kcccc

കൊട്ടിയത്ത് വാട്ടർ അതോറിറ്റി ഓഫിസ് ഉപരോധിച്ചു ചിത്രം- കൊട്ടിയം: പമ്പ് ഹൗസ് പ്രവർത്തിക്കുന്നതിൽ വാട്ടർ അതോറിറ്റിയുടെ അനാസ്ഥ ആരോപിച്ച് പഞ്ചായത്ത് അംഗത്തിന്‍റെ നേതൃത്വത്തിൽ തെറ്റിച്ചിറ നിവാസികൾ കൊട്ടിയത്ത് വാട്ടർ അതോറിറ്റി ഓഫിസ് ഉപരോധിച്ചു. കൊറ്റങ്കര പഞ്ചായത്തിലെ തെറ്റിച്ചിറ വാർഡിൽ പൈപ്പ് ലൈനിലെ വെള്ളം മാത്രം ആശ്രയിച്ച് കഴിയുന്ന തെറ്റിച്ചിറ, വലിയമാടം പട്ടികജാതി കോളനികൾ ഉൾപ്പെടുന്ന പ്രദേശങ്ങളിൽ വെള്ളം പമ്പ് ചെയ്യുന്ന മീനാക്ഷിവിലാസം പമ്പ് ഹൗസ് പ്രവർത്തിപ്പിക്കുന്നതിൽ വാട്ടർ അതോറിറ്റി വീഴ്ചവരുത്തുന്നെന്ന് ആരോപിച്ചായിരുന്നു ഉപരോധം. വാർഡ് അംഗം ജവാദ് കുറ്റിച്ചിറ, കൊല്ലം വാട്ടർ അതോറിറ്റി അസി. എക്സിക്യുട്ടിവ് എൻജിനീയർ, കൊട്ടിയം പൊലീസ്, കൊട്ടിയം വാട്ടർ അതോറിറ്റി ഉദ്യോഗസ്ഥർ, പൊതുപ്രവർത്തകരായ ശബിൻ, നിസാം എന്നിവർ ചർച്ച നടത്തിയതിന്‍റെ അടിസ്ഥാനത്തിൽ വെള്ളിയാഴ്ചതന്നെ കേടുവന്ന പമ്പ് ഇളക്കുകയും പകരം മോട്ടോർ വെച്ച് വെള്ളം പമ്പ് ചെയ്യാമെന്ന ഉറപ്പിൻമേൽ സമരം അവസാനിപ്പിച്ചു.