നിയന്ത്രണം വിട്ട പാർസൽ ലോറി മറിഞ്ഞു സൈക്കിൾ യാത്രികനടക്കം മൂന്ന്​ പേർക്ക് പരിക്ക്

കരുനാഗപ്പള്ളി: നിയന്ത്രണം വിട്ട പാർസൽ ലോറി മറിഞ്ഞു സൈക്കിൾ യാത്രക്കാരനടക്കം മൂന്ന് പേർക്ക് പരിക്കേറ്റു. ദേശീയപാതയിൽ ലാലാജി ജങ്​ഷനിൽ വെച്ചാണ്​ അപകടം.

സൈക്കിൾ യാത്രികൻ കല്ലേലിഭാഗം സ്വദേശി രമണൻ (60) ലോറി ഡ്രൈവർ ചേർത്തല മുട്ടത്തി പറമ്പ് സ്വദേശി , ഉണ്ണികൃഷ്ണൻ , ക്ലീനർ സന്ദീപ് എന്നിവർക്കാണ്​ പരിക്കേറ്റത്​. പരിക്കേറ്റവരെ താലൂക്ക് ആശുപത്രിയിൽ ​പ്രവേശിപ്പിച്ചു. ചേർത്തലയിൽ നിന്നും, തിരുവനന്തപുരത്തേക്ക് പാർസലുമായി പോയ ലോറിയാണ് അപകടത്തിൽപ്പെട്ടത്. സൈക്കിൾ യാത്രികൻ റോഡിലേക്ക്​ കയറിയതിനെ തുടർന്ന്​ ലോറി ബ്രേക്ക് ചവിട്ടിയതാണ് അപകട കാരണമെന്ന് പറയുന്നു