കടുത്ത വേനൽ: കരുനാഗപ്പള്ളിയിൽ 16 പശുക്കൾ ചത്തു

ക​രു​നാ​ഗ​പ്പ​ള്ളി: ക​ടു​ത്ത വേ​ന​ലി​ൽ ക​രു​നാ​ഗ​പ്പ​ള്ളി മേ​ഖ​ല​യി​ൽ 16 ക​റ​വ​പ്പ​ശു​ക്ക​ൾ ച​ത്തു. ക​രു​നാ​ഗ​പ്പ​ള്ളി ക്ഷീ​ര വി​ക​സ​ന ഓ​ഫീ​സ്​ പ​രി​ധി​യി​ൽ​പ്പെ​ട്ട ക്ഷീ​ര സം​ഘ​ങ്ങ​ളി​ലെ ക​ർ​ഷ​ക​രു​ടെ ക​റ​വ പ​ശു​ക്ക​ളാ​ണ് ച​ത്ത​തി​ൽ ഏ​റെ​യും.

പു​ലി​യൂ​ർ​വ​ഞ്ചി ക്ഷീ​ര സം​ഘം - 3, കോ​ഴി​ക്കോ​ട് ക്ഷീ​ര​സം​ഘം - 3, മു​ഴ​ങ്ങോ​ടി ക്ഷീ​ര​സം​ഘം-2, അ​യ​ണി​വേ​ലി​കു​ള​ങ്ങ​ര - 1, മ​രു​തൂ​ർ​കു​ള​ങ്ങ​ര - 2, പ​ട​നാ​യ​ർ​കു​ള​ങ്ങ​ര - 5 എ​ന്നീ ക്ര​മ​ത്തി​ലാ​ണ് പ​ശു​ക്ക​ൾ ച​ത്ത​ത്. എ​ന്നാ​ൽ, ക്ഷീ​ര​സം​ഘ​ത്തി​ൽ പാ​ൽ ന​ൽ​കാ​ത്ത ക​ർ​ഷ​ക​രു​ടെ​യും പ​ശു​ക്ക​ൾ ച​ത്തി​ട്ടു​ണ്ട്. അ​ത്ത​ര​ത്തി​ൽ ച​ത്ത പ​ശു​ക്ക​ളു​ടെ എ​ണ്ണം ല​ഭ്യ​മാ​യി​ട്ടി​ല്ല. പ​ശു​ക്ക​ൾ ച​ത്ത​തി​നൊ​പ്പം മേ​യാ​ൻ വി​ട്ട പ​ശു​ക്ക​ൾ​ക്കും എ​രു​മ​ക​ൾ​ക്കും സൂ​ര്യാ​ഘാ​തം ഏ​റ്റി​ട്ടു​ണ്ട്.

മൂ​ന്ന് ആ​ഴ്ച​ക്കു​ള്ളി​ലാ​ണ് പ​ശു​ക്ക​ളി​ൽ ഏ​റെ​യും ച​ത്ത​ത്. ജി​ല്ല​യി​ലെ എ​ല്ലാ ക്ഷീ​ര വി​ക​സ​ന ബ്ലോ​ക്കു​ക​ളി​ലും ഇ​തു​പോ​ലെ നി​ര​വ​ധി പ​ശു​ക്ക​ൾ ച​ത്തി​ട്ടു​ണ്ട്. എ​ന്നാ​ൽ മൃ​ഗ​സം​ര​ക്ഷ​ണ വ​കു​പ്പി​ന്‍റെ ക​ണ​ക്ക് പ്ര​കാ​രം ജി​ല്ല​യി​ൽ ഒ​രു പ​ശു മാ​ത്ര​മാ​ണ് ച​ത്ത​ത്. ക​ഴി​ഞ്ഞ ദി​വ​സം വ​കു​പ്പ് മ​ന്ത്രി​യു​ടെ നേ​തൃ​ത്വ​ത്തി​ൽ മൃ​ഗ​സം​ര​ഷ​ണ- ക്ഷീ​ര വി​ക​സ​ന വ​കു​പ്പു​ക​ളു​ടെ സം​യു​ക്ത യോ​ഗം ചേ​രു​ക​യും ഇ​ത്ത​ര​ത്തി​ൽ ച​ത്ത പ​ശു​ക്ക​ളു​ടെ വി​വ​ര ശേ​ഖ​ര​ണം ന​ട​ത്താ​ൻ നി​ർ​ദേ​ശം കൊ​ടു​ക്കു​ക​യും ചെ​യ്തി​ട്ടു​ണ്ട്.

നാ​ക്ക്​ പു​റ​ത്തേ​ക്കി​ട്ട് അ​മി​ത​മാ​യ കി​ത​പ്പ് കാ​ണി​ക്കു​ക​യും തു​ട​ർ​ന്ന് ദി​വ​സ​ങ്ങ​ളോ​ളം ഭ​ക്ഷ​ണ​വും വെ​ള്ള​വും ക​ഴി​ക്കാ​തി​രി​ക്കു​ക​യും പി​ന്നീ​ട് കു​ഴ​ഞ്ഞു​വീ​ണ് ചാ​കു​ക​യു​മാ​ണ് ചെ​യ്യു​ന്ന​ത്. ചി​ല പ​ശു​ക്ക​ൾ ഹൃ​ദ​യാ​ഘാ​തം മൂ​ല​വും ചാ​കു​ന്നു​ണ്ട്. ക​റു​ത്ത നി​റ​ങ്ങ​ളി​ലു​ള്ള പ​ശു​ക്ക​ളാ​ണ് പ്ര​ധാ​ന​മാ​യും ചാ​കു​ന്ന​ത്.

ക​ടു​ത്ത വേ​ന​ലി​ൽ പാ​ലു​ൽ​പ്പാ​ദ​നം ഗ​ണ്യ​മാ​യി കു​റ​ഞ്ഞ് ക്ഷീ​ര​ക​ർ​ഷ​ക​ർ വ​ലി​യ പ്ര​തി​സ​ന്ധി​യി​ലാ​യി​രി​ക്കു​മ്പോ​ഴാ​ണ് കൂ​ടു​ത​ൽ പ്ര​തി​സ​ന്ധി സൃ​ഷ്ടി​ച്ചു​കൊ​ണ്ട് പ​ശു​ക്ക​ൾ ച​ത്തൊ​ടു​ങ്ങു​ന്ന​ത്. അ​ടി​യ​ന്ത​ര​മാ​യി സ​ർ​ക്കാ​ർ ഇ​ക്കാ​ര്യ​ത്തി​ൽ ഇ​ട​പെ​ട്ട് ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ക്ഷീ​ര ക​ർ​ഷ​ക​രു​ടെ ആ​വ​ശ്യം.