കരുനാഗപ്പള്ളിയിൽ പകർച്ചപ്പനി വ്യാപകം

ക​രു​നാ​ഗ​പ്പ​ള്ളി: മേ​ഖ​ല​യി​ൽ പ​ക​ർ​ച്ച​പ്പ​നി വ്യാ​പ​ക​മാ​യ​തോ​ടെ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. താ​ലൂ​ക്കാ​ശു​പ​ത്രി ഉ​ൾ​പ്പെ​ടെ വി​വി​ധ സ​ർ​ക്കാ​ർ, സ്വ​കാ​ര്യ ആ​ശു​പ​ത്രി​ക​ളി​ൽ പ​നി ബാ​ധി​ച്ച് ചി​കി​ത്സ തേ​ടി​യെ​ത്തു​ന്ന​വ​രു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ചു. രോ​ഗ​ബാ​ധി​ത​രി​ൽ 70 ശ​ത​മാ​ന​ത്തി​ല​ധി​ക​വും ശ​രി​യാ​യ സ​മ​യ​ത്ത് ചി​കി​ത്സ തേ​ടാ​തി​രി​ക്കു​ന്ന​ത് വെ​ല്ലു​വി​ളി​യാ​ണെ​ണ് ആ​രോ​ഗ്യ പ്ര​വ​ർ​ത്ത​ക​ർ പ​റ​യു​ന്നു.

ചു​മ, മൂ​ക്കൊ​ലി​പ്പ് എ​ന്നീ ല​ക്ഷ​ണ​ങ്ങ​ളോ​ടെ തു​ട​ങ്ങു​ന്ന പ​നി​ക്ക്​ മ​റ്റ് ഗു​രു​ത​ര ശാ​രീ​രി​ക അ​സ്വ​സ്ഥ​ക​ളി​ല്ലാ​ത്ത​തി​നാ​ൽ പ​ല​രും ആ​ദ്യ​ഘ​ട്ട​ത്തി​ൽ സ്വ​യം ചി​കി​ത്സ ന​ട​ത്തു​ന്ന​താ​ണ് പ​തി​വ്. പ്ര​തി​രോ​ധ​ശേ​ഷി കു​റ​ഞ്ഞ​വ​രി​ൽ ശ്വാ​സ​ത​ട​സ്സം, ന്യു​മോ​ണി​യ എ​ന്നി​വ​ക്ക്​ കാ​ര​ണ​മാ​യേ​ക്കാ​വു​ന്ന പ​നി​യെ​ക്കു​റി​ച്ച് ഗ്രാ​മ​വാ​സി​ക​ളി​ൽ അ​വ​ബോ​ധ​മു​ണ്ടാ​ക്കാ​നു​ള്ള ശ്ര​മ​ങ്ങ​ൾ​പോ​ലും ആ​രോ​ഗ്യ​വ​കു​പ്പ് ഇ​നി​യും ആ​രം​ഭി​ച്ചി​ട്ടി​ല്ല.

പ​ഞ്ചാ​യ​ത്തു​ക​ളി​ലെ കു​ടും​ബാ​രോ​ഗ്യ കേ​ന്ദ്ര​ങ്ങ​ൾ, ക​മ്യൂ​ണി​റ്റി ഹെ​ൽ​ത്ത് സെ​ന്‍റ​റു​ക​ൾ എ​ന്നി​വി​ട​ങ്ങ​ളി​ലാ​ണ് പ​നി ബാ​ധി​ത​രാ​യ ഭൂ​രി​ഭാ​ഗം പേ​രും ചി​കി​ത്സ തേ​ടി​യെ​ത്തു​ന്ന​ത്. ഇ​വി​ടെ രോ​ഗി​ക​ളു​ടെ സ്ര​വ പ​രി​ശോ​ധ​ന​ക്കു​പോ​ലും സം​വി​ധാ​ന​ങ്ങ​ളി​ല്ലാ​ത്ത സ്ഥി​തി​യാ​ണ്.

ക​ഴി​ഞ്ഞ​ദി​വ​സം പ​നി ബാ​ധി​ത​യാ​യ ചെ​റി​യ​ഴീ​ക്ക​ൽ സ്വ​ദേ​ശി​നി​യു​ടെ മ​ര​ണം എ​ച്ച്​ വ​ൺ -എ​ൻ വ​ൺ​മൂ​ല​മാ​ണെ​ന്ന് സ്ഥി​രീ​ക​രി​ച്ചു. രോ​ഗി​യു​മാ​യി സ​മ്പ​ർ​ക്ക​ത്തി​ലേ​ർ​പ്പെ​ട്ടി​രു​ന്ന 39 പേ​രു​ടെ സാ​മ്പി​ൾ പ​രി​ശോ​ധി​ച്ച​തി​ൽ ഏ​ഴു​പേ​ർ​ക്കാ​ണ് രോ​ഗ​ബാ​ധ ക​ണ്ടെ​ത്തി​യ​ത്.

എ​ച്ച് വ​ൺ എ​ൻ വ​ൺ പ​രി​ശോ​ധ​ന​ക്കാ​യി സ്ര​വം ശേ​ഖ​രി​ക്കാ​നോ ലാ​ബി​ലേ​ക്ക് അ​യ​ക്കാ​നോ കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ൽ സം​വി​ധാ​ന​ങ്ങ​ളി​ല്ലാ​ത്ത് വെ​ല്ലു​വി​ളി​യാ​ണ്.