ജാപനീസ് മീയാസാക്കി മൈനാഗപ്പള്ളിയിലും വിളയും

ശാ​സ്താം​കോ​ട്ട: ഒ​രു കി​ലോ​ക്ക്​ ര​ണ്ട​ര ല​ക്ഷം രൂ​പ​യി​ല​ധി​കം വി​ല ല​ഭി​ക്കു​മെ​ന്ന​വ​കാ​ശ​പ്പെ​ടു​ന്ന ജാ​പ്പ​നീ​സ് മീ​യാ​സാ​ക്കി മാ​മ്പ​ഴം മൈ​നാ​ഗ​പ്പ​ള്ളി​യും വി​ള​ഞ്ഞ് പാ​ക​മാ​കു​ന്നു. പൊ​തു​പ്ര​വ​ർ​ത്ത​ക​നും കോ​ൺ​ഗ്ര​സ് (എ​സ്) ജി​ല്ല പ്ര​സി​ഡ​ന്റു​മാ​യ വേ​ങ്ങ​യി​ൽ ഷം​സി​ന്റെ വീ​ട്ടി​ലാ​ണ് മാ​മ്പ​ഴം പി​ടി​ച്ച​ത്. ബം​ഗ​ളൂ​രു​വി​ലെ ചി​ല മാ​മ്പ​ഴ തോ​ട്ട​ത്തി​ൽ വ​ള​ർ​ത്തു​നാ​യ്ക്ക​ളു​ടെ​യും സു​ര​ക്ഷ ജോ​ലി​ക്കാ​രു​ടെ​യും സം​ര​ക്ഷ​ണ​യി​ൽ ജാ​പ്പ​നീ​സ് മീ​യാ​സാ​ക്കി മാ​മ്പ​ഴ​ങ്ങ​ളെ സം​ര​ക്ഷി​ക്കു​ന്ന നി​റം പി​ടി​ച്ച വാ​ർ​ത്ത​ക​ൾ സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യും മ​റ്റും ന​മ്മ​ൾ വാ​യി​ച്ച​റി​ഞ്ഞി​ട്ടു​ണ്ട്. ലോ​ക​ത്തി​ലെ ത​ന്നെ ഏ​റ്റ​വും വി​ല​പി​ടി​ച്ച മാ​ങ്ങ എ​ന്നാ​ണ്​ ജ​പ്പാ​ൻ സ്വ​ദേ​ശ​മാ​യ മീ​യാ​സാ​ക്കി അ​റി​യ​പ്പെ​ടു​ന്ന​ത്. ഇ​ങ്ങ​നെ ല​ഭി​ച്ച അ​റി​വി​ൽ നി​ന്നാ​ണ് ഇ​ത്ത​ര​മൊ​രു മാ​വ് വ​ച്ച് പി​ടി​പ്പി​ക്ക​ണ​മെ​ന്ന ആ​ഗ്ര​ഹം ഇ​ദ്ദേ​ഹ​ത്തി​ന്റെ മ​ന​സി​ൽ ഉ​ദി​ച്ച​ത്. പി​ന്നീ​ട് മാ​വി​ൻ തൈ ​എ​വി​ടെ നി​ന്ന് കി​ട്ടു​മെ​ന്ന അ​ന്വേ​ഷ​ണ​മാ​യി. അ​ന്വേ​ഷ​ണ​ത്തി​നൊ​ടു​വി​ൽ മു​ന്തി​യ ഇ​നം മാ​വി​ൻ തൈ​ക​ൾ ഇ​റ​ക്കു​മ​തി ചെ​യ്ത് ന​ൽ​കു​ന്ന ഒ​രു സു​ഹൃ​ത്തി​നെ കു​റി​ച്ച് മ​ന​സി​ലാ​ക്കി. ഇ​ദ്ദേ​ഹം വ​ഴി കൊ​ൽ​ക്ക​ത്ത​യി​ൽ നി​ന്നും വ​ലി​യ വി​ല കൊ​ടു​ത്ത് മാ​വി​ൻ തൈ ​എ​ത്തി​ക്കു​ക​യാ​യി​രു​ന്നു. ക​ഴി​ഞ്ഞ വ​ർ​ഷം ഇ​തേ സ​മ​യ​ത്താ​ണ് തൈ ​ന​ട്ട​ത്. കൃ​ത്യ​മാ​യ പ​രി​ച​ര​ണ​ത്തി​ലൂ​ടെ മാ​വ് വ​ള​രു​ക​യും ഈ ​സീ​സ​ണി​ൽ പൂ​വി​ട്ട്​ കാ​യ്ക്കു​ക​യും ചെ​യ്തു.

നാ​ല്​ മാ​ങ്ങ​ക​ൾ ആ​ണ് പി​ടി​ച്ച​ത്. വ്യ​ത്യ​സ്ത വ​ള​ർ​ച്ച​യി​ലാ​ണ് ( വി​ള​വി​ലാ​ണ് ) മാ​ങ്ങ​ക​ൾ. ഇ​വി​ടെ എ​ത്ര വി​ല കി​ട്ടു​മെ​ന്ന് അ​റി​യി​ല്ല​ങ്കി​ലും ത​ത്ക്കാ​ലം മാ​ങ്ങ വി​ൽ​ക്കാ​ൻ ഇ​ദ്ദേ​ഹം ആ​ഗ്ര​ഹി​ക്കു​ന്നി​ല്ല. സ്വ​ന്ത​മാ​യി ഉ​പ​യോ​ഗി​ക്കാ​നാ​ണ് തീ​രു​മാ​നം. ഇ​തി​നോ​ടൊ​പ്പം ക​ള​പ്പാ​ടി, കൊ​ള​മ്പ് തു​ട​ങ്ങി​യ മു​ന്തി​യ ഇ​നം മാ​വു​ക​ളി​ലും നി​റ​യെ മാ​ങ്ങ പി​ടി​ച്ചി​ട്ടു​ണ്ട്. ഇ​തും ക​ഴി​ഞ്ഞ വ​ർ​ഷം ന​ട്ട​താ​ണ്. കേ​സ​രി, ബ​നാ​ന മാം​ഗോ , നാം ​ഡോ​ക്ക്, വി​യ​റ്റ്നാം ആ​ൾ സീ​സ​ൺ എ​ന്നീ മാ​വു​ക​ളും ന​ട്ടു​പി​ടി​പ്പി​ച്ചി​ട്ടു​ണ്ട്. ന​മ്മ​ളു​ടെ ത​ന​ത് ഇ​ന​ങ്ങ​ളും അ​ന്യം​നി​ന്ന് പോ​കു​ന്ന​തു​മാ​യ ക​ർ​പ്പൂ​രം, മൈ ​ലാ​പ്പ്, നീ​ലം, നാ​ട്ടു​മാ​വ് തു​ട​ങ്ങി​യ എ​ല്ലാ മാ​വു​ക​ളും ഇ​ദ്ദേ​ഹം ന​ട്ട് പ​രി​പാ​ലി​ച്ച് വ​രു​ന്നു. ഭാ​വി​യി​ൽ പ​ക്ഷി​ക​ൾ​ക്കും മ​റ്റും ആ​ഹാ​ര​മാ​ക​ട്ടെ എ​ന്ന ല​ക്ഷ്യം മാ​ത്ര​മാ​ണ് ഇ​തി​ന് പി​ന്നി​ലെ​ന്ന് വേ​ങ്ങ​യി​ൽ ഷം​സ് പ​റ​യു​ന്നു.