യുവാവിനെ തലക്കടിച്ച് കൊലപ്പെടുത്താൻ ശ്രമിച്ചവർ പിടിയിൽ

ക​രു​നാ​ഗ​പ്പ​ള്ളി: മു​ൻ​വി​രോ​ധം​കാ​ര​ണം യു​വാ​വി​നെ ക​മ്പി​വ​ടി​കൊ​ണ്ട് ത​ല​ക്ക​ടി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച പ്ര​തി​ക​ൾ പി​ടി​യി​ൽ. ചെ​റി​യ​ഴീ​ക്ക​ൽ, ന​മ്പി​ശ്ശേ​രി​ൽ ബാ​ലു എ​ന്ന അ​രു​ൺ (24), ചെ​റി​യ​ഴീ​ക്ക​ൽ, ക​ണ്ടാ​ടി​ശ്ശേ​രി​ൽ മ​ഹി എ​ന്ന മ​ഹാ​ദേ​വ​ൻ (23) എ​ന്നി​വ​രാ​ണ് പി​ടി​യി​ലാ​യ​ത്. ചെ​റി​യ​ഴീ​ക്ക​ൽ, പു​തു​ശ്ശേ​രി വീ​ട്ടി​ൽ ഗോ​കു​ലി​നെ​യാ​ണ് പ്ര​തി​ക​ൾ ആ​ക്ര​മി​ച്ച് മാ​ര​ക​മാ​യി പ​രി​ക്കേ​ൽ​പി​ച്ച​ത്. 2020ൽ ​ഗോ​കു​ലും പ്ര​തി​യാ​യ അ​രു​ണും ത​മ്മി​ലു​ണ്ടാ​യ വാ​ക്ക്ത​ർ​ക്ക​വും തു​ട​ർ​ന്നു​ണ്ടാ​യ വി​രോ​ധ​വു​മാ​ണ് അ​ക്ര​മ​ത്തി​ലേ​ക്ക് ന​യി​ച്ച​ത്.

ക​ഴി​ഞ്ഞ ദി​വ​സം ഉ​ച്ച​യോ​ടെ ചെ​റി​യ​ഴീ​ക്ക​ൽ ക്ഷേ​ത്ര​ത്തി​ന് സ​മീ​പ​ത്ത് വെ​ച്ച് പ്ര​തി​ക​ൾ സ്​​കൂ​ട്ട​റി​ൽ വ​രു​ക​യാ​യി​രു​ന്ന ഗോ​കു​ലി​നെ ത​ട​ഞ്ഞ് നി​ർ​ത്തി ആ​ക്ര​മി​ക്കു​ക​യാ​യി​രു​ന്നു. ക​മ്പി​വ​ടി​കൊ​ണ്ടു​ള്ള ആ​ക്ര​മ​ണ​ത്തി​ൽ ത​ല​യി​ൽ മു​റി​വേ​റ്റ ഗോ​കു​ലി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​യാ​ൾ​ക്ക് ത​ല​യി​ൽ എ​ട്ടോ​ളം തു​ന്ന​ലു​ണ്ട്.

ക​രു​നാ​ഗ​പ്പ​ള്ളി പൊ​ലീ​സ്​ സ്റ്റേ​ഷ​നി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ പ്ര​തി​ക​ൾ​ക്കെ​തി​രെ കേ​സ്​ ര​ജി​സ്റ്റ​ർ ചെ​യ്ത് ന​ട​ത്തി​യ അ​ന്വേ​ഷ​ണ​ത്തി​ൽ ഇ​വ​രെ അ​റ​സ്റ്റ് ചെ​യ്യു​ക​യാ​യി​രു​ന്നു. ക​രു​നാ​ഗ​പ്പ​ള്ളി ഇ​ൻ​സ്​​പെ​ക്ട​ർ വി. ​ബി​ജു​വി​ന്‍റെ നേ​തൃ​ത്വ​ത്തി​ൽ എ​സ്.​ഐ നാ​സ​റു​ദ്ദീ​ൻ, എ.​എ​സ്.​ഐ പ്ര​മോ​ദ്, എ​സ്.​സി.​പി.​ഒ രാ​ജീ​വ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ്​ ചെ​യ്​​തു.