....kc+kw...വി.കെ.എസ് ശാസ്ത്ര സാംസ്‌കാരികോത്സവം: സംഘാടകസമിതി രൂപവത്​കരിച്ചു

കൊല്ലം: വി.കെ.എസ് ശാസ്ത്ര സാംസ്‌കാരികോത്സവ സംഘാടകസമിതി രൂപവത്​കരണയോഗം കടപ്പാക്കട സ്‌പോര്‍ട്‌സ് ക്ലബില്‍ മന്ത്രി കെ.എന്‍. ബാലഗോപാൽ ഉദ്ഘാടനം ചെയ്തു. ശാസ്ത്രസാഹിത്യ പരിഷത്​ സംസ്ഥാന പ്രസിഡന്‍റ്​ ബി. രമേശ് അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി ജോജി കൂട്ടുമ്മേല്‍, കെ.കെ. കൃഷ്ണകുമാര്‍, കൊട്ടിയം രാജേന്ദ്രന്‍, പരിഷത്ത് കലാസംസ്‌കാരം കണ്‍വീനര്‍ വിനോദ്കുമാര്‍, കെ. രാജഗോപാല്‍, ലൈബ്രറി കൗണ്‍സില്‍ ജില്ല പ്രസിഡന്‍റ്​ കെ.ബി. മുരളികൃഷ്ണന്‍, മുന്‍ മേയര്‍ അഡ്വ വി. രാജേന്ദ്രബാബു, പുരോഗമന കലാസാഹിത്യ സംഘം സംസ്ഥാന സെക്രട്ടറി ഡി. സുരേഷ്​കുമാര്‍, ലൈബ്രറി കൗണ്‍സില്‍ സംസ്ഥാന കൗണ്‍സിലംഗം എസ്. നാസര്‍, സ്വരലയ സുന്ദരേശന്‍, കാഥികന്‍ വി. ഹര്‍ഷകുമാര്‍, സുധര്‍മ ടീച്ചര്‍, എം. സുഗതന്‍, പരിഷത്ത് സംസ്ഥാന വൈസ് പ്രസിഡന്‍റ്​ ടി. ലിസി, സംസ്ഥാന സെക്രട്ടറി എല്‍. ഷൈലജ എന്നിവര്‍ ചര്‍ച്ചയില്‍ സംസാരിച്ചു. വി. രാജേന്ദ്രബാബു ചെയര്‍മാനും കൊട്ടിയം രാജേന്ദ്രന്‍ ജനറല്‍ കണ്‍വീനറുമായ 201 അംഗ സംഘാടക സമിതിയെയും വിവിധ സബ് കമ്മിറ്റികളെയും തെരഞ്ഞെടുത്തു. ഫാസ്​ സംഗീതനിറവ്​ കൊല്ലം: ഫൈൻ ആർട്​സ്​ സൊസൈറ്റിയുടെയും കലയുടെയും ആഭിമുഖ്യത്തിൽ 21ന്​ വൈകീട്ട്​ 6.30ന്​ സോപാനം കലാകേ​​ന്ദ്രത്തിൽ തിരുവനന്തപുരം നമ്മൾ നാടകക്കാർ തിയറ്റർ ഗ്രൂപ്​ അവതരിപ്പിക്കുന്ന 'മധുരനെല്ലിക്ക' നാടകം നടക്കും. കൊല്ലം ഫാസിന്‍റെ ആഭിമുഖ്യത്തിൽ 27ന്​ വൈകീട്ട്​ നാലുമുതൽ ഫാസ്​ അംഗങ്ങൾക്കും കുടുംബാംഗങ്ങൾക്കുമായി ഫാസ്​ സംഗീതനിറവ്​ എന്ന പേരിൽ സംഗീതപരിപാടി നടക്കും. 28ന്​ വൈകീട്ട്​ 6.30ന്​ സോപാനം ക​ലാകേന്ദ്രത്തിൽ തിരുവനന്തപുരം ശ്രീനന്ദനയുടെ 'ബാലരമ' നാടകവും ഉണ്ടാകും. ഫാസ്​ സംഗീതനിറവ്​ പരിപാടിക്ക്​ ഫാസ്​ അംഗങ്ങൾ ഇഷ്ടഗാനത്തിന്‍റെ കരോക്കേയുമായി വരണമെന്ന്​ ഫാസ്​ സെക്രട്ടറി പ്രദീപ്​ ആശ്രാമം അറിയിച്ചു. ഫോൺ: 9447348793.