കാത്തുനിന്നത്​ മണിക്കൂറുകൾ; നിറഞ്ഞുകവിഞ്ഞ്​ ജനസഞ്ചയം

ക​ട​യ്ക്ക​ൽ: മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​ക്ക് ആ​ദ​രാ​ഞ്ജ​ലി അ​ർ​പ്പി​ക്കാ​ൻ ജി​ല്ല അ​തി​ർ​ത്തി​യി​ൽ കാ​ത്തി​രു​ന്ന​ത് ജ​ന​സ​ഞ്ച​യം. ബു​ധ​നാ​ഴ്ച രാ​വി​ലെ ഒ​മ്പ​തി​ന്​ ജി​ല്ല അ​തി​ർ​ത്തി​യാ​യ നി​ല​മേ​ൽ വാ​ഴോ​ട് എ​ത്തി​ച്ചേ​രു​മെ​ന്ന് അ​റി​യി​ച്ചി​രു​ന്ന വി​ലാ​പ​യാ​ത്ര ആ​റ് മ​ണി​ക്കൂ​റി​ലേ​റെ വൈ​കി വൈ​കീ​ട്ട് മൂ​ന്ന​ര​ക്കാ​ണ് ജി​ല്ല​യി​ൽ പ്ര​വേ​ശി​ച്ച​ത്.

പ്രി​യ​പ്പെ​ട്ട നേ​താ​വി​നെ ഒ​രു നോ​ക്കു​കാ​ണാ​ൻ പാ​ത​യോ​ര​ങ്ങ​ളി​ൽ അ​മ്മ​മാ​രും കു​ട്ടി​ക​ളും തൊ​ഴി​ലാ​ളി​ക​ളു​ട​ക്കം ജ​ന​സ​ഞ്ച​യ​മാ​ണ് കാ​ത്തു​നി​ന്ന​ത്. ഓ​ച്ചി​റ, ക​രു​നാ​ഗ​പ്പ​ള്ളി മു​ത​ലു​ള്ള ജി​ല്ല​യി​ലെ കോ​ൺ​ഗ്ര​സ് പ്ര​വ​ർ​ത്ത​ക​രെ​ല്ലാം രാ​വി​ലെ മു​ത​ൽ നി​ല​മേ​ലി​ൽ എ​ത്തി​യി​രു​ന്നു. ഇ​ട​ക്കി​ടെ പെ​യ്ത മ​ഴ​യെ അ​വ​ഗ​ണി​ച്ചും ഒ​രേ നി​ൽ​പ്പ് തു​ട​ർ​ന്നാ​ണ് ജ​ന​ങ്ങ​ൾ ത​ങ്ങ​ളു​ടെ സ്വ​ന്തം കു​ഞ്ഞൂ​ഞ്ഞി​ന് അ​ന്ത്യാ​ഭി​വാ​ദ്യം അ​ർ​പ്പി​ച്ച​ത്. ക​ർ​ഷ​ക​രും ക​ശു​വ​ണ്ടി തൊ​ഴി​ലാ​ളി​ക​ളും മ​ത്സ്യ​ത്തൊ​ഴി​ലാ​ളി​ക​ളു​മ​ട​ക്കം പ​തി​നാ​യി​ര​ത്തോ​ളം പേ​രാ​ണ് നി​ല​മേ​ലി​ൽ എ​ത്തി​ച്ചേ​ർ​ന്ന​ത്.

ഒ​രു പ​ക​ൽ നീ​ണ്ട കാ​ത്തി​രി​പ്പി​നൊ​ടു​വി​ൽ വി​ലാ​പ​യാ​ത്ര നി​ല​മേ​ലി​ൽ എ​ത്തു​മ്പോ​ൾ ‘ഞ​ങ്ങ​ടെ നെ​ഞ്ചി​ലെ റോ​സാ​പ്പൂ​വേ, ആ​രു പ​റ​ഞ്ഞ് മ​രി​ച്ചെ​ന്ന്, ഉ​മ്മ​ൻ ചാ​ണ്ടി മ​രി​ക്കു​ന്നി​ല്ല’ തു​ട​ങ്ങി​യ മു​ദ്രാ​വാ​ക്യ​ങ്ങ​ളു​മാ​യി ആ​യി​ര​ങ്ങ​ൾ അ​ന്ത്യാ​ഞ്ജ​ലി അ​ർ​പ്പി​ക്കു​ക​യാ​യി​രു​ന്നു. ഏ​റെ പ്രാ​യ​മാ​യ​വ​ർ പോ​ലും പ്രി​യ​നേ​താ​വി​ന് ഒ​ടു​വി​ൽ സ​മ്മാ​നി​ക്കാ​ൻ കൈ​ക്കു​ട​ന്ന നി​റ​യെ പൂ​ക്ക​ളു​മാ​യാ​ണ് എ​ത്തി​യ​ത്. ജി​ല്ല​യി​ലെ കോ​ൺ​ഗ്ര​സ്, യു.​ഡി.​എ​ഫ് നേ​തൃ​ത്വ​ങ്ങ​ളെ​ല്ലാം നി​ല​മേ​ലി​ലാ​ണ് അ​ന്ത്യാ​ഞ്ജ​ലി അ​ർ​പ്പി​ക്കാ​നെ​ത്തി​യ​ത്.വി​ലാ​പ​യാ​ത്ര ക​ട​ന്നു​പോ​കു​ന്ന വ​ഴി​ക​ളി​ലെ​ല്ലാം ആ​യി​ര​ങ്ങ​ളു​ടെ ആ​ദ​രാ​ഞ്ജ​ലി ഏ​റ്റു​വാ​ങ്ങി​യാ​ണ് ഉ​മ്മ​ൻ ചാ​ണ്ടി പു​തു​പ്പ​ള്ളി​യി​ലേ​ക്ക് യാ​ത്ര​യാ​യ​ത്.