കടൽഭിത്തി തകർത്ത് ഐ.ആർ.ഇയുടെ കരിമണൽ ഖനനം

ക​രു​നാ​ഗ​പ്പ​ള്ളി: ച​വ​റ​യി​ലെ ഐ.​ആ​ർ.​ഇ ക​മ്പ​നി​യു​ടെ നേ​തൃ​ത്വ​ത്തി​ൽ ക​രു​ത്തു​റ പ​ള്ളി​ക്കു​സ​മീ​പം ക​ട​ൽ​ഭി​ത്തി പൊ​ളി​ച്ച് ക​രി​മ​ണ​ൽ ഖ​ന​നം ചെ​യ്ത​തി​നെ തു​ട​ർ​ന്ന് പ്ര​ദേ​ശ​ത്തെ എ​ട്ടോ​ളം വീ​ടു​ക​ൾ ത​ക​ർ​ച്ച​യു​ടെ വ​ക്കി​ൽ. ക​ട​ലാ​ക്ര​മ​ണ​ഭീ​ഷ​ണി​യെ​ത്തു​ട​ർ​ന്ന് പ്ര​ദേ​ശ​വാ​സി​ക​ൾ ഖ​ന​നം ത​ട​ഞ്ഞു.

മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ന്റെ​യും കോ​ട​തി​യു​ടെ​യും നി​ർ​ദേ​ശ​ങ്ങ​ളും വ്യ​വ​സ്ഥ​ക​ളും പാ​ടേ ലം​ഘി​ച്ച്​ ഐ.​ആ​ർ.​ഇ​യു​ടെ ക​രാ​ർ ക​മ്പ​നി മ​ണ​ൽ ഖ​ന​നം ചെ​യ്ത​തി​നെ തു​ട​ർ​ന്നാ​ണ് പ്ര​ദേ​ശ​ത്ത് ക​ട​ൽ ക​യ​റി​യ​ത്. ക​ട​ലാ​ക്ര​മ​ണം ത​ട​യു​ന്ന​തി​നാ​യി 50 വ​ർ​ഷ​ങ്ങ​ൾ​ക്കു​മു​മ്പ് സ്ഥാ​പി​ച്ച പാ​റ​ക്കെ​ട്ടു​ക​ളും അ​തി​നു​പി​ന്നി​ലാ​യി സ്ഥാ​പി​ച്ചി​രു​ന്ന ക​രി​മ​ണ​ൽ​തി​ട്ട​ക​ളും മാ​റ്റി​യാ​ണ് 45 അ​ടി താ​ഴ്ച​യി​ൽ ഡ്ര​ഡ്ജി​ങ് ന​ട​ത്തി​യ​ത്. തു​ട​ർ​ന്ന്​ ജ​ന​വാ​സ​മേ​ഖ​ല​ക്ക്​ സ​മീ​പം ക​ട​ലി​ൽ​നി​ന്ന്​ വെ​ള്ളം ക​യ​റി കൂ​റ്റ​ൻ കു​ഴി​ക​ൾ രൂ​പ​പ്പെ​ട്ട​തോ​ടെ പ്ര​ദേ​ശ​വാ​സി​ക​ൾ സം​ഘ​ടി​ച്ച് ഖ​ന​നം ത​ട​യു​ക​യാ​യി​രു​ന്നു.

മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ന്റെ​യും കോ​ട​തി​യു​ടെ​യും നി​ർ​ദേ​ശ​ങ്ങ​ളും വ്യ​വ​സ്ഥ​ക​ളും ലം​ഘി​ച്ചാ​ണ് ഐ.​ആ​ർ.​ഇ ക​രാ​ർ ക​മ്പ​നി ജ​ന​വാ​സ​മേ​ഖ​ല​ക്ക്​ സ​മീ​പം ഖ​ന​ന​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തെ​ന്ന് പ്ര​ദേ​ശ​വാ​സി​ക​ളാ​യ ജ​ന​പ്ര​തി​നി​ധി​ക​ൾ പ​രാ​തി​പ്പെ​ട്ടു. പ്ര​തി​ദി​നം 4000 ട​ൺ ക​രി​മ​ണ്ണാ​ണ് ഈ ​പ്ര​ദേ​ശ​ത്തു​നി​ന്ന്​ ഐ.​ആ​ർ.​ഇ ഖ​ന​നം ചെ​യ്യു​ന്ന​ത്. ജ​ന​വാ​സ​മേ​ഖ​ല​യി​ൽ​നി​ന്ന്​ നി​ശ്ചി​ത ദൂ​ര​പ​രി​ധി പാ​ലി​ക്ക​ണ​മെ​ന്ന നി​ർ​ദേ​ശം ലം​ഘി​ച്ച ക​രാ​ർ​ക​മ്പ​നി​യാ​യ ഐ.​ആ​ർ.​ഇ​ക്കെ​തി​രെ പ്ര​ദേ​ശ​ത്ത്​ ശ​ക്ത​മാ​യ പ്ര​തി​ഷേ​ധ​മു​ണ്ട്.

ഖ​ന​ന​മേ​ഖ​ല​യി​ൽ സം​ഘ​ർ​ഷം ഉ​ട​ലെ​ടു​ത്ത​തോ​ടെ ഐ.​ആ​ർ.​ഇ മാ​നേ​ജ്മെ​ന്റ് പ്ര​തി​നി​ധി​ക​ളു​മാ​യി യു.​ഡി.​എ​ഫ് ച​വ​റ നി​യോ​ജ​ക മ​ണ്ഡ​ലം ക​ൺ​വീ​ന​ർ ജ​സ്റ്റി​ൻ ജോ​ണി​ന്റെ നേ​തൃ​ത്വ​ത്തി​ൽ ന​ട​ത്തി​യ ച​ർ​ച്ച​യെ​തു​ട​ർ​ന്ന് ക​ട​ൽ​ക്ഷോ​ഭം ത​ട​യു​ന്ന​തി​ന് പ്ലാ​സ്റ്റി​ക് ബാ​ഗു​ക​ളി​ൽ മ​ണ്ണു​നി​റ​ച്ച് മു​മ്പ് ക​ട​ൽ​ഭി​ത്തി ഉ​ണ്ടാ​യി​രു​ന്ന സ്ഥ​ല​ങ്ങ​ളി​ൽ നി​ക്ഷേ​പി​ക്കാ​നും ക​ട​ൽ​ഭി​ത്തി പൂ​ർ​വ​സ്ഥി​തി​യി​ലാ​ക്കാ​നും തീ​രു​മാ​ന​മാ​യി.

ക​ട​ൽ ക​യ​റി​യ വീ​ടു​ക​ൾ​ക്ക് സ​മീ​പ​മു​ള്ള സ്ഥ​ല​ങ്ങ​ളി​ൽ മ​ണ​ൽ​ത്തി​ട്ട​ക​ൾ സ്ഥാ​പി​ക്കാ​നു​ള്ള ജോ​ലി​ക​ൾ ഇ​തി​ന​കം ആ​രം​ഭി​ച്ച​താ​യി സ്ഥ​ല​ത്തു​ണ്ടാ​യി​രു​ന്ന ഐ.​ആ​ർ.​ഇ ഉ​ദ്യോ​ഗ​സ്ഥ​ർ പ​റ​ഞ്ഞു. ക​രി​ത്തു​റ​യി​ലെ ക​ട​ൽ​ത്തീ​ര​ത്ത് ഉ​യ​ര​ത്തി​ൽ വെ​ച്ചി​രു​ന്ന ക​രി​മ​ണ്ണി​ന്റെ സം​ര​ക്ഷ​ണ​മ​തി​ൽ പു​നഃ​സ്ഥാ​പി​ക്ക​ണ​മെ​ന്നും ക​ട​ൽ​ത്തീ​ര​ത്ത് നി​ന്ന്​ 50 മീ​റ്റ​ർ പ​രി​ധി​ക്കു​ള്ളി​ൽ വ​രു​ന്ന വീ​ടു​ക​ൾ ഐ.​ആ​ർ.​ഇ ഏ​റ്റെ​ടു​ക്കു​മ്പോ​ൾ അ​വ​ർ​ക്ക് പു​ന​ര​ധി​വാ​സം സി.​ആ​ർ. ഇ​സ​ഡ് പ​രി​ധി​ക്ക് പു​റ​ത്ത് ന​ൽ​കു​ന്ന​തി​ന് പ്ര​ത്യേ​ക പാ​ക്കേ​ജ് വേ​ണ​മെ​ന്നും മൈ​നി​ങ് ഏ​രി​യ​ക്ക് സ​മീ​പ​മു​ള്ള പ്ര​ദേ​ശ​വാ​സി​ക​ളും രാ​ഷ്ട്രീ​യ​പാ​ർ​ട്ടി​പ്ര​തി​നി​ധി​ക​ളും ആ​വ​ശ്യ​പ്പെ​ടു​ന്നു.

ആ​വ​ശ്യം നി​രാ​ക​രി​ക്കു​ന്ന​പ​ക്ഷം യു.​ഡി.​എ​ഫ് ക​മ്മി​റ്റി​യു​ടെ നേ​തൃ​ത്വ​ത്തി​ൽ ശ​ക്ത​മാ​യ പ്ര​ക്ഷോ​ഭ​ത്തി​ന് ത​യാ​റെ​ടു​ക്കു​ക​യാ​ണ്. ഖ​ന​ന​ത്തെ തു​ട​ർ​ന്ന് പ്ര​ദേ​ശ​ത്തെ ജ​ന​ങ്ങ​ൾ ഭീ​തി​യി​ലാ​യി​ട്ടും റ​വ​ന്യൂ​വ​കു​പ്പ് അ​ധി​കൃ​ത​ർ സ്ഥ​ലം സ​ന്ദ​ർ​ശി​ക്കാ​ത്ത​ത് നി​രു​ത്ത​ര​വാ​ദ​പ​ര​മാ​ണെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.