ഉരുകി...ഉരുകി...വിനോദസ​ഞ്ചാര മേഖല

കൊ​ല്ലം: ജി​​ല്ല​​യി​​ലെ വി​നോ​ദ​സ​ഞ്ചാ​ര​മേ​ഖ​ല​ക്കും കൊ​ടും​ചൂ​ട് കാ​​ര്യ​​മാ​​യ തി​രി​ച്ച​ടി​യാ​യി​രി​​ക്കു​​ക​​യാ​​ണ്. സാ​ധാ​ര​ണ സ്കൂ​ൾ മ​ധ്യ​വേ​ന​ല​വ​ധി​ക്കാ​ല​മാ​യ ഏ​പ്രി​ൽ, മേ​യ് മാ​സ​ങ്ങ​ളി​ലാ​ണ് വി​നോ​ദ​സ​ഞ്ചാ​ര​മേ​ഖ​ല സ​ജീ​വ​മാ​കു​ന്ന​ത്. ചൂ​ട് കൂ​ടി​യ​തോ​ടെ ഏ​പ്രി​ലി​ൽ ടൂ​ർ ഓ​പ​റേ​റ്റ​ർ​മാ​രെ​ല്ലാം ക​ഷ്ട​ത്തി​ലാ​യി. ജി​ല്ല​യി​ൽ പ്ര​ധാ​ന​മാ​യും ബാ​ക്ക്​​വാ​ട്ട​ർ ടൂ​റി​സ​വും ബീ​ച്ച്​ ടൂ​റി​സ​വു​മാ​യി​രു​ന്നു സ​ഞ്ചാ​രി​ക​ളെ ഏ​റെ ആ​ക​ർ​ഷി​ച്ചി​രു​ന്ന​ത്.

ജി​ല്ല​യി​ലെ ​പ്ര​ധാ​ന ടൂ​റി​സ്റ്റ് കേ​ന്ദ്ര​ങ്ങ​ളാ​യി​രു​ന്ന മ​ൺ​റോ​തു​രു​ത്ത്, അ​ഷ്ട​മു​ടി ബാ​ക്​​വാ​ട്ട​ർ, സാ​മ്പ്രാ​ണി​ക്കൊ​ടി പോ​ലു​ള്ള മേ​ഖ​ല​യി​ലേ​ക്ക്​ സ​ഞ്ചാ​രി​ക​ൾ എ​ത്തു​ന്ന​തി​ന്​​ ക​ന​ത്ത ചൂ​ട്​ വെ​ല്ലു​വി​ളി​യാ​യി​രി​ക്കു​ക​യാ​ണ്. വൈ​കീ​ട്ട് അ​ഞ്ചി​ന്​ ശേ​ഷ​വും ക​ന​ത്ത ചൂ​ടു​ള്ള​തി​നാ​ൽ കാ​യ​ൽ സൗ​ന്ദ​ര്യം ആ​സ്വ​ദി​ക്കാ​നെ​ത്തു​ന്ന സ​ഞ്ചാ​രി​ക​ളെ പ്ര​തി​കൂ​ല​മാ​യി ബാ​ധി​ച്ചു​. സ​ഞ്ചാ​രി​ക​ളി​ൽ ഏ​റെ​യും ത​ണു​ത്ത​പ്ര​ദേ​ശ​ങ്ങ​ളാ​ണ്​ ക​ന​ത്ത ചൂ​ടി​ൽ​നി​ന്ന്​ ര​ക്ഷ​നേ​ടാ​നാ​യി തെ​ര​ഞ്ഞെ​ടു​ക്കു​ന്ന​ത്.

ജി​ല്ല​യു​ടെ കി​ഴ​ക്ക​ൻ മേ​ഖ​ല​ക​ളാ​യ തെ​ന്മ​ല, പാ​ല​രു​വി വെ​ള്ള​ച്ചാ​ട്ടം, ജ​ഡാ​യു​പ്പാ​റ, റോ​സ്മ​ല എ​ന്നി​വി​ട​ങ്ങ​ളി​ലെ ചൂ​​ടി​​ന്‍റെ കാ​​ഠി​​ന്യം മ​​ല​​യോ​​ര​ജ​​ന​​ത​​യെ​​യും വി​​നോ​​ദ​സ​​ഞ്ചാ​​രി​​ക​​ളെ​​യും ഒ​​രു​പോ​​ലെ വ​​ല​​ക്കു​​ന്നു​​ണ്ട്. തെ​ന്മ​ല, റോ​സ്​​മ​ല, പാ​ല​രു​വി എ​ന്നി​വി​ട​ങ്ങ​ളി​ലെ വെ​ള്ള​ച്ചാ​ട്ട​ങ്ങ​ളു​ടെ​യും പ​ച്ച​പ്പി​ന്റെ​യും ആ​ക​ര്‍ഷ​ണീ​യ​ത​ക്ക് ക​ഴി​ഞ്ഞ മാ​സ​ങ്ങ​ളി​ൽ​ത്ത​ന്നെ കോ​ട്ടം​ത​ട്ടി​യി​ട്ടു​ണ്ട്.

ഇ​തു​പോ​ലെ​യാ​ണ് പ​ല ടൂ​റി​സം കേ​ന്ദ്ര​ങ്ങ​ളു​ടെ​യും സ്ഥി​തി. ക​ന​ത്ത ചൂ​ടി​നെ​ക്കു​റി​ച്ചു​ള്ള ആ​ശ​ങ്ക വേ​ന​ല​വ​ധി​യി​ലെ വി​നോ​ദ​യാ​ത്ര​ക​ള്‍ ഒ​ഴി​വാ​ക്കി​യാ​ലോ എ​ന്ന ചി​ന്ത​യി​ലാ​ണ് കു​ടും​ബ​ങ്ങ​ള്‍. അ​വ​ധി​ക്കാ​ല വ​രു​മാ​നം ല​ക്ഷ്യ​മി​ട്ട്​ ജി​ല്ല​യി​ലെ വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളെ​ല്ലാം ത​യാ​റെ​ടു​പ്പു​ക​ൾ ന​ട​ത്തി​യി​രു​ന്നു.

ടൂ​റി​സം, ജ​ല​സേ​ച​നം, വ​നം, ഫി​ഷ​റീ​സ്, കെ.​ടി.​ഡി.​സി വ​കു​പ്പു​ക​ളു​ടെ കീ​ഴി​ലു​ള്ള വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ അ​റ്റ​കു​റ്റ​പ്പ​ണി​ക​ളും മു​ന്നോ​ടി​യാ​യി ന​ട​ത്തു​ക​യു​ണ്ടാ​യി. സ്കൂ​ൾ അ​ട​ച്ച​തോ​ടെ ഏ​പ്രി​ൽ, മേ​യ് മാ​സ​ങ്ങ​ളി​ൽ തി​ര​ക്ക് അ​നു​ഭ​വ​പ്പെ​ടു​മെ​ന്നാ​യി​രു​ന്നു അ​ധി​കൃ​ത​രു​ടെ പ്ര​തീ​ക്ഷ.

അ​തേ​സ​മ​യം, വേ​ന​ൽ​ച്ചൂ​ട് ക​ടു​ത്ത​തി​നാ​ൽ മാ​ർ​ച്ച്, ഏ​പ്രി​ൽ മാ​സ​ങ്ങ​ൾ മു​ത​ൽ​ക്കേ മേ​ഖ​ല​യി​ലേ​ക്ക്​ സ​ഞ്ചാ​രി​ക​ൾ എ​ത്താ​തെ​യാ​യി. സാ​ധാ​ര​ണ വേ​ന​ൽ​ക്കാ​ല​ത്ത് ആ​ളു​ക​ൾ ജ​ല​യാ​ത്ര ന​ട​ത്താ​ൻ ഇ​ഷ്ട​പ്പെ​ടും. ക​ഴി​ഞ്ഞ ര​ണ്ടു​മാ​സ​ങ്ങ​ളി​ൽ ഇ​തി​ൽ ഗ​ണ്യ​മാ​യ കു​റ​വാ​ണ്​ ഉ​ണ്ടാ​യ​ത്.

വി​ദേ​ശ​ത്തു​നി​ന്നെ​ത്തു​ന്ന​വ​രു​ടെ എ​ണ്ണ​ത്തി​ൽ വ​ലി​യ കു​റ​വി​ല്ലെ​ന്ന് വി​നോ​ദ​സ​ഞ്ചാ​ര​വ​കു​പ്പ് അ​ധി​കൃ​ത​ർ പ​റ​യു​ന്നു. ഹോ​ട്ട​ൽ​മു​റി​ക​ളു​ടെ​യും റി​സോ​ട്ടു​ക​ളു​ടെ​യും ബു​ക്കി​ങ്ങി​ൽ കു​റ​വൊ​ന്നും വ​ന്നി​ട്ടി​ല്ല. കെ.​എ​സ്.​ആ​ർ.​ടി.​സി ന​ട​ത്തു​ന്ന ബ​ജ​റ്റ് ടൂ​റി​സ​വും നേ​ര​ത്തേ നി​ശ്ച​യി​ച്ച​തു​പോ​ലെ ന​ട​ക്കു​ന്നു​ണ്ട്.

മി​ക്ക യാ​ത്ര​ക​ളും ജി​ല്ല​യി​ൽ​നി​ന്ന്​ ത​ണു​പ്പു​ള്ള സ്ഥ​ല​ങ്ങ​ളി​ലേ​ക്കാ​ണ്. ചൂ​ട്​ കൂ​ടി​യ​തി​നാ​ൽ ബു​ക്ക്​ ചെ​യ്ത പ​ല​രും പി​ൻ​വാ​ങ്ങു​ന്ന​താ​യും അ​ധി​കൃ​ത​ർ പ​റ​യു​ന്നു. 39 സീ​റ്റു​ള്ള ബ​സി​ൽ 30ൽ ​താ​ഴെ സ​ഞ്ചാ​രി​ക​ളെ യാ​ത്ര​ക്കാ​യി ബു​ക്ക്​ ചെ​യ്യു​ന്നു​ള്ളൂ.

യാ​ത്ര​ക്കാ​ർ കു​റ​വാ​യ​തി​നാ​ൽ ട്രി​പ്പ്​ കാ​ൻ​സ​ൽ ചെ​യ്താ​ൽ പി​ന്നീ​ട്​ സ​ഞ്ചാ​രി​ക​ൾ എ​ത്തു​മോ എ​ന്ന ആ​ശ​ങ്ക​യും അ​ധി​കൃ​ത​ർ പ​ങ്കു​വെ​ക്കു​ന്നു. പ​ല യാ​ത്ര​ക്കാ​രും എ​യ​ർ ക​ണ്ടീ​ഷ​ൻ ചെ​യ്ത ബ​സ്​ ആ​വ​ശ്യ​പ്പെ​ടു​ന്നു​ണ്ട്. എ.​സി ബ​സി​ൽ ബ​ജ​റ്റ്​ ടൂ​റി​സം ന​ട​പ്പി​ലാ​ക്കി​യാ​ൽ ട്രി​പ്പ്​ ലാ​ഭ​ക​ര​മാ​കി​ല്ല എ​ന്ന​തും പ​രി​മി​തി​യാ​ണെ​ന്ന് കെ.​എ​സ്.​ആ​ർ.​ടി.​സി അ​ധി​കൃ​ത​ർ പ​റ​യു​ന്നു.