മറവിരോഗിയെ മർദിച്ച്​ വലിച്ചിഴച്ച ഹോം നഴ്‌സ്‌ അറസ്റ്റിൽ

കൊ​ടു​മ​ൺ: മ​റ​വി​രോ​ഗം ബാ​ധി​ച്ച്​ കി​ട​പ്പി​ലാ​യ വി​മു​ക്​​ത​ഭ​ട​നെ മ​ർ​ദി​ച്ച് ന​ഗ്ന​നാ​ക്കി വ​ലി​ച്ചി​ഴ​ച്ച ഹോം ​നേ​ഴ്സ്​ കൊ​ല്ലം വി​ള​ക്കു​ടി കു​ന്നി​ക്കോ​ട് ഭാ​സ്ക​ര വി​ലാ​സ​ത്തി​ൽ വി​ഷ്ണു (37) അ​റ​സ്റ്റി​ലാ​യി. പ​ന്ത​ളം തെ​ക്കേ​ക്ക​ര ത​ട്ട പ​റ​പ്പെ​ട്ടി സാ​യി വീ​ട്ടി​ൽ (സ​ന്തോ​ഷ്‌ ഭ​വ​നം ) ശ​ശി​ധ​ര​ൻ പി​ള്ള​ക്കാ​ണ്​ (60) വ്യാ​ഴാ​ഴ്ച ഉ​ച്ച​ക്ക്​ ര​ണ്ടോ​ടെ മ​ർ​ദ​ന​മേ​റ്റ​ത്. ശ​ശി​ധ​ര​ൻ പി​ള്ള ഏ​ഴ് വ​ർ​ഷ​മാ​യി കി​ട​പ്പി​ലാ​ണ്. ബി.​എ​സ്.​എ​ഫി​ൽ​നി​ന്ന്​ വി​ര​മി​ച്ച ഇ​ദ്ദേ​ഹ​ത്തെ പ​രി​ച​രി​ക്കാ​ൻ അ​ടൂ​രി​ലെ ഏ​ജ​ൻ​സി മു​ഖാ​ന്ത​രം ഒ​ന്ന​ര​മാ​സം മു​മ്പാ​ണ് വി​ഷ്ണു​വി​നെ നി​യോ​ഗി​ച്ച​ത്. ത​ഞ്ചാ​വൂ​രി​ൽ ഗ​വ​ൺ​മെ​ന്റ് സ​ർ​വി​സി​ൽ അ​ധ്യാ​പി​ക​യാ​യ ഭാ​ര്യ എം.​എ​സ്. അ​നി​ത​യാ​ണ്​ സ​ഹാ​യി​യെ ഏ​ർ​പ്പാ​ടാ​ക്കി​യ​ത്.

വ​ടി​കൊ​ണ്ട് മു​ഖ​ത്ത് കു​ത്തേ​റ്റ ശ​ശി​ധ​ര​ന്‍റെ ഇ​ട​തു​ക​ണ്ണി​നു താ​ഴെ അ​സ്ഥി​ക്ക് പൊ​ട്ട​ലു​ണ്ട്. ബെ​ൽ​റ്റ് കൊ​ണ്ടു​ള്ള അ​ടി​യേ​റ്റ് ഇ​ട​തു​മു​ട്ടി​ന് താ​ഴെ മു​റി​വും ത​റ​യി​ൽ ത​ള്ളി​യി​ട്ട്​ വ​ലി​ച്ച​തു​കാ​ര​ണം മു​തു​കി​ന് ച​ത​വും സം​ഭ​വി​ച്ചു. പ​രു​മ​ല​യി​ലെ സ്വ​കാ​ര്യ ആ​ശു​പ​ത്രി​യി​ൽ അ​ത്യാ​ഹി​ത വി​ഭാ​ഗ​ത്തി​ൽ ചി​കി​ത്സ​യി​ലാ​ണ്. 23ന് ​ഉ​ച്ച​ക്ക്​ അ​നി​ത വീ​ട്ടി​ലേ​ക്ക് ഫോ​ണി​ൽ വി​ളി​ച്ച​പ്പോ​ൾ അ​സ്വ​ഭാ​വി​ക​മാ​യ ബ​ഹ​ളം കേ​ട്ടു. തു​ട​ർ​ന്ന് അ​യ​ൽ​വാ​സി​യെ വി​ളി​ച്ച് അ​റി​യി​ച്ചു.

അ​വ​ർ വീ​ട്ടി​ലെ​ത്തി നോ​ക്കി​യ​പ്പോ​ൾ ശ​ശി​ധ​ര​ൻ​പി​ള്ള​യു​ടെ മു​ഖ​ത്തും ശ​രീ​ര​ത്തി​ലും പാ​ടു​ക​ൾ ക​ണ്ട്​ കാ​ര്യം തി​ര​ക്കി. ത​റ​യി​ൽ വീ​ണെ​ന്നാ​യി​രു​ന്നു വി​ഷ്ണു​വി​ന്‍റെ മ​റു​പ​ടി. ബ​ന്ധു​ക്ക​ൾ വീ​ട്ടി​ലെ സി.​സി ടി.​വി പ​രി​ശോ​ധി​ച്ച​പ്പോ​ൾ വി​ഷ്ണു ശ​ശി​ധ​ര​ൻ പി​ള്ള​യെ മ​ർ​ദി​ക്കു​ന്ന ദൃ​ശ്യ​ങ്ങ​ൾ ല​ഭി​ച്ചു. അ​നി​ത​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ കേ​സെ​ടു​ത്ത കൊ​ടു​മ​ൺ പൊ​ലീ​സ്, പ​രു​മ​ല​യി​ലെ സ്വ​കാ​ര്യ ആ​ശു​പ​ത്രി പ​രി​സ​ര​ത്തു​നി​ന്ന്​ വി​ഷ്​​ണു​വി​നെ ക​സ്റ്റ​ഡി​യി​ലെ​ടു​ത്തു. അ​ടു​ക്ക​ള​യി​ൽ​നി​ന്ന്​ മ​ർ​ദി​ക്കാ​നു​പ​യോ​ഗി​ച്ച വ​ടി​യും ബെ​ൽ​റ്റും ക​ണ്ടെ​ടു​ത്തു.