ജയിൽ ശിക്ഷ കഴിഞ്ഞിറങ്ങിയയാൾ മോഷ്ടിച്ച 15 സൈക്കിളുകളുമായി പിടിയിൽ

ക​രു​നാ​ഗ​പ്പ​ള്ളി: ഒ​മ്പ​ത്​ വ​ർ​ഷ​ത്തെ ജ​യി​ൽ​ശി​ക്ഷ ക​ഴി​ഞ്ഞി​റ​ങ്ങി​യ മോ​ഷ​ണ​ക്കേ​സ് പ്ര​തി മോ​ഷ്ടി​ച്ച 15 സൈ​ക്കി​ളു​ക​ളു​മാ​യി വീ​ണ്ടും പി​ടി​യി​ൽ. സ്കൂ​ളു​ക​ളും ട്യൂ​ഷ​ൻ സെ​ന്‍റ​ക​ളും കേ​ന്ദ്രീ​ക​രി​ച്ച് സ്ഥി​ര​മാ​യി സൈ​ക്കി​ൾ മോ​ഷ​ണം ന​ട​ത്തി​വ​ന്ന ക​രു​നാ​ഗ​പ്പ​ള്ളി ഇ​ട​ക്കു​ള​ങ്ങ​ര പു​ലി​യൂ​ർ വ​ഞ്ചി വ​ട​ക്ക് കാ​വ​റാ​ട്ട് മേ​ക്ക​തി​ൽ ശി​വ​കു​മാ​റാ​ണ്​ (44) പി​ടി​യി​ലാ​യ​ത്.

മോ​ഷ്ടി​ച്ച സൈ​ക്കി​ളി​ൽ യാ​ത്ര ചെ​യ്യ​വേ താ​ച്ച​യി​ൽ ജ​ങ്​​ഷ​നി​ൽ​വെ​ച്ച് നാ​ട്ടു​കാ​ർ ത​ട​ഞ്ഞു​വ​ച്ച​ശേ​ഷം പൊ​ലീ​സി​ന് കൈ​മാ​റു​ക​യാ​യി​രു​ന്നു. തു​ട​ർ​ന്ന് ക​രു​നാ​ഗ​പ്പ​ള്ളി സ​ബ് ഇ​ൻ​സ്പെ​ക്ട​ർ ഷ​മീ​ർ എ.​എ​സ്.​ഐ പ്ര​മോ​ദ്, കൃ​ഷ്ണ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം എ​ത്തി ഇ​യാ​ളെ ക​സ്റ്റ​ഡി​യി​ലെ​ടു​ത്ത് ചോ​ദ്യം​ചെ​യ്തി​ലൂ​ടെ​യാ​ണ് ക​രു​നാ​ഗ​പ്പ​ള്ളി​യി​ലെ വി​വി​ധ സ്കൂ​ളു​ക​ൾ, ട്യൂ​ഷ​ൻ സെ​ന്‍റ​റു​ക​ൾ, മാ​ർ​ക്ക​റ്റ് എ​ന്നി​വി​ട​ങ്ങ​ളി​ൽ​നി​ന്ന്​ 15 ഓ​ളം സൈ​ക്കി​ളു​ക​ൾ മോ​ഷ്ടി​ച്ച​താ​യി സ​മ്മ​തി​ച്ച​ത്.

വി​ൽ​പ​ന ന​ട​ത്തി​യ​തും സൂ​ക്ഷി​ച്ചു​വെ​ച്ചി​രു​ന്ന​തു​മാ​യ സാ​ധ​ന​ങ്ങ​ൾ പൊ​ലീ​സ് ക​ണ്ടെ​ടു​ത്തു. കാ​യം​കു​ള​ത്ത് ഇ​യാ​ൾ ന​ട​ത്തി​യ മോ​ഷ​ണ​ക്കേ​സി​ൽ ഒ​മ്പ​ത്​ വ​ർ​ഷം ജ​യി​ൽ ശി​ക്ഷ ക​ഴി​ഞ്ഞി​റ​ങ്ങി​യ ഉ​ട​നെ​യാ​ണ് ഇ​ത്ര​യും സൈ​ക്കി​ളു​ക​ൾ മോ​ഷ​ണം ന​ട​ത്തി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ്​ ചെ​യ്തു.