ആശ്രാമത്ത്​ മണ്ണുമാന്തികളുടെ കൂറ്റൻ റാലി

കൊ​ല്ലം: സാ​ധാ​ര​ണ​യാ​യി രാ​ഷ്ട്രീ​യ സം​ഘ​ട​ന​ക​ളും സാ​മൂ​ഹി​ക കൂ​ട്ടാ​യ്മ​ക​ളും ന​ട​ത്തു​ന്ന റാ​ലി​ക​ളാ​ണ് കൊ​ല്ലം ന​ഗ​രം പ​തി​വാ​യി കാ​ണു​ന്ന​ത്. എ​ന്നാ​ൽ, ഇ​ന്ന് മ​ണ്ണു​മാ​ന്തി യ​ന്ത്ര​ങ്ങ​ളു​ടെ പ്ര​തി​ഷേ​ധ റാ​ലി​ക്കാ​ണ്​ ആ​ശ്രാ​മം സാ​ക്ഷ്യം വ​ഹി​ച്ച​ത്. നി​ർ​മാ​ണ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന മ​ണ്ണു​മാ​ന്തി ഉ​ൾ​പ്പെ​ടെ​യു​ള്ള​വ​യു​ടെ വാ​ട​ക 10 മു​ത​ൽ 20 ശ​ത​മാ​നം വ​ർ​ധി​പ്പി​ക്കാ​ൻ തീ​രു​മാ​നി​ച്ച​തി​നെ​തി​രെ​യാ​യി​രു​ന്നു​ നൂ​റു​ക​ണ​ക്കി​ന് മ​ണ്ണു മാ​ന്തി യ​ന്ത്ര​ങ്ങ​ളു​ടെ റാ​ലി. ക​ൺ​സ്ട്ര​ക്ഷ​ൻ എ​ക്വി​പ്മെ​ന്‍റ്​​സ്​ ഓ​ണേ​ഴ്സ് അ​സോ​സി​യേ​ഷ​ൻ ജി​ല്ല മേ​ഖ​ല ക​മ്മി​റ്റി​യാ​ണ്​ റാ​ലി സം​ഘ​ടി​പ്പി​ച്ച​ത്.

പു​തി​യ നി​ര​ക്ക്​ ഒ​ക്​​ടോ​ബ​ർ 13 മു​ത​ൽ പ്രാ​ബ​ല്യ​ത്തി​ൽ വ​രും. മ​ണി​ക്കൂ​റി​ന് ഏ​ക​ദേ​ശം 1500 രൂ​പ​യാ​കും പു​തി​യ നി​ര​ക്ക്. നൂ​റു​ക​ണ​ക്കി​ന് മ​ണ്ണു​മാ​ന്തി​ക​ളും ആ​ധു​നി​ക യ​ന്ത്ര​വ​ത്കൃ​ത എ​ക്സ്ക​വേ​റ്റ​റു​ക​ളും പ​ങ്കെ​ടു​ത്തു. റാ​ലി​ക്ക് ശേ​ഷം മ​ണ്ണു​മാ​ന്തി യ​ന്ത്ര​ങ്ങ​ളു​ടെ പൊ​തു​ജ​ന പ്ര​ദ​ർ​ശ​ന​വും ആ​ശ്ര​മം മൈ​താ​നി​യി​ൽ ന​ട​ന്നു.

30 വ​ർ​ഷ​മാ​യി നി​ര​ക്കി​ൽ മാ​റ്റ​മു​ണ്ടാ​യി​രു​ന്നി​ല്ലെ​ന്നും, വാ​ഹ​ന​വി​ല, പാ​ർ​ട്സ്, ഇ​ന്ധ​ന ചെ​ല​വു​ക​ൾ, സ​ർ​ക്കാ​ർ നി​യ​ന്ത്ര​ണ​ങ്ങ​ൾ, അ​ടി​യ​ന്ത​ര പി​ഴ ചു​മ​ത്ത​ലു​ക​ൾ, ഓ​ട്ട സ​മ​യം നി​യ​ന്ത്ര​ണ​ങ്ങ​ൾ എ​ന്നി​വ​യെ​ല്ലാം മേ​ഖ​ല​യു​ടെ നി​ല​നി​ൽ​പി​നെ ബാ​ധി​ച്ചി​ട്ടു​ണ്ടെ​ന്നും സം​ഘാ​ട​ക​ർ വ്യ​ക്ത​മാ​ക്കി. റാ​ലി അ​സോ. പ്ര​സി​ഡ​ന്‍റ്​ ജി​ജി ക​ട​വി​ൽ ഉ​ദ്ഘാ​ട​നം ചെ​യ്തു. ജി​ല്ല പ്ര​സി​ഡ​ന്റ് വി​ഷ്ണു പ​ത്ത​നാ​പു​രം റാ​ലി​ക്ക് ഫ്ലാ​ഗ് ഓ​ഫ് ന​ൽ​കി. ജി​ല്ല സെ​ക്ര​ട്ട​റി ജ​യ​ൻ ക​ട​യ്ക്ക​ൽ, എ​സ്.​സി​യാ​ദ്, യു. ​ഉ​ല്ലാ​സ്, എ​സ്. പ്ര​കാ​ശ്, ജി. ​ജ​യ​ൻ, എ​സ്. ഹ​ക്കീം എ​ന്നി​വ​ർ നേ​തൃ​ത്വം ന​ൽ​കി.