ഗ്രീൻഫീൽഡ് റോഡ് നിർമാണം മേയിൽ

കൊ​ല്ലം: ദേ​ശീ​യാ​ത 744 ക​ട​മ്പാ​ട്ടു​കോ​ണം മു​ത​ല്‍ ആ​ര്യ​ങ്കാ​വ് വ​രെ ഗ്രീ​ന്‍ഫീ​ല്‍ഡ് റോ​ഡി​ന്‍റെ നി​ർ​മാ​ണം മേ​യി​ൽ ആ​രം​ഭി​ക്കും. ദേ​ശീ​യ​പാ​ത അ​തോ​റി​റ്റി ഓ​ഫ് ഇ​ന്ത്യ​യു​ടെ ഉ​ന്ന​ത ഉ​ദ്യോ​ഗ​സ്ഥ​രു​മാ​യി തി​രു​വ​ന​ന്ത​പു​ര​ത്ത് ന​ട​ത്തി​യ ച​ര്‍ച്ച​ക്ക്​ ശേ​ഷം എ​ന്‍.​കെ. പ്രേ​മ​ച​ന്ദ്ര​ന്‍ എം.​പി​യാ​ണ് വി​വ​രം അ​റി​യി​ച്ച​ത്.

ദേ​ശീ​യ​പാ​ത 744നാ​യി ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ള്‍ ത്വ​രി​ത​ഗ​തി​യി​ല്‍ പു​രോ​ഗ​മി​ക്കു​ക​യാ​ണ്. ഭൂ​മി ഏ​റ്റെ​ടു​ക്ക​ല്‍ ന​ട​പ​ടി പൂ​ര്‍ത്തി​യാ​ക്കു​ന്ന മു​റ​ക്ക് നി​ർ​മാ​ണം ആ​രം​ഭി​ക്കാ​ന്‍ ക​ഴി​യു​ന്ന വി​ധം ടെ​ൻഡ​ര്‍ ന​ട​പ​ടി​ക​ള്‍ ന​ട​ന്നു​വ​രു​ന്നു. ഭൂ​മി​യേ​റ്റെ​ടു​ക്ക​ലും പ്ര​വൃത്തി ക​രാ​ര്‍ ന​ല്‍കു​ന്ന​തി​നു​ള്ള ഭ​ര​ണ​ന​ട​പ​ടി​ക​ളും സ​മാ​ന്ത​ര​മാ​യി ന​ട​ക്കു​ക​യാ​ണ്.

ദേ​ശീ​യ​പാ​ത 744ന്‍റെ ഭൂ​മി ഏ​റ്റെ​ടു​ക്കു​മ്പോ​ള്‍ ഭൂ​വുട​മ​ക​ള്‍ക്ക് മെ​ച്ച​പ്പെ​ട്ട ന​ഷ്ട​പ​രി​ഹാ​രം ന​ല്‍കാ​നാ​ണ് ന​ട​പ​ടി. 2013ല്‍ ​പാ​ര്‍ല​മെ​ന്‍റ് പാ​സാ​ക്കി​യ ഭൂ​മി ഏ​റ്റെ​ടു​ക്ക​ലും ന​ഷ്ട​പ​രി​ഹാ​ര​വും സം​ബ​ന്ധി​ച്ച കേ​ന്ദ്ര​നി​യ​മ പ്ര​കാ​ര​മാ​ണ് നാ​ഷ​ന​ല്‍ ഹൈ​വേ അ​തോ​റി​റ്റി ഓ​ഫ് ഇ​ന്ത്യ ന​ഷ്ട​പ​രി​ഹാ​രം ന​ല്‍കു​ന്ന​തെ​ന്നും അ​തി​നു വി​രു​ദ്ധ​മാ​യ പ്ര​ചാ​ര​ണ​ങ്ങ​ള്‍ അ​ടി​സ്ഥാ​ന ര​ഹി​ത​മാ​ണെ​ന്നും എം.​പി അ​റി​യി​ച്ചു.

നി​ല​വി​ലെ വ്യ​വ​സ്ഥ​യ​നു​സ​രി​ച്ച് നി​ശ്ച​യി​ക്കു​ന്ന വി​ല​യു​ടെ ഇ​ര​ട്ടി​യും പ​ണം ന​ല്‍കു​ന്ന തീ​യ​തി​വ​രെ​യു​ള്ള പ​ലി​ശ​യും ഉ​ള്‍പ്പെ​ടെ​യാ​ണ് ന​ഷ്ട​പ​രി​ഹാ​ര​ത്തു​ക നി​ശ്ച​യി​ക്കു​ന്ന​ത്.

പ​ഴ​യ കെ​ട്ടി​ട​ങ്ങ​ള്‍ക്കുപോ​ലും വി​ല നി​ശ്ച​യി​ക്കു​ന്ന​ത് പു​തുതാ​യി നി​ർ​മി​ക്കു​ന്ന​തി​നു​ള്ള നി​ർ​മാ​ണ​ച്ചെല​വി​ന്‍റെ അ​ടി​സ്ഥാ​ന​ത്തി​ലാ​ണ്. ഭൂ​മി​യും കെ​ട്ടി​ട​ങ്ങ​ളും ന​ഷ്ട​പ്പെ​ടു​ന്ന​വ​ര്‍ക്ക് ന​ഷ്ട​പ​രി​ഹാ​ര​ത്തു​ക നി​ശ്ച​യി​ക്കു​ന്ന​തി​നു​ള്ള മാ​ന​ദ​ണ്ഡ​ങ്ങ​ള്‍ ഭൂ​വു​ട​മ​ക​ള്‍ക്ക് ഗു​ണ​പ്ര​ദ​മാ​യി​ട്ടു​ള്ള​താ​ണെ​ന്നും ഉ​ദ്യോ​ഗ​സ്ഥ​ര്‍ അ​റി​യി​ച്ചു.

ആ​രാ​ധ​നാ​ല​യ​ങ്ങ​ള്‍, പൊ​തു​സ്ഥാ​പ​ന​ങ്ങ​ള്‍, ജ​ന​നി​ബി​ഡ​മാ​യ പ്ര​ദേ​ശ​ങ്ങ​ള്‍, വാ​സ​ഗൃ​ഹ​ങ്ങ​ള്‍ എ​ന്നി​വ പ​ര​മാ​വ​ധി ഒ​ഴി​വാ​ക്കി​യാ​ണ് ഗ്രീ​ന്‍ഫീ​ല്‍ഡ് റോ​ഡി​ന് അ​ലൈ​ന്‍മെ​ന്‍റ് നി​ശ്ച​യി​ക്കു​ന്ന​ത്. നി​ല​വി​ല്‍ നി​ശ്ച​യി​ച്ചി​ട്ടു​ള്ള അ​ലൈ​ന്‍മെ​ന്‍റ് സം​ബ​ന്ധി​ച്ച് ല​ഭി​ച്ചി​ട്ടു​ള്ള പ​രാ​തി​ക​ളി​ല്‍ പ​രി​ഹ​രി​ക്കാ​ന്‍ ക​ഴി​യു​ന്ന​വ പ​രി​ഹ​രി​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും ഉ​ദ്യോ​ഗ​സ്ഥ​ര്‍ പ​റ​ഞ്ഞു.

എ​ന്‍.​എ​ച്ച് 744 ലെ ​ആ​ന​പ്പുഴ​യ്ക്ക​ല്‍ മു​സ്​​ലിം ജ​മാ-​അ​ത്ത്, തു​മ്പോ​ട് അ​രീ​യ്ക്ക​ല്‍ ശ്രീ​ശി​വ​പാ​ര്‍വ​തി കാ​വ്, ഉ​റു​കു​ന്ന് ഹോ​ളി​ക്രോ​സ് ല​ത്തീ​ന്‍ ക​ത്തോ​ലി​ക് ച​ര്‍ച്ച്, ഏ​രൂ​ര്‍ മു​സ്​​ലിം ജ​മാ-​അത്ത്, പ​ത്ത​ടി മു​സ്​​ലിം ജ​മാ-​അ​ത്ത്, ക​പ്ലിങ്ങാട് ദേ​വീ ക്ഷേ​ത്രം, വി​വി​ധ സ്ഥാ​പ​ന​ങ്ങ​ള്‍, വ്യ​ക്തി​ക​ള്‍ തു​ട​ങ്ങി​യ​വ​ര്‍ ന​ല്‍കി​യ പ​രാ​തി​ക​ളും നി​വേ​ദ​ന​ങ്ങ​ളും സം​ബ​ന്ധി​ച്ച് യോ​ഗം വി​ശ​ദ​മാ​യി ച​ര്‍ച്ച ചെ​യ്തു.

ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് നി​ല​വി​ലു​ള്ള മാ​ന​ദ​ണ്ഡ​ങ്ങ​ള്‍ പാ​ലി​ച്ച് ഓ​രോ സ്ഥ​ല​ത്തും സ്വീ​ക​രി​ക്കാ​ന്‍ ക​ഴി​യു​ന്ന പ​രി​ഹാ​ര മാ​ര്‍ഗ​ങ്ങ​ള്‍ സ്വീ​ക​രി​ക്കാ​നും ധാ​ര​ണ​യാ​യി. ദേ​ശീ​യ​പാ​ത അ​തോ​റി​റ്റി​യു​ടെ മാ​ര്‍ഗ നി​ർ​ദേ​ശ​ങ്ങ​ള്‍ പാ​ലി​ച്ച് ഓ​രോ പ​രാ​തി​യും പ്ര​ത്യേ​ക​മാ​യി പ​രി​ശോ​ധി​ച്ച് ന​ട​പ​ടി സ്വീ​ക​രി​ക്കു​മെ​ന്നും ഉ​ദ്യോ​ഗ​സ്ഥ​ര്‍ ഉ​റ​പ്പുന​ല്‍കി.

ദേ​ശീ​യ​പാ​ത 66ല്‍ ​ച​വ​റ പാ​ല​ത്തി​ന് അ​ടി​യി​ല്‍ കൂ​ടി​യു​ള്ള നി​ല​വി​ലെ ഗ​താ​ഗ​ത സൗ​ക​ര്യ​ത്തി​നു ത​ട​സ്സം വ​രാ​ത്ത​വ​ണ്ണ​വും പ്ര​സ്തു​ത ഭാ​ഗ​ത്തു കൂ​ടി​യു​ള്ള ഗ​താ​ഗ​ത സൗ​ക​ര്യം നി​ല​നി​ര്‍ത്തി​യും മാ​ത്രം പു​തി​യ പാ​ല​വും അ​നു​ബ​ന്ധ സൗ​ക​ര്യ​ങ്ങ​ളും നി​ർ​മി​ക്കു​മെ​ന്ന് ഉ​ദ്യോ​ഗ​സ്ഥ​ര്‍ ഉ​റ​പ്പുന​ല്‍കി.

ച​വ​റ കൊ​റ്റ​ന്‍കു​ള​ങ്ങ​ര പ്ര​ദേ​ശ​ത്തെ ജ​ന​ങ്ങ​ളു​ടെ​യും വ്യാ​പാ​ര​ിവ്യ​വ​സാ​യി സം​ഘ​ട​ന​ക​ളു​ടെ​യും ജ​ന​പ്ര​തി​നി​ധി​ക​ളു​ടെ​യും പ​രാ​തി ച​ര്‍ച്ച ചെ​യ്ത​തി​ന്‍റെ അ​ടി​സ്ഥാ​ന​ത്തി​നി​ലാ​ണ് ധാ​ര​ണ​യാ​യ​ത്. കു​റ്റി​വ​ട്ടം, മ​ങ്ങാ​ട്, കു​രീ​പ്പു​ഴ, ശ​ങ്ക​ര​മം​ഗ​ലം, പാ​ല്‍ക്കു​ള​ങ്ങ​ര തു​ട​ങ്ങി സ്ഥ​ല​ങ്ങ​ളി​ല്‍ അ​ടി​പ്പാ​ത നി​ർ​മി​ക്ക​ണ​മെ​ന്ന ആ​വ​ശ്യം യോ​ഗം ച​ര്‍ച്ച ചെ​യ്തു. മേ​ല്‍പ​റ​ഞ്ഞ സ്ഥ​ല​ങ്ങ​ളി​ല്‍ അ​ടി​പ്പാ​ത നി​ര്‍മി​ക്കാ​ന്‍ ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന എം.​പി​യു​ടെ ആ​വ​ശ്യം ദേ​ശീ​യ​പാ​ത അ​തോ​റി​റ്റി​ക്ക് ശിപാ​ര്‍ശ ചെ​യ്യാ​മെ​ന്നും ധാ​ര​ണ​യാ​യി.

ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് പാ​ല്‍ക്കു​ള​ങ്ങ​ര ഭാ​ഗ​ത്ത് മാ​ലി​ന്യം ത​ള്ളു​ന്ന​ത് മൂ​ല​മു​ണ്ടാ​കു​ന്ന ബു​ദ്ധി​മു​ട്ടു​ക​ള്‍ പ​രി​ഹ​രി​ക്കാ​ന്‍ ബ​ന്ധ​പ്പെ​ട്ട​വ​ര്‍ക്ക് ക​ര്‍ശ​ന​മാ​യ നി​ർ​ദേ​ശം ന​ല്‍കാ​ന്‍ ധാ​ര​ണ​യാ​യി. ദേ​ശീ​യ​പാ​ത 744ന്‍റെ​യും 66 ന്‍റെ​യും പ്ര​വൃത്തി​ക​ള്‍ സ​മ​യ​ബ​ന്ധി​ത​മാ​യി പൂ​ര്‍ത്തി​യാ​ക്കാ​നു​ള്ള ന​ട​പ​ടി​ക​ളാ​ണ് സ്വീ​ക​രി​ച്ചു വ​രു​ന്ന​തെ​ന്നും എ​ന്‍.​കെ. പ്രേ​മ​ച​ന്ദ്ര​ന്‍ എം.​പി അ​റി​യി​ച്ചു.