Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightയുവതിയും കുഞ്ഞും...

യുവതിയും കുഞ്ഞും മരിച്ച സംഭവം; ഇൻക്വസ്​റ്റ്​ നടത്തി മൃതദേഹം പോസ്​റ്റ്​മോർട്ടത്തിനയച്ചു

text_fields
bookmark_border
death
cancel

കരുനാഗപ്പള്ളി: ഇടക്കുളങ്ങരയിൽ മരിച്ച നിലയിൽ കണ്ടെത്തിയ യുവതിയുടെയും കുഞ്ഞി​െൻറയും മൃതദേഹങ്ങൾ ശനിയാഴ്​ച ഇൻക്വസ്​റ്റ്​ നടത്തി പോസ്​റ്റുമോർട്ടത്തിനയച്ചു. തൊടിയൂർ പുലിയൂർ വഞ്ചി തെക്ക്​ ഇടക്കുളങ്ങര ബിനുനിവാസിൽ സുനിൽകുമാറി​െൻറ ഭാര്യ സൂര്യ (35), മകൻ ആദിദേവ് ​(മൂന്ന്​) എന്നിവരെയാണ്​ വെള്ളിയാഴ്​ച രാത്രി വീട്ടിൽ മരിച്ചനിലയിൽ കണ്ടെത്തിയത്​. കുഞ്ഞി​െൻറ കഴുത്തിലും യുവതിയുടെ ഇടതുകൈയിലും മുറിവേറ്റ നിലയിലായിരുന്നു.

സുനിൽകുമാറും (ബിനുകുമാർ) ഭാര്യയും കുഞ്ഞുമാണ് വീട്ടിൽ താമസിച്ചിരുന്നത്. സുനിൽകുമാർ സ്വന്തമായി കൊല്ലത്ത് കട നടത്തിവരുകയാണ്​. വെള്ളിയാഴ്​ച വൈകീട്ട് കടയടച്ച് സന്ധ്യയോടെ വീടിനടുത്ത് എത്തിയപ്പോഴാണ് എത്രയും വേഗം വീട്ടിലെത്താൻ ഫോൺവിളി എത്തുന്നത്. വെള്ളിയാഴ്ച വൈകീട്ട് മൂന്ന്​ വരെയും സൂര്യയെയും ആദിദേവിനെയും വീട്ടിൽ കണ്ടിരുന്നതായി സമീപവാസികളായ ബന്ധുക്കൾ പറയുന്നു. എന്നാൽ, വൈകീട്ടോടെ അമ്മയെയും കുഞ്ഞിനെയും കാണാത്തതിനാൽ ബന്ധുക്കൾ വീട്ടിൽ അന്വേഷിച്ചു. കതകളും ജനാലകളും അടച്ച് അകത്ത് നിന്ന്​ കുറ്റികൾ ഇട്ട നിലയിലായിരുന്നു. ഒടുവിൽ സമീപവാസികളായ ചിലരുടെ സഹായത്തോടെ ജനൽചില്ലുകൾ പൊട്ടിച്ചുനോക്കിയപ്പോഴാണ് ഇരുവരും മുറിക്കുള്ളിൽ രക്തം വാർന്ന്​ മരിച്ചുകിടക്കുന്നതായി കണ്ടത്.

ശനിയാഴ്ച ഫോറൻസിക്, വിരലടയാള വിദഗ്ധരും ഉൾ​െപ്പടെ സ്ഥലത്തെത്തി ഇൻക്വസ്​റ്റ്​ നടപടികൾ പൂർത്തിയാക്കിയശേഷം മൃതദേഹങ്ങൾ പാരിപ്പള്ളി മെഡിക്കൽ കോളജ്​ ആശുപത്രിയിലേക്ക് പോസ്​റ്റ്​​േമാർട്ടത്തിനായി മാറ്റി. ആത്മഹത്യയാകാമെന്നാണ് പൊലീസി​െൻറ നിഗമനം. സൂര്യയുടെ ബാഗിൽ നിന്ന്​ ആത്മഹത്യാ കുറിപ്പ് ലഭിച്ചതായി പൊലീസ്​ അറിയിച്ചു. വൻകടബാധ്യത കാരണം ആത്മഹത്യ ചെയ്യുന്നതായാണ് കുറുപ്പിലെന്നും പുതിയതായി തുടങ്ങിയ കട വിജയത്തില​െല്ലന്നും ഇത് ബാധ്യതകൾ വർധിക്കുന്ന സാഹചര്യത്തിലെത്തിച്ചെന്നും പറയുന്നു.

എന്നാൽ, പോസ്​റ്റ്​​േമാർട്ടം റിപ്പോർട്ട് വന്ന ശേഷം മാത്രമേ കൂടുതൽ വിവരങ്ങൾ അറിയാൻ കഴിയൂവെന്നും ​െപാലീസ് പറഞ്ഞു. ഫോറൻസിക് ഉദ്യോഗസ്ഥരായ ദിവ്യ, വയലറ്റ്, ദേവി, വിജയൻ എന്നിവരും കരുനാഗപ്പള്ളി എ.സി.പി സജീവ്, എസ്.എച്ച്.ഒ വിൻസൻറ്​ എന്നിവരുടെ നേതൃത്വത്തിലുള്ള ​െപാലീസ് സംഘവും ഡോഗ് സ്ക്വാഡും സ്ഥലത്തെത്തി അന്വേഷണം ആരംഭിച്ചു. കോവിഡ് പരിശോധനക്കും പോസ്​റ്റ്​​േമാർട്ടത്തിനും ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകും.

Show Full Article
TAGS:Postmortem covid 19 
News Summary - Incident in which a young woman and child died; The inquest was conducted and the body was sent for postmortem
Next Story