​രി​ൽ ക​ഴി​ഞ്ഞ​ത​വ​ണ​ത്തെ സ്ഥാ​നാ​ർ​ഥി ഉ​ല്ലാ​സ്​ കോ​വൂ​രു​മാ​ണ്​ മ​ത്സ​രി​ക്കു​ന്ന​ത്. കോ​ൺ​ഗ്ര​സി​നാ​യി എ​ൽ.​ഡി.​എ​ഫി​ന്‍റെ അ​ഭി​മാ​ന സീ​റ്റു​ക​ൾ ക​ഴി​ഞ്ഞ ത​വ​ണ പി​ടി​ച്ചെ​ടു​ത്ത പി.​സി. വി​ഷ്ണു​നാ​ഥ്​ എം.​എ​ൽ.​എ കു​ണ്ട​റ​യി​ലും സി.​ആ​ർ. മ​ഹേ​ഷ്​ എ​ൽ.​എ​ൽ.​എ ക​രു​നാ​ഗ​പ്പ​ള്ളി​യി​ലും വീ​ണ്ടും മ​ത്സ​രി​ക്കും. 2021 ആ​വ​ർ​ത്തി​ച്ച്​ കൊ​ല്ല​ത്ത്​ കെ.​പി.​സി.​സി രാ​ഷ്ട്രീ​യ​കാ​ര്യ​സ​മി​തി അം​ഗം ബി​ന്ദു​കൃ​ഷ്ണ, പ​ത്ത​നാ​പു​ര​ത്ത്​ ജ്യോ​തി​കു​മാ​ർ ചാ​മ​ക്കാ​ല എ​ന്നി​വ​ർ മ​ത്സ​രി​ക്കു​മെ​ന്ന ഉ​റ​പ്പി​ൽ വോ​ട്ടു​തേ​ടി​ത്തു​ട​ങ്ങി​യി​ട്ട്​ ആ​ഴ്ച​ക​ളാ​യി. കൊ​ട്ടാ​ര​ക്ക​ര​യി​ൽ സി.​പി.​എ​മ്മി​ന്​ അ​ടി ന​ൽ​കാ​ൻ അ​വ​രു​ടെ മു​ൻ എം.​എ​ൽ.​എ അ​യി​ഷ പോ​റ്റി​ക്ക്​ ത​ന്നെ​യാ​കും കോ​ൺ​ഗ്ര​സ്​ സീ​റ്റ്​ ന​ൽ​കു​ന്ന​ത്. പു​ന​ലൂ​രും ച​ട​യ​മം​ഗ​ല​വു​മാ​ണ്​ നി​ല​വി​ൽ അ​നി​ശ്ചി​ത​ത്വം തു​ട​രു​ന്ന​ത്. ക​ഴി​ഞ്ഞ​ത​വ​ണ മ​ത്സ​രി​ച്ച പു​ന​ലൂ​ർ ഇ​ത്ത​വ​ണ സ്വീ​ക​രി​ക്കു​ന്ന​ത് സം​ബ​ന്ധി​ച്ച്​ മു​സ്​​ലിം ലീ​ഗ് വി​മു​ഖ​ത ച​ർ​ച്ച​ക​ളി​ലൂ​ടെ പ​രി​ഹ​രി​ക്കാ​ൻ ശ്ര​മം തു​ട​രു​ന്ന​താ​ണ്​ അ​നി​ശ്ചി​ത​ത്വ​ത്തി​ന്​ കാ​ര​ണം. ച​ട​യ​മം​ഗ​ല​വും പു​ന​ലൂ​രും വെ​ച്ചു​മാ​റാ​നു​ള്ള ച​ർ​ച്ച​ക​ളാ​ണ്​ ന​ട​ക്കു​ന്ന​ത്. ബി.​ജെ.​പി ര​ണ്ടാം​സ്ഥാ​ന​ത്തെ​ത്തി ക​രു​ത്തു​കാ​ട്ടാ​റു​ള്ള ചാ​ത്ത​ന്നൂ​ർ സീ​റ്റ്​ ഫോ​ർ​വേ​ഡ്​ ബ്ലോ​ക്കി​നാ​കും ന​ൽ​കു​ക​​യെ​ന്ന്​ ഏ​ക​ദേ​ശം ഉ​റ​പ്പാ​യി​ക്ക​ഴി​ഞ്ഞു. ദേ​ശീ​യ ജ​ന​റ​ൽ സെ​ക്ര​ട്ട​റി ജി. ​ദേ​വ​രാ​ജ​നാ​യി​രി​ക്കും സ്ഥാ​നാ​ർ​ഥി.

മു​ന്നേ​റാ​ൻ ല​ക്ഷ്യ​മി​ട്ട്​ എ​ൻ.​ഡി.​എ

ര​ണ്ടു​ത​വ​ണ ര​ണ്ടാം​സ്ഥാ​ന​ത്ത്​ വ​ന്ന ചാ​ത്ത​ന്നൂ​രി​ൽ വി​ജ​യം പി​ടി​ക്കാ​നു​ള്ള ല​ക്ഷ്യ​വു​മാ​യി എ​ൻ.​ഡി.​എ ആ​ഴ്ച​ക​ൾ​ക്ക്​ മു​മ്പ്​ ത​ന്നെ പ്ര​ചാ​ര​ണം ആ​രം​ഭി​ച്ചു​ക​ഴി​ഞ്ഞു. ക​ഴി​ഞ്ഞ ത​വ​ണ ര​ണ്ടാം​സ്ഥാ​ന​ത്തെ​ത്തി​യ ബി.​ബി. ഗോ​പ​കു​മാ​ർ ത​ന്നെ​യാ​ണ്​ ഇ​വി​ടെ ബി.​ജെ.​പി​ക്കാ​യി രം​ഗ​ത്തി​റ​ങ്ങു​ന്ന​ത്. മ​റ്റ്​ മ​ണ്ഡ​ല​ങ്ങ​ളി​ൽ മു​ന്നേ​റ്റം ല​ക്ഷ്യ​മി​ടു​ന്ന​തി​നൊ​പ്പം മ​റ്റ്​ ര​ണ്ട്​ മു​ന്ന​ണി​ക​ളു​ടെ​യും വി​ജ​യ​സാ​ധ്യ​ത നി​ർ​ണ​യി​ക്കു​ന്ന സാ​ന്നി​ധ്യ​മാ​കാ​മെ​ന്നും ക​ണ​ക്കു​കൂ​ട്ടു​ന്നു. ക​ഴി​ഞ്ഞ ത​വ​ണ കു​ണ്ട​റ​യി​ൽ സീ​റ്റ്​ കി​ട്ടി​യ ബി.​ഡി.​ജെ.​എ​സ്​ ഇ​ത്ത​വ​ണ​യും മ​ത്സ​രി​ക്കു​മെ​ന്നാ​ണ്​ വി​വ​രം. മു​ൻ തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി​ക്ക്​ വ​ലി​യ​തോ​തി​ൽ വോ​ട്ട്​ കി​ട്ടി​യ കു​ണ്ട​റ​യി​ൽ ക​ഴി​ഞ്ഞ ത​വ​ണ ബി.​ഡി.​ജെ.​എ​സ്​ വ​ൻ ഇ​ട​ർ​ച്ച​യാ​ണ്​ നേ​രി​ട്ട​ത്.