ചങ്ങാതിയെ തേടി ഗവർണറെത്തി; എം.​സി. വി​ജ​യ​കു​മാ​റിനെ കാണാനാണ്​ എത്തിയത്​

ക​രു​നാ​ഗ​പ്പ​ള്ളി: പ​ഴ​യ​കാ​ല സൗ​ഹൃ​ദ വ​ഴി തേ​ടി പ​ശ്ചി​മ ബം​ഗാ​ൾ ഗ​വ​ർ​ണ​ർ സി.​വി. ആ​ന​ന്ദ​ബോ​സ് ഗ്രാ​മ​ത്തി​ലെ​ത്തി​യ​ത് ത​ഴ​വ​ക്കാ​രെ അ​ത്ഭു​ത​പ്പെ​ടു​ത്തി. ബു​ധ​നാ​ഴ്ച രാ​വി​ലെ​യാ​ണ് പ​തി​വി​നു വി​രു​ദ്ധ​മാ​യി നാ​ല് ജീ​പ്പ് പൊ​ലീ​സും, വി.​ഐ.​പി വാ​ഹ​ന​വു​മൊ​ക്കെ ത​ഴ​വ അ​മ്പ​ല​മു​ക്കി​ലെ​ത്തി​യ​ത്. കാ​ര്യ​വും, കാ​ര​ണ​വു​മ​റി​യാ​തെ നാ​ട്ടു​കാ​ർ നാ​ലു​പാ​ടും അ​ന്വേ​ഷ​ണ​മാ​രം​ഭി​ച്ചു.

ഒ​ടു​വി​ലാ​ണ​റി​ഞ്ഞ​ത് പ​ശ്ചി​മ​ബം​ഗാ​ൾ ഗ​വ​ർ​ണ​ർ സി.​വി. ആ​ന​ന്ദ​ബോ​സ് ഉ​റ്റ ച​ങ്ങാ​തി അ​മ്പ​ല​മു​ക്ക് വി​മ​ലാ​ല​യ​ത്തി​ൽ എം.​സി. വി​ജ​യ​കു​മാ​റി​നെ തേ​ടി​യെ​ത്തി​യ​താ​ണെ​ന്ന്. 2001 ൽ ​ലേ​ബ​ർ ഓ​ഫി​സ​റാ​യി​രി​ക്കെ​യാ​ണ് അ​ന്ന് ലേ​ബ​ർ സെ​ക്ര​ട്ട​റി​യാ​യി​രു​ന്ന ആ​ന​ന്ദ​ബോ​സു​മാ​യി അ​ടു​പ്പ​മാ​രം​ഭി​ച്ച​ത്.

പി​ന്നീ​ട് ഇ​രു​വ​രു​ടേ​യും സ​ർ​വീ​സ് ജീ​വി​ത​ത്തി​ൽ വി​വി​ധ മാ​റ്റ​ങ്ങ​ൾ വ​ന്നെ​ങ്കി​ലും സൗ​ഹൃ​ദ​ത്തി​ന് മാ​ത്രം യാ​തൊ​രു മാ​റ്റ​വു​മു​ണ്ടാ​യി​ല്ല. രാ​വി​ലെ 11ഓ​ടെ സു​ഹൃ​ത്തി​ന്‍റെ വീ​ട്ടി​ൽ എ​ത്തി​യ ഗ​വ​ർ​ണ​ർ ഉ​ച്ച​ഭ​ക്ഷ​ണ​വും വി​ശ്ര​മ​വു​മൊ​ക്കെ ക​ഴി​ഞ്ഞ് വൈ​കി​ട്ട് നാ​ലോ​ടെ​യാ​ണ് മ​ട​ങ്ങി​യ​ത്.