മാലിന്യം വലിച്ചെറിഞ്ഞാല്‍ ‘പണി’ ഉറപ്പ്; 14 സ്ഥ​ല​ങ്ങ​ളി​ലാ​യി 31 കാ​മ​റ​ക​ൾ സ്ഥാ​പി​ച്ചു

കൊ​ല്ലം: പെ​രി​നാ​ട് ഗ്രാ​മ​പ​ഞ്ചാ​യ​ത്തി​ല്‍ മാ​ലി​ന്യം വ​ലി​ച്ചെ​റി​ഞ്ഞാ​ല്‍ പി​ന്നാ​ലെ​യെ​ത്തും നി​യ​മ​ത്തി​ന്റെ കു​രു​ക്ക്. കാ​മ​റ​ക്കെ​ണി​യൊ​രു​ക്കി പ​ഞ്ചാ​യ​ത്ത് ഭ​ര​ണ​സ​മി​തി. പ​ല​വ​ട്ടം പ​റ​ഞ്ഞി​ട്ടും കേ​ള്‍ക്കാ​ത്ത​വ​രെ തെ​ളി​വോ​ടെ കു​ടു​ക്കാ​നാ​യി എ​ല്ലാ​യി​ട​ത്തും കാ​മ​റ​ക്ക​ണ്ണു​ക​ള്‍ തു​റ​ന്നി​രി​പ്പു​ണ്ട്. മാ​ലി​ന്യ​ര​ഹി​ത പ​രി​സ​ര​മെ​ന്ന ല​ക്ഷ്യ​ത്തി​ന് നാ​ട്ടി​ലെ​ല്ലാ​വ​രു​ടെ​യും സ​ഹ​ക​ര​ണം കി​ട്ടു​ന്നി​ല്ല​ന്ന് ക​ണ്ടാ​ണ് തെ​ളി​വു​ക​ള്‍ സ​ഹി​ത​മു​ള്ള നി​യ​മ​വ​ഴി​യി​ലേ​ക്ക് തി​രി​ഞ്ഞ​ത്. മാ​ലി​ന്യ നി​ര്‍മാ​ര്‍ജ​ന പ്ര​വ​ര്‍ത്ത​ന​ങ്ങ​ള്‍ കാ​ര്യ​ക്ഷ​മ​മാ​ക്കു​ന്ന​തി​ന്റെ ഭാ​ഗ​മാ​യി 14 സ്ഥ​ല​ങ്ങ​ളി​ലാ​യി 31 കാ​മ​റ​ക​ളാ​ണ് സ്ഥാ​പി​ച്ച​ത്. 2024-25 സാ​മ്പ​ത്തി​ക വ​ര്‍ഷ​ത്തെ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 1,75,0000 രൂ​പ​യാ​ണ് മാ​ലി​ന്യ​കാ​വ​ലി​ന് വി​നി​യോ​ഗി​ച്ച​ത്.

വാ​ഹ​ന​ങ്ങ​ളി​ലെ​ത്തി മാ​ലി​ന്യം ത​ള്ളു​ന്ന​വ​രെ പി​ടി​കൂ​ടാ​ന്‍ വാ​ഹ​ന​ങ്ങ​ളു​ടെ ന​മ്പ​ര്‍ പ്ലേ​റ്റ് സ​ഹി​തം തി​രി​ച്ച​റി​യാ​ന്‍ ക്ഷ​മ​ത​യു​ള്ള അ​ത്യാ​ധു​നി​ക കാ​മ​റ​ക​ളാ​ണ് സ്ഥാ​പി​ച്ച​ത്. കെ​ല്‍ട്രോ​ണ്‍ ആ​ണ് കാ​മ​റ​ക​ള്‍ സ്ഥാ​പി​ച്ച​ത്. അ​റ്റ​കു​റ്റ​പ്പ​ണി​യും മേ​ല്‍നോ​ട്ട​വും ഉ​ള്‍പ്പെ​ടെ ഒ​രു വ​ര്‍ഷ​ത്തേ​ക്ക് ക​രാ​ര്‍ ന​ല്‍കി​യി​ട്ടു​ണ്ട്. ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യു​ടെ ഓ​ഫി​സി​ലാ​ണ് കാ​മ​റ​ക​ളു​ടെ നി​യ​ന്ത്ര​ണം.

പ​ഞ്ചാ​യ​ത്ത് കെ​ട്ടി​ട​വും പൂ​ര്‍ണ​മാ​യും കാ​മ​റ നി​രീ​ക്ഷ​ണ​ത്തി​ലാ​ണ്. പ​ഞ്ചാ​യ​ത്ത് സെ​ക്ര​ട്ട​റി ജി. ​ജ്യോ​തി​ഷ് കു​മാ​റി​ന്റെ നേ​തൃ​ത്വ​ത്തി​ലു​ള്ള ടീ​മി​നാ​ണ് നി​രീ​ക്ഷ​ണ ചു​മ​ത​ല. കാ​മ​റ​ക​ള്‍ ത​ത്സ​മ​യം നി​രീ​ക്ഷി​ച്ച് മാ​ലി​ന്യം ത​ള്ളു​ന്ന​വ​ര്‍ക്കെ​തി​രെ അ​തി​വേ​ഗം ന​ട​പ​ടി സ്വീ​ക​രി​ക്കും. കൈ​താ​കോ​ടി​യി​ലു​ള്ള കാ​മ​റ പൂ​ര്‍ണ​മാ​യും സൗ​രോ​ര്‍ജ​ത്തി​ലാ​ണ് പ്ര​വ​ര്‍ത്തി​ക്കു​ന്ന​തെ​ന്ന് പ്ര​സി​ഡ​ന്റ് ദി​വ്യ ജ​യ​കു​മാ​ര്‍ പ​റ​ഞ്ഞു. കാ​മ​റ​ക​ള്‍ സ്ഥാ​പി​ച്ച​തോ​ടെ മാ​ലി​ന്യം വ​ലി​ച്ചെ​റി​യു​ന്ന രീ​തി​ക്ക് മാ​റ്റം വ​ന്നു​തു​ട​ങ്ങി​യെ​ന്നും അ​വ​ർ വ്യ​ക്ത​മാ​ക്കി.