കരുനാഗപ്പള്ളി നഗരസഭ ചെയർമാൻ രാജിയിലേക്ക്

ക​രു​നാ​ഗ​പ്പ​ള്ളി: ന​ഗ​ര​സ​ഭ​യി​ലെ ശു​ചീ​ക​ര​ണ തൊ​ഴി​ലാ​ളി​യാ​യ ദ​ലി​ത് യു​വ​തി​യെ പീ​ഡി​പ്പി​ച്ചു​വെ​ന്ന കേ​സി​ൽ അ​ന്വേ​ഷ​ണം നേ​രി​ടു​ന്ന ചെ​യ​ര്‍മാ​ന്‍ കോ​ട്ട​യി​ല്‍ രാ​ജു രാ​ജി​യി​ലേ​ക്ക്.

സി.​പി.​എം ലോ​ക്ക​ൽ ക​മ്മി​റ്റി അം​ഗം കൂ​ടി​യാ​യ രാ​ജു​വി​നെ​തി​രെ പ്ര​തി​പ​ക്ഷ സം​ഘ​ട​ന​ക​ള്‍ ന​ട​ത്തി​യ സ​മ​രം ശ​ക്ത​മാ​യ​തി​നെ തു​ട​ർ​ന്ന് ക​ഴി​ഞ്ഞ ദി​വ​സം ചേ​ര്‍ന്ന സി.​പി.​എം ഏ​രി​യ യോ​ഗ​ത്തി​ല്‍ രാ​ജു സ്ഥാ​ന​മൊ​ഴി​യ​ണം എ​ന്ന പാ​ര്‍ട്ടി തീ​രു​മാ​നം ജി​ല്ല നേ​താ​ക്ക​ള്‍ റി​പ്പോ​ര്‍ട്ട്‌ ചെ​യ്തു. ന​ഗ​ര​സ​ഭ പാ​ര്‍ല​മെ​ന്‍റ​റി പാ​ർ​ട്ടി യോ​ഗം ഉ​ട​ന്‍ ചേ​രാ​നും മു​ന്ന​ണി ധാ​ര​ണ​പ്ര​കാ​രം അ​വ​സാ​ന ഒ​രു​വ​ര്‍ഷം സി.​പി.​ഐ​ക്ക് ചെ​യ​ര്‍മാ​ന്‍ സ്ഥാ​ന​വും സി.​പി.​എ​മ്മി​ന് വൈ​സ് ചെ​യ​ർ​പേ​ഴ്സ​ന്‍ സ്ഥാ​നം ന​ൽ​കാ​നും തീ​രു​മാ​ന​മാ​യ​താ​യും നേ​താ​ക്ക​ള്‍ അ​റി​യി​ച്ചു. ന​ഗ​ര​സ​ഭ​യി​ലെ ശു​ചീ​ക​ര​ണ ക​രാ​ര്‍ ജീ​വ​ന​ക്കാ​രി ന​ഗ​ര​പി​താ​വി​നെ​തി​രെ പീ​ഡ​ന പ​രാ​തി ന​ല്‍കി​യ വി​വ​രം ‘മാ​ധ്യ​മം’ ദി​ന​പ​ത്രം ആ​ണു ആ​ദ്യം പു​റ​ത്തു​കൊ​ണ്ടു​വ​ന്ന​ത്.

ക​രു​നാ​ഗ​പ്പ​ള്ളി​യി​ല്‍ വി​ഷ​യം ചൂ​ടു​പി​ടി​ച്ച​തോ​ടെ ന​ഗ​ര​സ​ഭ ചെ​യ​ര്‍മാ​ന്‍ സ്ഥാ​നം സി.​പി.​ഐ​ക്ക് ന​ല്‍ക​ണ​മെ​ന്ന് ആ​വ​ശ്യ​പ്പെ​ട്ടു. ജി​ല്ല സെ​ക്ര​ട്ട​റി പി.​എ​സ്. സു​പാ​ല്‍ എ​ല്‍.​ഡി.​എ​ഫ് ജി​ല്ല ക​മ്മി​റ്റി​ക്ക് ന​ല്‍കി​യ ക​ത്തി​നെ തു​ട​ര്‍ന്നാ​ണ്‌ ചെ​യ​ര്‍മാ​ന്‍ സ്ഥാ​നം സി.​പി.​ഐ​ക്ക് ന​ല്‍കാ​ന്‍ തീ​രു​മാ​ന​മെ​ടു​ത്ത​ത്‌. പീ​ഡ​ന പ​രാ​തി​യി​ല്‍ അ​ന്വേ​ഷ​ണം നേ​രി​ടു​ന്ന ചെ​യ​ര്‍മാ​നെ ശി​ക്ഷ ന​ട​പ​ടി​യു​ടെ ഭാ​ഗ​മാ​യി ഒ​ഴി​വാ​ക്കി എ​ന്ന​തി​നു​പ​ക​രം മു​ന്ന​ണി ധാ​ര​ണ അ​നു​സ​രി​ച്ച് ചെ​യ​ര്‍മാ​ന്‍ സ്ഥാ​നം സി.​പി.​ഐ​ക്ക് ന​ല്‍കു​ന്നു എ​ന്ന് വ​രു​ത്തി​തീ​ര്‍ത്തു മു​ഖം ര​ക്ഷി​ക്കാ​നു​ള്ള ത​ന്ത്ര​മാ​ണ്​ സി.​പി.​എം നേ​തൃ​ത്വം ഇ​പ്പോ​ള്‍ സ്വീ​ക​രി​ച്ചി​രി​ക്കു​ന്ന​ത്. പാ​ര്‍ട്ടി ജി​ല്ല സെ​ക്ര​ട്ട​റി എ​സ്. സു​ദേ​വ​ന്‍, ജി​ല്ല സെ​ക്ര​ട്ട​റി​യേ​റ്റ് അം​ഗ​ങ്ങ​ളാ​യ ജ​യ​മോ​ഹ​ന്‍, രാ​ധാ​മ​ണി, സം​സ്ഥാ​ന ക​മ്മി​റ്റി അം​ഗം സൂ​സ​ന്‍ കോ​ടി എ​ന്നി​വ​രാ​ണ് ഏ​രി​യ ക​മ്മി​റ്റി യോ​ഗ​ത്തി​ല്‍ പാ​ര്‍ട്ടി തീ​രു​മാ​നം അ​റി​യി​ച്ച​ത്.

പീ​ഡ​ന​ക്കേ​സി​ൽ അ​ക​പ്പെ​ട്ട രാ​ജു​വി​ന് പ​ക​ര​മാ​യി മ​റ്റൊ​രു വ​നി​ത​യെ ചെ​യ​ർ​മാ​ൻ സ്ഥാ​ന​ത്തേ​ക്ക് നി​ർ​ദേ​ശി​ച്ചെ​ങ്കി​ലും സി.​പി.​എ​മ്മി​ലെ ശ​ക്ത​മാ​യ ഗ്രൂ​പ് വൈ​രം നി​മി​ത്തം ഈ ​നീ​ക്ക​വും ഉ​പേ​ക്ഷി​ച്ചു. സി.​പി.​എം നി​യ​ന്ത്ര​ണ​ത്തി​ലു​ള്ള ക​രു​നാ​ഗ​പ്പ​ള്ളി​യി​ലെ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ജി​ല്ല ക​മ്മി​റ്റി അം​ഗ​ത്തി​ന് എ​തി​രാ​യു​ള്ള സാ​മ്പ​ത്തി​ക തി​രി​മ​റി സം​ബ​ന്ധി​ച്ച പ​രാ​തി​യും നി​യോ​ജ​ക​മ​ണ്ഡ​ല​ത്തി​ലെ വ​നി​ത നേ​താ​വി​ന്‍റെ പേ​രി​ൽ ഉ​യ​ർ​ന്ന കാ​യ​ൽ പു​റ​മ്പോ​ക്ക് കൈ​യേ​റ്റ​വു​മാ​ണ് പാ​ർ​ട്ടി​ക്ക​ക​ത്തെ വി​ഭാ​ഗീ​യ​ത ശ​ക്ത​മാ​ക്കു​ന്ന​ത്.

പീ​ഡ​ന പ​രാ​തി​യെ തു​ട​ർ​ന്ന് ന​ഗ​ര​സ​ഭ ഓ​ഫി​സി​ലേ​ക്ക് പ്ര​തി​പ​ക്ഷ സം​ഘ​ട​ന​ക​ൾ ന​ട​ത്തി​യ സ​മ​ര​ങ്ങ​ളു​ടെ തു​ട​ർ​ച്ച​യും പാ​ർ​ട്ടി​ക്കെ​തി​രാ​യി ഉ​യ​രു​ന്ന ആ​രോ​പ​ണ​ങ്ങ​ൾ​ക്കും ത​ട​യി​ടാ​ൻ ആ​ണു ചെ​യ​ർ​മാ​നെ മാ​റ്റാ​നു​ള്ള തീ​രു​മാ​നം എ​ടു​ത്ത​ത്. ശേ​ഷി​ക്കു​ന്ന ഒ​രു വ​ര്‍ഷം സി.​പി.​ഐ​ക്ക് ചെ​യ​ര്‍മാ​ന്‍ സ്ഥാ​നം ല​ഭി​ക്കു​ക​യാ​ണെ​ങ്കി​ല്‍ പ​ടി​പ്പു​ര ല​ത്തീ​ഫി​നെ​ ആ​ണ് പ​രി​ഗ​ണി​ക്കാ​ന്‍ സാ​ധ്യ​ത.