മത്സ്യത്തൊഴിലാളികൾക്ക്​ വാക്സിൻ ലഭിക്കുന്നി​െല്ലന്ന്​ പരാതി

കരുനാഗപ്പള്ളി: ആലപ്പാട് പഞ്ചായത്തിൽ 45 മുതൽ 60 വയസ്സ് കഴിഞ്ഞ മത്സ്യത്തൊഴിലാളികൾക്ക്​ കോവിഡ്-19 വാക്സിൻ ലഭിക്കുന്നി​െല്ലന്ന്​ പരാതി. പഞ്ചായത്തിന് കീഴിൽ ഉള്ള രണ്ട് പ്രാഥമികാരോഗ്യകേന്ദ്രങ്ങൾ വഴി ദിവസവും 400 ൽ പരം വാക്സിനേഷൻ നടക്കുന്നു.

എന്നാൽ, ആലപ്പാട്ടെ ഒരു മത്സ്യത്തൊഴിലാളികൾക്കും വാക്സിൻ ലഭിക്കുന്നില്ലന്നാണ് പരാതി. രാവിലെ രജിസ്ട്രേഷനായി സൈറ്റ്​ തുറക്കുമ്പോൾ മത്സ്യത്തൊഴിലാളികൾ കടലിലാണ്. അതുകൊണ്ടുതന്നെ ഓൺലൈൻ രജിസ്ട്രേഷന് കഴിയുന്നില്ല. കുറച്ച് ദിവസങ്ങൾക്ക് മുമ്പ് പഞ്ചായത്ത് പ്രസിഡൻറ്​ ഉല്ലാസി​െൻറ നേതൃത്വത്തിൽ സ്‌പോട്ട് റജിസ്ട്രേഷൻ നടത്തിയതുകൊണ്ട് കുറച്ച് മത്സ്യത്തൊഴിലാളികൾക്ക് വാക്സിൻ ലഭിച്ചിരുന്നു.

ചിലർ ജില്ല കലക്ടർക്കും ഡി.എം.ഒക്കും പരാതി നൽകിയതിനെ തുടർന്ന് നിർത്തിവെച്ചു. ഇപ്പോൾ ഇതര പഞ്ചായത്തിലുള്ളവർ ഓൺലൈൻ രജിസ്ട്രേഷൻ നടത്തി കുത്തിവെപ്പ്​ എടുത്ത് മടങ്ങുകയാണ്. തൊഴിലാളികൾ മത്സ്യബന്ധത്തിന് പോകുമ്പോൾ 56 ദിവസം കഴിഞ്ഞവർക്ക് പോലും വാക്സിൻ ലഭിക്കാത്ത തരത്തിലേക്ക് പോകുയാണ്.

കഴിഞ്ഞദിവസം പഞ്ചായത്ത് പ്രസിഡൻറും വൈസ് പ്രസിഡൻറും ആരോഗ്യ സ്​റ്റാൻഡിങ് കമ്മിറ്റി ചെയർപേഴ്സനും കലക്ടറെ കണ്ട് ആലപ്പാടി​െൻറ സാഹചര്യം മനസ്സിലാക്കി സ്പ്പോട്ട് രജിസ്ട്രേഷൻ നടപ്പാക്കണമെന്ന് ആവശ്യപ്പെട്ടു.

മത്സ്യത്തൊഴിലാളികൾക്ക് സീസൺ ആരംഭിക്കുന്നതിന് മുമ്പ് എല്ലാവർക്കും വാക്സിൻ എടുക്കണമെന്നാണ് പഞ്ചായത്ത് ആഗ്രഹിക്കുന്നതെന്നും അധികൃതരുടെ ഭാഗത്ത് നിന്ന്​ അടിയന്തര ഇടപെടൽ വേണമെന്നും പഞ്ചായത്ത് പ്രസിഡൻറ്​ യു. ഉല്ലാസ് പറഞ്ഞു.