കെ ടെറ്റ് യോഗ്യത: അധ്യാപകരുടെ നിയമനാംഗീകാരം നിരസിക്കുന്നു

കൊ​ല്ലം: കെ ​ടെ​റ്റ് യോ​ഗ്യ​ത​യു​ടെ പേ​രി​ൽ അ​ധ്യാ​പ​ക നി​യ​മ​ന​ങ്ങ​ള്‍ക്ക് ത​ട​യി​ടു​ന്ന​താ​യി പ​രാ​തി. കോ​വി​ഡ് പ്ര​തി​സ​ന്ധി മ​റി​ക​ട​ക്കാ​ന്‍ അ​ടി​യ​ന്ത​ര സാ​ഹ​ച​ര്യ​ത്തി​ല്‍ അ​ധ്യാ​പ​ക ത​സ്തി​ക​ക​ള്‍ക്ക് നി​യ​മ​നാം​ഗീ​കാ​രം ന​ല്‍ക​ണ​മെ​ന്ന ഗ​വ​ണ്‍മെ​ന്‍റ് വി​ജ്ഞാ​പ​നം നി​ല​വി​ലു​ള്ള​പ്പോ​ഴാ​ണി​ത്. നൂ​റു​ക​ണ​ക്കി​ന് അ​ധ്യാ​പ​ക​രു​ടെ നി​യ​മ​നാം​ഗീ​കാ​ര​മാ​ണ് വി​ദ്യാ​ഭ്യാ​സ​വ​കു​പ്പി​ലെ ചി​ല ഉ​ദ്യോ​ഗ​സ്ഥ​രു​ടെ പി​ടി​വാ​ശി കാ​ര​ണം ചു​വ​പ്പു​നാ​ട​യി​ല്‍ കു​രു​ങ്ങി​ക്കി​ട​ക്കു​ന്ന​ത്.

മു​ന്‍ വ​ര്‍ഷ​ങ്ങ​ളി​ല്‍ 2020 മാ​ര്‍ച്ച് 31 വ​രെ, അ​ധ്യാ​പ​ക ത​സ്തി​ക​ക​ള്‍ക്ക് കെ ​ടെ​റ്റ് ഇ​ള​വ് ന​ല്‍കി, നി​യ​മ​നാം​ഗീ​കാ​രം ല​ഭി​ച്ച​തി​നു​ശേ​ഷം സാ​വ​ധാ​നം കെ ​ടെ​റ്റ് യോ​ഗ്യ​ത നേ​ടി​യാ​ല്‍ മ​തി​യാ​യി​രു​ന്നു. ഇ​ത്ത​വ​ണ കോ​വി​ഡ് പ്ര​തി​സ​ന്ധി​മൂ​ലം പ​രീ​ക്ഷ ന​ട​ത്താ​നോ ഫ​ലം പ്ര​സി​ദ്ധീ​ക​രി​ക്കാ​നോ ക​ഴി​ഞ്ഞി​ട്ടി​ല്ലെ​ന്നി​രി​ക്കെ​യാ​ണ് ഈ ​വ​ര്‍ഷം മു​ത​ല്‍ കെ ​ടെ​റ്റ് അ​ധ്യാ​പ​ക നി​യ​മ​ന​ത്തി​ന് നി​ര്‍ബ​ന്ധ​മാ​ക്കി​യ​ത്. 2020 -21 അ​ധ്യ​യ​ന​വ​ര്‍ഷം സ്‌​കൂ​ളു​ക​ള്‍ പ്ര​വ​ര്‍ത്തി​ച്ചി​ട്ടി​ല്ലെ​ന്ന കാ​ര​ണം പ​റ​ഞ്ഞ്​ സ്റ്റാ​ഫ് ഫി​ക്‌​സേ​ഷ​ന്‍ ന​ട​ത്താ​ത്ത​ത് അ​ധ്യാ​പ​ക നി​യ​മ​നം ത​ട​യാ​ന്‍ മ​റ്റൊ​രു കാ​ര​ണ​മാ​യി. എ​ല്ലാ എ​യ്ഡ​ഡ് സ്‌​കൂ​ളു​ക​ളി​ലും ശ​മ്പ​ള​മോ മ​റ്റു യാ​തൊ​രു ആ​നു​കൂ​ല്യ​ങ്ങ​ളോ പോ​ലു​മി​ല്ലാ​തെ താ​ല്‍ക്കാ​ലി​കാ​ടി​സ്ഥാ​ന​ത്തി​ല്‍ നൂ​റു​ക​ണ​ക്കി​ന് അ​ധ്യാ​പ​ക​രാ​ണ് ജോ​ലി ചെ​യ്യു​ന്ന​ത്.

2021 ജൂ​ലൈ 15 അ​ടി​സ്ഥാ​ന​മാ​ക്കി അ​ടി​യ​ന്ത​ര സാ​ഹ​ച​ര്യ​ത്തി​ല്‍ ഒ​രു മാ​സ​ത്തി​ന​കം അ​ധ്യാ​പ​ക​ര്‍ക്ക് നി​യ​മ​നാം​ഗീ​കാ​രം ന​ല്‍ക​ണ​മെ​ന്ന് ഗ​വ​ണ്‍മെ​ന്‍റ് ഉ​ത്ത​ര​വി​ട്ടി​രു​ന്നു. എ​ന്നാ​ല്‍, കെ ​ടെ​റ്റ് യോ​ഗ്യ​ത​യു​ടെ പേ​രി​ല്‍ നി​യ​മ​ന അം​ഗീ​കാ​ര​ങ്ങ​ള്‍ ത​ട​ഞ്ഞു​വെ​ച്ചി​രി​ക്കു​ക​യാ​ണ്. 2021 മേ​യ് മാ​സ​ത്തി​ലാ​യി​രു​ന്നു കെ ​ടെ​റ്റ് പ​രീ​ക്ഷ​യു​ടെ നോ​ട്ടി​ഫി​ക്കേ​ഷ​ന്‍ പ​രീ​ക്ഷ​ഭ​വ​ന്‍ പു​റ​ത്തി​റ​ക്കി​യ​ത്. കോ​വി​ഡ് തീ​വ്ര​മാ​യ സാ​ഹ​ച​ര്യ​ത്തി​ല്‍ പ​രീ​ക്ഷ നീ​ണ്ടു​പോ​യി. പ​ല​ഭാ​ഗ​ങ്ങ​ളി​ല്‍നി​ന്നും സ​മ്മ​ർ​ദ​മു​ണ്ടാ​യ​പ്പോ​ള്‍ ആ​ഗ​സ്റ്റ് 31ന് ​പ​രീ​ക്ഷ ന​ട​ത്തു​ക​യും ഒ​ക്ടോ​ബ​ര്‍ 20ന് ​ഫ​ലം പ്ര​സി​ദ്ധീ​ക​രി​ക്കു​ക​യും ചെ​യ്യു​ക​യും ചെ​യ്തു. ഇ​ത്ത​ര​ത്തി​ൽ ഒ​ക്ടോ​ബ​ര്‍ 20 ന്​ ​കെ ടെ​റ്റ് യോ​ഗ്യ​ത നേ​ടി​യ നൂ​റു​ക​ണ​ക്കി​ന് അ​ധ്യാ​പ​ക​ര്‍ക്കാ​ണ് നി​യ​മ​ന അം​ഗീ​കാ​രം ല​ഭി​ക്കാ​തി​രി​ക്കു​ന്ന​ത്. 2021 ജൂ​ലൈ 15ന് ​മു​മ്പ് യോ​ഗ്യ​ത നേ​ടാ​ന്‍ ക​ഴി​ഞ്ഞി​ല്ലെ​ന്ന ന്യാ​യ​മാ​ണ് വി​ദ്യാ​ഭ്യാ​സ​വ​കു​പ്പി​ലെ ഉ​ദ്യോ​ഗ​സ്ഥ​ര്‍ ഉ​യ​ര്‍ത്തു​ന്ന​ത്.