കാൽനടക്കാരൻ യുവാവിന്​ കാറിടിച്ച് ഗുരുതര പരിക്ക്

കരുനാഗപ്പള്ളി: കാറിടിച്ച്​ കാൽനടക്കാരനായ യുവാവിന് ഗുരുതര പരിക്കേറ്റു. കരുനാഗപ്പള്ളി മെട്രോ സ്കാനിങ് സെൻററിലെ ജീവനക്കാരനും കോട്ടയം കോടിമത സ്വദേശിയുമായ അനന്തുവിനെയാണ് (23) അമിത വേഗത്തിൽവന്ന കാറിടിച്ചത്. രാത്രി ഡ്യൂട്ടിയിൽ കയറാൻ റോഡരികിലൂടെ നടന്നുവരികയായിരുന്നു യുവാവ്​.

കാർ ഡ്രൈവർ മദ്യപിച്ചിരുന്നതായി ദൃക്​സാക്ഷികൾ പറയുന്നു. കാർ ഓടിച്ചിരുന്ന കോട്ടയം മെഡിക്കൽ കോളജിലെ അനസ്തേഷ്യ വിഭാഗം ഡോക്ടറും ആലപ്പുഴ വണ്ടാനം സ്വദേശിയുമായ ഹരികുമാറിനെ കരുനാഗപ്പള്ളി പൊലീസ് കസ്​റ്റഡിയിലെടുത്തു. വൈദ്യപരിശോധനക്കുശേഷം പിന്നീട് സ്​റ്റേഷൻ ജാമ്യത്തിൽ വിട്ടു.