ഗതാഗത തടസ്സമായി റെയിൽവേ ഗേറ്റ്; ‘ബസുകൾ കുനിഞ്ഞ്​ പോകണം’

ക​രു​നാ​ഗ​പ്പ​ള്ളി: കു​ല​ശേ​ഖ​ര​പു​രം ആ​ന​ന്ദാ ജ​ങ്ഷ​ൻ-​ത​ഴ​വ റോ​ഡി​ൽ ശാ​സ്താം പൊ​യ്ക​യി​ൽ സ്ഥാ​പി​ച്ച റെ​യി​ൽ​വേ ഗേ​റ്റ് ഗ​താ​ഗ​ത ത​ട​സ്സം സൃ​ഷ്ടി​ക്കു​ന്ന​താ​യി പ​രാ​തി . ത​ഴ​വ ഗ്രാ​മ പ​ഞ്ചാ​യ​ത്തി​ന്‍റെ പ​ടി​ഞ്ഞാ​റ​ൻ മേ​ഖ​ല​ക​ളെ ദേ​ശീ​യ പാ​ത​യു​മാ​യി ബ​ന്ധി​പ്പി​ക്കു​ന്ന പ്ര​ധാ​ന റോ​ഡു​ക​ളി​ൽ ഒ​ന്നാ​ണി​ത്.

ഇ​വി​ടു​ത്തെ തി​ര​ക്ക് പ​രി​ഗ​ണി​ച്ച് റോ​ഡ് വീ​തി കൂ​ട്ടി ടാ​ർ ചെ​യ്യു​ക​യും, റെ​യി​ൽ​വേ ഗേ​റ്റു​ക​ൾ സ്ഥാ​പി​ക്കു​ക​യും ചെ​യ്തു. എ​ന്നാ​ൽ ഇ​വി​ടെ ഗേ​റ്റു​ക​ൾ ഗ​താ​ഗ​ത​ത്തി​ന് വെ​ല്ലു​വി​ളി ഉ​യ​ർ​ത്തു​ന്ന ത​ര​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്. വാ​ഹ​ന​ങ്ങ​ൾ​ക്കാ​യി ഗേ​റ്റു​ക​ൾ തു​റ​ന്ന് കൊ​ടു​ക്കു​മ്പോ​ൾ കി​ഴ​ക്ക് വ​ശ​ത്ത് സ്ഥാ​പി​ച്ചി​രി​ക്കു​ന്ന ഗേ​റ്റ് 45 ഡി​ഗ്രി വ​രെ മാ​ത്ര​മാ​ണ് ഉ​യ​രു​ന്ന​ത്.

ഇ​തോ​ടെ ബ​സു​ക​ൾ ഉ​ൾ​പ്പ​ടെ വാ​ഹ​ന​ങ്ങ​ൾ​ക്ക് സു​ര​ക്ഷി​ത​മാ​യി ട്രാ​ക്ക് മു​റി​ച്ചു ക​ട​ക്കു​വാ​ൻ ക​ഴി​യു​ന്നി​ല്ല . ഗേ​റ്റു​ക​ൾ 80 മു​ത​ൽ 85 ഡി​ഗ്രി വ​രെ ഉ​യ​ർ​ന്നു നി​ന്നാ​ൽ മാ​ത്ര​മേ വ​ലി​യ വാ​ഹ​ന​ങ്ങ​ൾ​ക്ക് അ​നാ​യാ​സം റോ​ഡി​ലൂ​ടെ ക​ട​ന്നു​പോ​കു​വാ​ൻ ക​ഴി​യു​ക​യു​ള്ളു. സാ​ങ്കേ​തി​ക ത​ക​രാ​ർ പ​രി​ഹ​രി​ക്കു​ന്ന​തി​ൽ റെ​യി​ൽ​വേ​യു​ടെ അ​നാ​സ്ഥ തു​ട​രു​ക​യാ​ണ്. റോ​ഡി​ന്‍റെ നി​ല​വി​ലെ വീ​തി​ക്ക് അ​നു​സൃ​ത​മാ​യി തൂ​ണു​ക​ൾ മാ​റ്റി സ്ഥാ​പി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്.