മ​ത്സ്യ​ബ​ന്ധ​ന​യാ​ന​ങ്ങ​ളി​ൽ ‘ന​ഭ്മി​ത്ര’ പ​രീ​ക്ഷ​ണം വി​ജ​യം

കൊ​ല്ലം: മ​ത്സ്യ​ബ​ന്ധ​ന യാ​ന​ങ്ങ​ളി​ൽ സാ​റ്റ​ലൈ​റ്റ് അ​ധി​ഷ്ഠി​ത ആ​ശ​യ​വി​നി​മ​യ സം​വി​ധാ​ന​മാ​യ ‘ന​ഭ്മി​ത്ര’ ട്രാ​ൻ​സ്പോ​ണ്ട​ർ പ​രീ​ക്ഷി​ച്ച്​ വി​ജ​യി​ച്ച്​ ഐ.​എ​സ്.​ആ​ർ.​ഒ ശാ​സ്​​ത്ര​ജ്ഞ​ർ. ഉ​ൾ​ക്ക​ട​ലി​ലു​ള്ള മ​ത്സ്യ​ബ​ന്ധ​ന യാ​ന​ങ്ങ​ളി​ലെ തൊ​ഴി​ലാ​ളി​ക​ൾ​ക്ക് ക​ര​യി​ലേ​ക്കും തി​രി​ച്ചും ല​ഘു​സ​ന്ദേ​ശ​ങ്ങ​ളി​ലൂ​ടെ ആ​ശ​യ​വി​നി​മ​യം സാ​ധ്യ​മാ​ക്കു​ക​യും മു​ന്ന​റി​യി​പ്പു​ക​ൾ ല​ഭ്യ​മാ​ക്കു​ക​യും ചെ​യ്യു​ന്ന സം​വി​ധാ​ന​മാ​ണ്​ നീ​ണ്ട​ക​ര​യി​ൽ മ​ത്സ്യ​ബ​ന്ധ​ന​യാ​ന​ത്തി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ പ്ര​വ​ർ​ത്തി​പ്പി​ച്ച​ത്.

ജി- ​സാ​റ്റ് 6 നെ ​ആ​ശ്ര​യി​ച്ച് പ്ര​വ​ർ​ത്തി​ക്കു​ന്ന ഈ ​ഉ​പ​ക​ര​ണം രൂ​പ​ക​ൽ​പ​ന ചെ​യ്ത് നി​ർ​മി​ച്ച​ത് അ​ഹ​മ്മ​ദാ​ബാ​ദി​ലെ ഐ.​എ​സ്.​ആ​ർ.​ഒ സ്പേ​സ് ആ​പ്ലി​ക്കേ​ഷ​ൻ​സ് സെ​ന്റ​റാ​ണ്. കാ​ലാ​വ​സ്ഥ, ചു​ഴ​ലി​ക്കാ​റ്റ് മു​ന്ന​റി​യി​പ്പു​ക​ൾ അ​ലാ​റ​മാ​യും പ്രാ​ദേ​ശി​ക ഭാ​ഷ​യി​ൽ ടെ​ക്സ്റ്റ് മെ​സേ​ജ് ആ​യും ഉ​ൾ​ക്ക​ട​ലി​ലു​ള്ള യാ​ന​ങ്ങ​ളി​ൽ ല​ഭി​ക്കും. ബോ​ട്ടു​ക​ൾ മു​ങ്ങു​ക, തീ​പി​ടി​ത്തം എ​ന്നി​ങ്ങ​നെ അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ ഉ​പ​ക​ര​ണ​ത്തി​ലെ ബ​ട്ട​ൺ അ​മ​ർ​ത്തി​യാ​ൽ ക​ൺ​ട്രോ​ൾ സെ​ന്‍റ​റി​ൽ ബോ​ട്ടി​ന്റെ ലൊ​ക്കേ​ഷ​ൻ ഉ​ൾ​പ്പെ​ടെ വി​വ​രം ല​ഭി​ക്കു​ക​യും, ക​ൺ​ട്രോ​ൾ സെ​ന്‍റ​റി​ൽ​നി​ന്നു​ള്ള മ​റു​പ​ടി സ​ന്ദേ​ശം ബോ​ട്ടി​ലെ തൊ​ഴി​ലാ​ളി​ക​ൾ​ക്ക് ല​ഭി​ക്കു​ക​യും ചെ​യ്യും.

കൂ​ടാ​തെ ക​പ്പ​ൽ​ച്ചാ​ലു​ക​ൾ, രാ​ജ്യാ​ന്ത​ര സ​മു​ദ്ര അ​തി​ർ​ത്തി എ​ന്നി​വ സം​ബ​ന്ധി​ച്ച മു​ന്ന​റി​യി​പ്പു​ക​ളും ഉ​പ​ക​ര​ണം ല​ഭ്യ​മാ​ക്കും. മ​ത്സ്യ​ല​ഭ്യ​ത​യു​ള്ള ഭാ​ഗ​ങ്ങ​ളും അ​റി​യാ​ൻ സാ​ധി​ക്കും. പ​രീ​ക്ഷ​ണം വി​ജ​യ​ക​ര​മാ​യി​രു​ന്നെ​ന്ന് ഐ.​എ​സ്.​ആ​ർ.​ഒ ശാ​സ്ത്ര​ജ്ഞ​ർ വ്യ​ക്ത​മാ​ക്കി. ന്യൂ​സ്പേ​സ് ഇ​ന്ത്യ ലി​മി​റ്റ​ഡ് ഉ​ദ്യോ​ഗ​സ്ഥ​ർ, ഫി​ഷ​റീ​സ് സ​ർ​വേ ഓ​ഫ് ഇ​ന്ത്യ ഉ​ദ്യോ​ഗ​സ്ഥ​ർ, സം​സ്ഥാ​ന ഫി​ഷ​റീ​സ് ജോ​യ​ന്റ് ഡ​യ​റ​ക്ട​ർ​മാ​രാ​യ എം. ​താ​ജു​ദ്ദീ​ൻ, എ​സ്. സ്മി​ത, ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​ർ സോ​ഫി​യ മാ​ർ​ഗ​ര​റ്റ്, മ​റൈ​ൻ എ​ൻ​ഫോ​ഴ്സ്മെ​ന്റ്, പൊ​ലീ​സ് ഉ​ദ്യോ​ഗ​സ്ഥ​ർ എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു പ​രീ​ക്ഷ​ണം.