ഓണാഘോഷം കഴിഞ്ഞിട്ടും ഗ്രാമങ്ങൾ നാടൻ പന്തുകളിയുടെ ആവേശത്തിൽ

ക​ട​യ്ക്ക​ൽ: നാ​ട​ൻ പ​ന്തു​ക​ളു​ടെ പെ​രു​മ​യു​മാ​യാ​ണ് കി​ഴ​ക്ക​ൻ ഗ്രാ​മീ​ണ​ദേ​ശ​ങ്ങ​ൾ ഓ​ണ​ത്തെ വ​ര​വേ​റ്റ​ത്. തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളു​ടെ അ​തി​ർ​ത്തി​യി​ലു​ള്ള ഗ്രാ​മ​ങ്ങ​ളാ​ണ് നാ​ട​ൻ​പ​ന്തു​ക​ളു​ടെ പെ​രു​മ പേ​റു​ന്ന​ത്. കൊ​ട്ടാ​ര​ക്ക​ര, നെ​ടു​മ​ങ്ങാ​ട്, ചി​റ​യി​ൻ​കീ​ഴ് താ​ലൂ​ക്കു​ക​ളു​ടെ അ​ടു​ത്ത​ടു​ത്ത ഭാ​ഗ​ങ്ങ​ളി​ൽ പ​തി​വു​തെ​റ്റാ​തെ എ​ല്ലാ ഓ​ണ​ക്കാ​ല​ത്തും ന​ട​ന്നു​വ​രു​ന്ന നാ​ട​ൻ പ​ന്തു​ക​ളി​ക്കു​വേ​ണ്ടി കു​മ്മി​ൾ പ​ഞ്ചാ​യ​ത്തി​ലെ ത​ച്ചോ​ണം ദേ​ശ​ത്താ​ണ്​ പ​ന്തു​ക​ൾ രൂ​പ​പ്പെ​ടു​ത്തു​ന്ന​ത്. ഉ​ത്രാ​ടം മു​ത​ൽ ഇ​രു​പ​ത്തെ​ട്ടാം ഓ​ണം വ​രെ വീ​റും വാ​ശി​യോ​ടു​മാ​ണ് ഈ ​മേ​ഖ​ല​ക​ളി​ൽ നാ​ട​ൻ പ​ന്തു​ക​ളി മ​ത്സ​രം ന​ട​ത്തു​ന്ന​ത്. റ​ബ​ർ പാ​ൽ കൊ​ണ്ട് പ്ര​ത്യേ​ക രീ​തി​യി​ൽ നി​ർ​മി​ച്ച പ​ന്തു​കൊ​ണ്ടാ​ണ് ക​ളി. ഒ​രു ടീ​മി​ൽ അ​ഞ്ചു​പേ​ർ വീ​ത​മാ​ണ് പ​ങ്കെ​ടു​ക്കു​ന്ന​ത്. ക​ട​യ്ക്ക​ൽ, ക​ല്ല​റ മേ​ഖ​ല​ക​ളി​ലെ ക്ല​ബു​ക​ളു​ടെ ഓ​ണാ​ഘോ​ഷ പ​രി​പാ​ടി​ക​ളി​ൽ പ്ര​ധാ​ന ഇ​നം നാ​ട​ൻ പ​ന്തു​ക​ളി​യാ​ണ്.

മ​റ്റു പ​ല നാ​ട​ൻ​ക​ളി​ക​ളേ​യും പോ​ലെ ത​ല​മു​റ​ക​ൾ കൈ​മാ​റി വ​ന്ന ക​ളി​യാ​ണ് നാ​ട​ൻ പ​ന്തു​ക​ളി. ത​ച്ചോ​ണ​ത്തെ വ​ട്ട​കൈ​ത കു​ടും​ബ​മാ​ണ് കാ​ല​ങ്ങ​ളാ​യി ക​ളി​ക്കു​വേ​ണ്ടു​ന്ന പ​ന്തു​ക​ൾ ത​യാ​റാ​ക്കി​യി​രു​ന്ന​ത്. ഓ​ണ​ക്കാ​ല​ത്ത് വി​വി​ധ ഇ​ട​ങ്ങ​ളി​ൽ​നി​ന്ന് നി​ര​വ​ധി പേ​രാ​ണ് പ​ന്തു തേ​ടി ഇ​വി​ടെ എ​ത്തി​യി​രു​ന്ന​ത്.

നി​ല​വി​ൽ ത​ച്ചോ​ണം അ​ഞ്ചു​മ​ല​കു​ന്നി​ലെ വി​മ​ൽ റോ​യി​യും ശേ​ഖ​ര​നും മാ​ത്ര​മാ​ണ് പ​ന്ത്​ നി​ർ​മാ​ണം തു​ട​രു​ന്ന​ത്. ഇ​രു​വ​രും മു​ൻ ത​ല​മു​റ​യി​ൽ നി​ന്നാ​ണ് പ​ന്ത്​ നി​ർ​മാ​ണം പ​ഠി​ച്ച​ത്. ഒ​രു പ​ന്ത്​ രൂ​പ​പ്പെ​ടു​ത്തു​ന്ന​തി​ന് ക​ഠി​നാ​ധ്വാ​നം വേ​ണ​മെ​ന്നാ​ണ് വി​മ​ൽ റോ​യി പ​റ​യു​ന്ന​ത്. റ​ബ​ർ ഷീ​റ്റ് രൂ​പ​പ്പെ​ടു​ത്തു​ന്ന മാ​തൃ​ക​യി​ൽ റ​ബ​ർ പാ​ലും ആ​സി​ഡും വെ​ള്ള​വും പ്ര​ത്യേ​ക അ​നു​പാ​ത​ത്തി​ൽ ചേ​ർ​ത്ത് വാ ​വ​ട്ട​മു​ള്ള പാ​ത്ര​ത്തി​ൽ ഇ​റ​ക്കു​ന്ന​താ​ണ് ആ​ദ്യ ഘ​ട്ടം.ഷീ​റ്റ് പ​രു​വ​ത്തി​ലാ​കു​മ്പോ​ൾ വ​ശ​ങ്ങ​ൾ ഒ​ട്ടി​ച്ചു​ചേ​ർ​ത്ത് വാ​യു ക​ട​ത്തി ബ​ലൂ​ൺ രൂ​പ​ത്തി​ലാ​ക്കും. ഇ​തു ന​ന്നാ​യി ഉ​ണ​ക്കി​യ​ശേ​ഷം തു​ണി ചു​റ്റി ആ​സി​ഡും വെ​ള്ള​വും ചേ​ർ​ക്കാ​ത്ത റ​ബ​ർ പാ​ലി​ൽ മു​ക്കി​യെ​ടു​ക്കും. വീ​ണ്ടും വെ​യി​ൽ കാ​ണി​ച്ച് ഉ​ണ​ക്കി​യെ​ടു​ക്കും. തു​ട​ർ​ന്ന് ഒ​ട്ടു​ക​റ വ​ള്ളി​ക​ൾ ചു​റ്റി വ​ലി​പ്പം കൂ​ട്ടും. റ​ബ​ർ പാ​ലി​ൽ വീ​ണ്ടും മു​ക്കി വെ​യി​ല​ത്ത് ഉ​ണ​ക്കി​യെ​ടു​ക്കു​മ്പോ​ളാ​ണ് പ​ന്തു​ക​ൾ പാ​ക​മാ​കു​ന്ന​ത്. ഒ​രു പ​ന്ത് നി​ർ​മി​ക്കാ​ൻ മൂ​ന്നു​ദി​വ​സ​മെ​ടു​ക്കും. വെ​യി​ൽ കു​റ​വാ​ണെ​ങ്കി​ൽ കൂ​ടു​ത​ൽ ദി​വ​സം വേ​ണ്ടി​വ​രു​മെ​ന്ന് വി​മ​ൽ റോ​യി പ​റ​യു​ന്നു. ഒ​രു പ​ന്തി​ന് 150 രൂ​പ​യാ​ണ് ഈ​ടാ​ക്കു​ന്ന​ത്.

പ​ന്തു​ക​ൾ​ക്കു വേ​ണ്ടി മേ​ഖ​ല​യി​ലെ ക്ല​ബു​ക​ളെ​ല്ലാം ബു​ക്കി​ങ്​ ന​ട​ത്തും. മ​ത്സ​ര​ങ്ങ​ളി​ലെ ജേ​താ​ക്ക​ൾ​ക്ക് മു​ണ്ട്, ലു​ങ്കി, പ​ഴ​ക്കു​ല വ​രെ​യാ​യി​രു​ന്നു മു​ൻ​കാ​ല​ങ്ങ​ളി​ലെ സ​മ്മാ​ന​ങ്ങ​ൾ. നി​ല​വി​ൽ മൂ​വാ​യി​രം മു​ത​ൽ പ​തി​നാ​യി​രം വ​രെ തു​ക​യാ​ണ് സ​മ്മാ​നം ന​ൽ​കു​ന്ന​ത്. പ​ന്തു ക​ളി​ച്ച് ഓ​ണ​ത്തി​ന്റെ ആ​ര​വ​ത്തി​ൽ പ​ങ്കാ​ളി​യാ​കു​ന്ന​തി​ന് ഗ​ൾ​ഫി​ലെ ജോ​ലി​ത്തി​ര​ക്കി​നി​ട​യി​ലും അ​വ​ധി ക​ണ്ടെ​ത്തി വ​രു​ന്ന​വ​രു​ണ്ട്. കു​മ്മി​ൾ സ​മ​ന്വ​യ​ക്കു പു​റ​മെ ഫ്ര​ണ്ട്‌​സ് സം​ഭ്ര​മം, അ​ക്ഷ​ര ത​ച്ചോ​ണം, ക​ളി​ക്ക​ളം പേ​ഴും​മൂ​ട്, കൈ​ര​ളി വ​ട്ട​ത്താ​മ​ര, സ​മ​ദ മ​ന്ദി​രം​കു​ന്ന്, ബ്ര​ദേ​ഴ്‌​സ് മ​റ​വ​ക്കു​റി, മു​ല്ല​ക്ക​ര, ത​ട്ട​ത്തു​മ​ല തു​ട​ങ്ങി​യ ക്ല​ബു​ക​ളാ​ണ് ഓ​ണ​ത്തി​ന് പ​തി​വാ​യി പ​ന്തു​ക​ളി ന​ട​ത്തു​ന്ന​ത്. ഉ​ത്രാ​ട​ത്തി​ന് തു​ട​ങ്ങി​യ മ​ത്സ​ര​ങ്ങ​ൾ ഇ​തു​വ​രെ അ​വ​സാ​നി​ച്ചി​ട്ടി​ല്ല.