പകര്‍ച്ചവ്യാധികള്‍: ജാഗ്രത പുലർത്താൻ നിർദേശം കൊ​തു​ക് ഉ​റ​വി​ട ന​ശീ​ക​ര​ണ പ്ര​വ​ര്‍ത്ത​ന​ങ്ങ​ള്‍ ന​ട​ത്ത​ണം

കൊ​ല്ലം: പ​ക​ര്‍ച്ച​വ്യാ​ധി​ക​ള്‍ക്കെ​തി​രെ ജാ​ഗ്ര​ത പു​ല​ര്‍ത്ത​ണ​മെ​ന്ന് ക​ല​ക്ട​ര്‍ അ​ഫ്‌​സാ​ന പ​ര്‍വീ​ണ്‍. പ​ക​ര്‍ച്ച​വ്യാ​ധി നി​യ​ന്ത്ര​ണം, ആ​രോ​ഗ്യ ജാ​ഗ്ര​ത, ഏ​കാ​രോ​ഗ്യം എ​ന്നി​വ​യു​മാ​യി ബ​ന്ധ​പ്പെ​ട്ട് ചേം​ബ​റി​ല്‍ ക​ല​ക്ട​റു​ടെ അ​ധ്യ​ക്ഷ​ത​യി​ല്‍ യോ​ഗം ചേ​ര്‍ന്നു. മ​ഴ​ക്കാ​ല​ത്തി​ന് മു​മ്പ്​ ഡെ​ങ്കി​പ്പ​നി, മ​ലേ​റി​യ പോ​ലു​ള്ള കൊ​തു​ക് ജ​ന്യ​രോ​ഗ​ങ്ങ​ള്‍ക്കെ​തി​രെ മു​ന്‍ക​രു​ത​ലു​ക​ള്‍ സ്വീ​ക​രി​ക്ക​ണം. തു​റ​സ്സാ​യ സ്ഥ​ല​ങ്ങ​ളി​ല്‍ വെ​ള്ളം കെ​ട്ടി​നി​ല്‍ക്കു​ന്ന​ത് ഒ​ഴി​വാ​ക്ക​ണം. ഞാ​യ​റാ​ഴ്ച​ക​ളി​ല്‍ വീ​ടു​ക​ളി​ലും ശ​നി​യാ​ഴ്ച​ക​ളി​ല്‍ ഓ​ഫി​സു​ക​ളി​ലും വെ​ള്ളി​യാ​ഴ്ച​ക​ളി​ല്‍ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും കൊ​തു​ക് ഉ​റ​വി​ട ന​ശീ​ക​ര​ണ പ്ര​വ​ര്‍ത്ത​ന​ങ്ങ​ള്‍ ന​ട​ത്ത​ണം.

‘ഏ​കാ​രോ​ഗ്യം’ എ​ന്ന ആ​ശ​യ​ത്തെ മു​ന്‍നി​ര്‍ത്തി​യാ​ണ് പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ഏ​കോ​പി​പ്പി​ക്കു​ക. പൊ​തു​ജ​നാ​രോ​ഗ്യ​ത്തോ​ടൊ​പ്പം മൃ​ഗ​ങ്ങ​ളു​ടെ​യും പ​രി​സ്ഥി​തി​യു​ടെ​യും ആ​രോ​ഗ്യ​ത്തി​നും മു​ന്‍തൂ​ക്കം ന​ല്‍കും. കോ​വി​ഡ് വ​ര്‍ധി​ക്കു​ന്ന സാ​ഹ​ച​ര്യ​ത്തി​ല്‍ എ​ല്ലാ​വ​രും നി​ര്‍ബ​ന്ധ​മാ​യും മാ​സ്‌​ക് ധ​രി​ക്ക​ണം. ആ​ദി​വാ​സി മേ​ഖ​ല​ക​ളി​ല്‍ ആ​വ​ശ്യ​മാ​യ പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ന​ട​ത്തു​ന്ന​തി​ന് ന​ട​പ​ടി​ക​ള്‍ സ്വീ​ക​രി​ക്കും. അ​തി​ഥി തൊ​ഴി​ലാ​ളി​ക​ളി​ല്‍ രോ​ഗ​നി​ര്‍ണ​യം ന​ട​ത്തു​ന്ന​തി​ന് പ്ര​ത്യേ​ക ക്യാ​മ്പു​ക​ള്‍ സം​ഘ​ടി​പ്പി​ക്കും.

നാ​യ്ക്ക​ളു​ടെ​യോ മ​റ്റ് ജ​ന്തു​ക്ക​ളു​ടേ​യോ ക​ടി​യേ​റ്റാ​ല്‍ 15 മി​നി​റ്റ് സോ​പ്പ് ഉ​പ​യോ​ഗി​ച്ച് ക​ടി​യേ​റ്റ ഭാ​ഗം ക​ഴു​കി​യ ശേ​ഷം ഉ​ട​ന്‍ പ്ര​തി​രോ​ധ കു​ത്തി​​െവ​യ്പ്പ് സ്വീ​ക​രി​ക്ക​ണം. എ.​എം.​ആ​ര്‍ സ​ര്‍വൈ​ല​ന്‍സ് പ്ര​വ​ര്‍ത്ത​ന​ങ്ങ​ള്‍ കൂ​ടു​ത​ല്‍ കാ​ര്യ​ക്ഷ​മ​മാ​ക്കും. ശാ​സ്ത്രീ​യ​രീ​തി​യി​ല്‍ മാ​ലി​ന്യ ശേ​ഖ​ര​ണ​വും സം​സ്‌​ക​ര​ണ​വും ഉ​റ​പ്പു​വ​രു​ത്തു​ന്ന​തി​ന് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങളെ​യും ശു​ചി​ത്വ മി​ഷ​നെ​യും ചു​മ​ത​ല​പ്പെ​ടു​ത്തി. ജി​ല്ല സ​ര്‍വൈ​ല​ന്‍സ് ഓ​ഫി​സ​ര്‍ ഡോ. ​അ​ജി​ത, ജി​ല്ല ലേ​ബ​ര്‍ ഓ​ഫി​സ​ര്‍ പി. ​ദീ​പ, കാ​ര്‍ഷി​ക വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ര്‍ എ​സ്. ഗീ​ത, പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ട​ര്‍ അ​ജ​യ​ന്‍, ഉ​ദ്യോ​ഗ​സ്ഥ​ര്‍ എ​ന്നി​വ​ര്‍ പ​ങ്കെ​ടു​ത്തു.